VaEfeso 6:9 - ULufingwi uLupwa

⁹ Niimwe mwe vhamwene, muvhavhombelaje ahinza inza vhwevhulo avhazya vhiinyu. Mutavhogofwaje kuuti mukuuvhapa isunde, mwe pe mumanyile kuuti, avheene pooka niimwe, uMwene wiinyu ali wooka, woope ali ku mwanya. Uvhulonzi vhwakwe ku vhonti vhwa nalyoli, havhili uweene atakusavhulanya avhantu.

Tesitamenti Umupwa 1965

⁹ Namwe vapiti vavo, muhonzyaje vovulo kuli vuvo. Muleshʼukuvogofwa. She mumanyile ukuti vanava poka namwe muli nuMwene wʼali kumwanya, wʼatakumusevelʼumuntu kuvwinza vwa kuminso.

VaEfeso 6:9 ပူးပေါင်းရင်းမြစ်များ

Matayi 22:10

Pe avhavhomvi ivho vhahasogola mu madala amalehaana. Vhahavhavhungaaniha vhonti vhe vhávhaazile, avhavhiivhi na vhagolosu. Pe avhajeni vhahiizula mu nyumba iya winga.

Matayi 22:8

Pe umwene ahavhavhuuzya avhavhomvi vhaakwe avhamwavho ahati, ‘Ivintu ivwa winga nsengiinye, ileelo vhe naavhalanjiiye vhatahondeeye kwinza.

Matayi 24:48

Ileelo inga umuvhomvi uyo umuvhiivhi, asiivha mu mwoyo waakwe kuuti, ‘Umwene waane ahaavha kuvhwela,’

Matayi 24:51

Pe aliimupa isunde ipiti nu kumuvhiiha pooka na vhashifumbo. Ukwo kwe vhalikuutaga nu kuyimba nkaani.”

Matayi 7:12

“Ishi muvhavhombelaje avhanji inza vwe niimwe mukwanza kuuti vhavhavhombelaje, mwe pe izyo zye ndajizyo izya Moose ni nsambiilizyo izya vhakuvhwi.”

uLuuka 6:31

Muvhavhombelaje avhanji inza vwe niimwe mukwanza kuuti vhavhavhombelaje.

Yohani 13:13

Imwe mukuniita mukuti, ‘Musambiilizi,’ havhili mukuti, ‘Mwene,’ mukuyanga zya nalyoli, mwe pe ne Musambiilizi wiinyu, havhili ne Mwene wiinyu.

iMbombo izya Vhatumwa 10:34

Pe uPeeteli ahavhavhuuzya ahati, “Ishi pe naamanya kuuti, nalyoli uMulungu atakusavhulanya!

VaLoma 2:11

Yeenya, uMulungu atakusavhulanya.

1 VaKolinti 1:2

tukuvhalamuha imwe, mwe vha mu shivhanza isha Mulungu, she shili mu nkaaya iya Kolinto, imwe mwe uMulungu avhasavhuuye kuvha nu vhuliilani nu Chilisiti uYeesu. Mwisiitwe kuvha mwe vhafinjile pooka na vhantu vhonti avha mu mbazu zyonti vhe vhakumulaavha uYeesu Chilisiti, uweene we wu Mwene waavho havhili wiitu niiswe.

1 VaKolinti 7:22

Nkuyanga vhwevhulo, mwe pe umuntu we áamile muzya lwe uMwene uYeesu akumwita, uyo musatushe kwa Mwene uYeesu. Woope we áamile musatushe lwe uMwene akumwita, uyo muzya uwa Chilisiti.

Kolosi 3:25

Ileelo wonti we akuvhomba uvhutalamalandu, aliposheela kulandatana nu vhutalamalandu vhwakwe, mwe pe uMulungu atakusavhulanya.

Kolosi 4:1

Niimwe mwe vhamwene, muvhavhombelaje avhazya vhiinyu zye zikwanzilwa ni shisita kusavhulanya. Mukumbuhaje kuuti niimwe vhweleele muli nu Mwene uwa ku mwanya.

Yakobu 2:13

UMulungu te ahaavhe nu vhwila, lwe akumulonga umuntu we atali nu vhwila. Inga umuntu ali nu vhwila ku vhanji, woope uMulungu alimufwila uvhwila pi isiku ilya vhulonzi!

Yakobu 2:8

Mu Vhusimbe uVhufinjile, indajizyo izya MWENE wiitu uMulungu zikuyanga zikuti, “Umukundaje umupalamani waaho inza vwe ukuyikunda weneewe.” Inga mukuvhomba vhwevhulo, pe lwe mukuvhomba ahinza.

Yakobu 5:4

Tejeelezyi avhavhomvi vhiinyu, vwe vhakuyivhuna nu kuvhalonga! Vhamazile kwefwa ivwakulya mu magunda giinyu, ileelo imwe mutavhalifile. Kuyivhuna kwavho kwivwisile mu makutwi aga MWENE uMulungu uwa Maha Gonti.