VaGalati 1:6 - ULufingwi uLupwa

⁶ Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

Tesitamenti Umupwa 1965

⁶ Nkusukumilʼine lwe nazile muhonzizye vovulo mutahaṿile ukumuzila wʼavavilishiye muvwila vwa Chilisiti nukupindushila mwivangeli ilinji.

VaGalati 1:6 ပူးပေါင်းရင်းမြစ်များ

Maliko 6:6

Ahasukumila nkaani, mwe pe avhantu ivho vhatámwitisile. UYeesu ahazyunguulaga mu ntala zyeziila nu kusambiilizya.

Yohani 9:30

Umuntu uyo ahavhaamula ahati, “Ine nkusukumila nkaani! Imwe mutamanyile kwe afumile, ileelo uweene amponiizye aminso gaane!

iMbombo izya Vhatumwa 15:11

Vhayaaya, tukwitiha kuuti iswe na vheene tukupokwa ku vhwila uvhwa Mwene wiitu uYeesu Chilisiti.”

VaLoma 10:3

Avheene vhatálimanyile idala lye uMulungu akuvhavhaazya avhantu kuuti vhagolosu, vhahalondola idala ilyavho. Vháhaanile kuyikonzya ku vhwanalyoli uvhwa Mulungu.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

1 VaKolinti 4:15

Yeenya, poosye she muli na vhasambiilizi 10,000 mwa Chilisiti, ileelo utaata wiinyu ali wooka. Ine ne ne taata wiinyu mwa Chilisiti uYeesu, mwe pe ne náali ne mutanzi kulumbiilila Izwi iLyinza kuli imwe.

2 VaKolinti 11:4

Nkuyanga vhwevhulo, mwe pe imwe mwe vhapupuusu kumuposheela umuntu we akwinza kumukumusya uYeesu uwunji we iswe tutamukumusiizye. Havhili mukumuposheela umupepo uwunji, poosye izwi ilinji lye mutaposheleeye kufuma kuli iswe.

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

VaGalati 1:11

Vhamwitu, nkwanza mumanye kuuti, Izwi iLyinza lye ine návhalumbiliiye, litáfumile ku vhantu.

VaGalati 1:15

Ileelo uMulungu ku vhwila vhwakwe, ánsavhuuye lwe nshiili nu kupaapwa, ahaniita kumuvhombela.

VaGalati 1:7

poosye she te Lizwi iLyinza inga hansi. Nalyoli avhantu ivho vhakuvhatamwa imwe, havhili vhakwanza kwandula Izwi iLyinza ilya Chilisiti.

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 2:2

Násogooye ahavhaliilizyo iho, mwe pe uMulungu ándolesiizye kuuti nsogole. Lwe naafiha, nkatendama na vhalongozi kukwilu, nkavhavhuuzya Izwi iLyinza lye nkavhakumusizyaga vhe te Vhayuuda. Návhomvile vhwevhulo, inga imbombo yaane ye nkuyivhomba yitishilwe, yitahaavhe ya vhweleele.

VaGalati 2:5

Avhantu ivho tutívwine navho inga hansi, inga imwe mujendeelele kuvha nu vhwanalyoli uvhwa Izwi iLyinza.

VaGalati 2:7

Vhámanyile kuuti uMulungu ansonteleziizye kuvhalumbiilila Izwi iLyinza vhe te Vhayuuda, inza vwe amusonteleziizye uPeeteli ku Vhayuuda.

VaGalati 5:14

Indajizyo zyonti izya Moose zili mu lulajizyo lwoka lwe lukuti, “Umukundaje umupalamani waaho inza vwe ukuyikunda weneewe.”

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

1 Timoti 1:3

Nkwanza kuuti usyale kunuukwo mu nkaaya iya Hefeeso, inza vwe nákuhomeleziizye ahavhaliilizyo he násogooye ku shigavho isha nsi isha Makedooniya. Nátili uvhalajizye avhantu kuuti vhatasambilizyaje insambiilizyo izya ilenga.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:1

Ishi we mwana waane, uvhe na maha kwi idala ilya vhwila vhwe tukuvhwaga mwa Chilisiti uYeesu.

1 Peteli 1:15

nkandi muvhanje mwe vhafinjile mu lujendo lwinyu lwonti, inza uMulungu we ávhiisite vwe mufinjile.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

Ishitushizya 22:21

UMwene uYeesu, avhafwilaje uvhwila imwe mwenti.