VaEfeso 6:8 - ULufingwi uLupwa

⁸ Mumanye kuuti uMwene uYeesu aliimupa ishipeelwa umuntu wonti ku mbombo yaakwe inyinza ye akuvhomba, avhe muzya poosye te muzya.

Tesitamenti Umupwa 1965

⁸ Mumanyaje ukuti imbombʼinyinza yenga mwe vantu muvomṿile unʼiyakwe unʼiyakwe, yʼuMwene alivalipila, nashenga mwe vazya pamo mwe vasatushe.

VaEfeso 6:8 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Matayi 20:7

Avheene vhahamwamula vhahati, ‘Mwe pe nuumo we atulambiiye kuvhomba imbombo.’ Pe ahati, ‘Niimwe musogole kuvhomba imbombo mu mugunda waane uwa mampensya.’

Matayi 5:12

Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vwe vhahavhayimvwaga avhakuvhwi vhe vhávhalongoleeye imwe.”

Matayi 6:1

“Yeenya, mutavhombaje inyinza pilongolela ilya vhantu, inga vhavhalole, mwe pe inga mukuvhomba vhwevhulo, te muhaposheele ishipeelwa kufuma kwa Taata wiitu uwa ku mwanya.

Matayi 6:4

inga ishipeelwa shaaho shivhanje sha kukwilu. Pe uTaata waaho uwa ku mwanya we akulola zye zikuvhombeha kukwilu, alikulipa.”

uLuuka 14:14

Pe niiwe uliivha nu vhuloote, mwe pe ivho vhatali ni vintu ivwa kukugalusizya. UMulungu we alikugalusizya, ahavhaliilizyo he alivhazyusya avhagolosu.”

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

1 VaKolinti 12:13

Niiswe swenti, tuvhe twe Vhayuuda, poosye te twe Vhayuuda, tuvhe twe vhazya, poosye twe vhasatushe, twózeliilwe nu kumuposheela uMupepo wooka, inga tuvhe umuvhili wooka.

2 VaKolinti 5:10

Nkuyanga vhwevhulo, mwe pe iswe swenti tuliyimiilila pilongolela ilya Chilisiti, nu kulongwa. Avhantu vhonti vhaliposheela amalipilo aga mbombo zye vhakuvhomba mu nsi umu, zivhe nyinza, poosye zivhe mbiivhi.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

Kolosi 3:11

Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.

Kolosi 3:24

Mukumbushe kuuti uMwene aliivhapa ishipeelwa she vhupwano vhwinyu. UMwene we mukumuvhombela we wu Chilisiti.

Kolosi 3:25

Ileelo wonti we akuvhomba uvhutalamalandu, aliposheela kulandatana nu vhutalamalandu vhwakwe, mwe pe uMulungu atakusavhulanya.

VaHebuli 10:35

Kuli izyo, muvhanje nu vhudandamazu, mwe pe muliposheela ishipeelwa ishipiti nkaani kufuma kwa Mulungu.

VaHebuli 11:26

UMoose ávhwenyi kuuti kuyimvilwa kuzya Chilisiti lilonka nkaani kuluusya uvhwinza nu vhudumbwe uvhwa mu nsi iya Miisili. Ávhomvile vhwevhulo, mwe pe ahasuvhilaga ishipeelwa she uMulungu aliimupa insiku izya kwilongolela.