VaGalati 1:7 - ULufingwi uLupwa

⁷ poosye she te Lizwi iLyinza inga hansi. Nalyoli avhantu ivho vhakuvhatamwa imwe, havhili vhakwanza kwandula Izwi iLyinza ilya Chilisiti.

Tesitamenti Umupwa 1965

⁷ Ilinji litalipo nalimo. Nkandi valipo vamo ve vakwanzʼukuvalisyʼimwe nukugalula Ivangeli lya Chilisiti.

VaGalati 1:7 ပူးပေါင်းရင်းမြစ်များ

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

iMbombo izya Vhatumwa 13:10

ahamuvhuuzya ahati, “Iwe we mwana wa Mukwalanzi, we mulugu uwa zyonti izya nalyoli pilongolela ilya Mulungu! Uyizuuye uvhushevu uvhwa kuhopenkanya avhanji nu vhuvhiivhi vhwonti. Shooni she utakuleha kupuvwa amadala amagolosu aga MWENE uMulungu?

iMbombo izya Vhatumwa 15:24

Twivuuye kuuti avhantu vhamo kufuma ku kwitu vhavhavhuziizye inongwa izya kuvhavwalanganya nu kuvhapuvwa amooyo giinyu, ileelo te sweswe twaavhasonteleziizye.

iMbombo izya Vhatumwa 20:30

Havhili muli imwe vhalifumila avhantu vhe vhaliyangaga inongwa izya ilenga, inga vhavhateezye avhalandati, kuuti vhavhalandataje avheene.

2 VaKolinti 11:13

Avhantu inza ivho vhatumwa avha ilenga, avheene vhavhomvi vhe vhakuhopenkanya, vhakuyivhiiha ngati vhatumwa avha Chilisiti.

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

VaGalati 1:6

Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

VaGalati 2:4

poosye inga vháliipo avhiitisi avhanji avha ilenga vhe vhahanzaga kuuti atahiililwe. Avhantu ivho vháyinjiziizye ku vhushevu kuvhupenza uvhusatushe vhwitu vhwe tupeliilwe nu Chilisiti uYeesu, inga vhatuvhiishe mu vhuzya uvhwa kulandata indajizyo izya Vhayuuda.

VaGalati 4:17

Avhantu avhanji ivho vhakukanyila, inga vhavhaaje imwe, ileelo zye vhakwanza te nyinza. Vhakwanza vhavhalehaanye imwe niine, inga muvhashindihaje avheene.

VaGalati 5:10

Imwe mwe vhantu avha Mwene uYeesu. Nkuyanga ishisita amaganigani kuuti, te mulandate amazwi aga vhantu avhanji, nkandi kwe mulandate amazwi gaane. Havhili wonti we akuvhateezya imwe, nalyoli alilongwa, poosye avhe wu naanu.

VaGalati 5:12

Nkusungwa kuuti avhantu ivho vhe vhakuvhapuvwa kuzya kutahiililwa, vhajendeelele poosye nu kuyipaasa!

VaGalati 6:17

Ishi, nuumo atahantamwe havhili, mwe pe indi na mavhamba mu muvhili waane, inza vwe uYeesu áamile nago.

2 Timoti 2:18

Ivho vhapuvile nkaani, vhavhulesile uvhwanalyoli. Vhakusambiilizya kuuti kuzyuha ukwa vhafwe kuhatuuha. Kuli izyo, vhakunanganya ulwitiho ulwa vhanji.

1 Yohani 2:26

Nkuvhasimbila izi, kuvhasoha kuzya vhantu vhaala vhe vhakwanza kuvhapuvwa.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

2 Yohani 1:10

Inga umuntu akwinza kuli imwe we atakusambiilizya insambiilizyo izyo izya Chilisiti, mutamuposheelaje mu nyumba zyinyu, havhili mutamulamuhaje inza avhiitisi avhamwinyu.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 2:2

Imanyile imbombo yaaho nu mute waaho nu vhujimbiilizu vhwaho. Havhili imanyile kuuti utangavhajimbiilila avhatalamalandu, havhili uvhalinzile vhe vhakuyitaha kuuti vhatumwa fwandi te muumwo. Uhamanyinsanya kuuti vha ilenga.

Ishitushizya 2:20

Ileelo indi ni izwi niiwe: Ukumujimbiilila umwantanda ula uYezebeeli. Uweene akuyitaha kuuti mukuvhwi, ileelo te muumwo. Akuvhasambiilizya avhavhomvi vhaane nu kuvhapuvwa, kuuti vhavhembuhaje nu kulya impuutile zye vhafumwizye ku viholanyo.

Ishitushizya 2:6

Kuli izi nkukutiima, ukwilwa zye aVhanikolayi vhakuzivhomba, zye niine nkuzyilwa.

Ishitushizya 20:3

Ahalisumbila kwi ilivha ilya ku vhuzimu, ahawugalila nu kuwulemezanya umulyango uwa kwinjiilila kuukwo. Ávhomvile vhwevhulo inga iyoha ilyo litahasheele havhili kuzihopenkanya insi kufishila ahavhaliilizyo aha maaha 1,000. Ileelo lwe amaaha igo gatuuha, alilyigulila havhili ku havhaliilizyo hansi vhweleele.