VaGalati 1:4 - ULufingwi uLupwa

⁴ UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

Tesitamenti Umupwa 1965

⁴ wʼayivisile wonti pavutalamalandu vwitu, ukuti amposile munsʼino iya vuvivi yʼilipo shinishi, inza shʼakasime nzila uMulungu uTata witu,

VaGalati 1:4 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Matayi 26:28

Iga mavhanda gaane aga lufingwi ge gakwitiha kuzya vhantu avhinji, inga uMulungu avhaswile uvhutalamalandu vhwavho.

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

Matayi 6:9

“Ishi imwe lwe mukumulaavha uMulungu, mutinji, ‘Taata wiitu uwa ku mwanya, izina lyaho lishindikwaje. Uvhumwene vhwaho vhwinze.

Maliko 10:45

Yeenya, ine ne Mwana wa Aadamu ntínzile kuvhombelwa, nkandi kuvhavhombela avhantu, nu kufumwa uvhulanzi vhwane kuvhatavhula avhinji.”

uLuuka 22:19

Pe ahanyatula ikaati ahamusalifwa uMulungu, ahalimensula, ahayanga ahati, “Uno we muvhili waane we nkuwufumwa ku zyinyu. Muvhombaje vhwevhulo, kunkumbuha ine.”

uLuuka 22:42

“We Taata! Inga ukasiime, nkulaavha uneefwezye amayimba iga. Ileelo te kuuti zivhombeshe zye ine nkasiime, nkandi zivhombeshe zye weneewe ukasiime!”

Yohani 10:11

“Ine ne mudiimi umwinza. Umudiimi umwinza akuyifumwa kufwa kuzipoha ingʼonzi zyakwe.

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 5:30

UYeesu ahajendeelela kuyanga ahati, “Naashimo she ingavhomba ku maha gaane. Nkuvhalonga avhantu kulandatana na vwe uTaata waane akumbuuzya. Kuli izyo, uvhulonzi vhwane vhugolosu, mwe pe ntakuvhomba zye nkasiime, nkandi zye akasiime uTaata waane we ansonteleziizye.

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaLoma 4:25

UMulungu ámufumwizye uYeesu kuvha mpuutile kuzya vhutalamalandu vhwitu, havhili ámuzyusiizye, inga tuvhaazilwe kuuti swe vhagolosu.

VaLoma 8:27

Uweene uMulungu we akupenza zye zili mu mooyo aga vhantu, azimanyile insiivho izya Mupepo uMufinjile. Yeenya, uMupepo uyo akuvhalaavhila avhafinjile inza vwe uMulungu akwanza.

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

1 VaKolinti 15:3

Ine návhasambiliziizye insambiilizyo imwamu zye náposheleeye, inza vwe yisimviilwe mu Vhusimbe uVhufinjile, kuuti uChilisiti áfuuye kuzya vhutalamalandu vhwitu.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

VaEfeso 1:11

Ivintu vwonti vikuvhombeha kulandatana nu lukasamo nu vhwamuzi uvhwa Mulungu. Woope uMulungu kufuma hali átusavhuuye iswe swe Vhayuuda, kuuti tuvhe swe vhaana vhaakwe kwi idala ilya kusopenkana nu Chilisiti.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 5:16

Mutatezyaje ahavhaliilizyo shaaha, mwe pe izi nsiku imbiivhi.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

VaEfeso 6:12

Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

Filipi 4:20

Ishi uTaata wiitu uMulungu, ashindikwaje shiima shiima! Amina!

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 VaTesaloniki 3:11

Tukumulaavha uMulungu, uTaata wiitu wuuyo, nu Yeesu uMwene wiitu, atusenganizanye idala ilya kwinza kuli imwe.

1 VaTesaloniki 3:13

Havhili avhagomwe amooyo giinyu, inga muvhanje mwe vhafinjile. Muvhanje ishisita ulukwinkwino pilongolela ilya Taata wiitu uMulungu, lwe akwinza uMwene wiitu uYeesu pooka na vhafinjile vhaakwe vhonti. Amina!

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

1 Timoti 2:6

Uweene áyifumwizye kuuti afwe kuvhatavhula avhantu vhonti. Uvhwo vhwe vhwahoome vhwe uMulungu ahomesheziizye ku havhaliilizyo he hahondeeye.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 2:5

Tumanyile kuuti uMulungu atavhapiiye avhahavhizya amaha aga kuyikonzya insi impwa ye yikwinza, ye tukuyanga inongwa zyakwe.

VaHebuli 6:5

Havhili vhálinzile uvhwinza uvhwa izwi ilya Mulungu, na maha aga vhulongozi vhwe vhukwinza uvhwa Mulungu ahavhaliilizyo he alikonzyaga insi impwa.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.

1 Yohani 3:16

Iswe tushimanyile ishikunzi, mwe pe uChilisiti ávhufumwizye uvhulanzi vhwakwe ku zyitu. Niiswe vhweleele, inga haafiha ahavhaliilizyo aha kuvhaavwa avhamwitu, tukwanzilwa kuyikungula kuvhaavwa, poosye nu kuvhufumwa uvhulanzi vhwitu ku zyavho.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.

Ishitushizya 7:9

Lwe zyatuuha izyo, nkalola ivhungaana ipiti nkaani ilya vhantu lye nuumo atangavhaazya. Avhantu kufuma mu nsi zyonti ni nkolo zyonti na mu mpuga zyonti na mu njango zyonti, vhimiliiye pilongolela ilya shitengo isha vhumwene na pilongolela ilya Hagonzi aha MWENE uMulungu. Vhazwaye amenda amazelu havhili vhalemile amatundu aga matende.