VaEfeso 6:21 - ULufingwi uLupwa

²¹ Uwamwitu unkundwa uTikiiko, umuvhomvi umutungamu uwa Mwene uYeesu alivhavhuuzya inongwa zyane zyonti, inga niimwe mumanye vwe nkujendeelela na zye nkuvhomba ishi.

Tesitamenti Umupwa 1965

²¹ Nkandi ukuti muzimanye namwe izyane, mwe mbaliye, uTikika uwamwitu unkundwa umuvombezi umutungamu mwa Mwene alivavuzyʼimwe zyonti,

VaEfeso 6:21 ပူးပေါင်းရင်းမြစ်များ

iMbombo izya Vhatumwa 20:4

Mu vhulendo uvhwo uvhwa ku Siiliya, uPaavhuli áali pooka nu Sopaatulo umwana wa Piilo uwa ku Belooya, na vha Alisitaaliko nu Sekundo avha ku Tesaloniiki, nu Gaayo uwa ku Deelibe, nu Tiimoti, na vha Tikiiko nu Tolofiimo avha ku Aasiya.

1 VaKolinti 4:17

Ilyo lye limbiisile kumusonteelezya uTiimoti, umwana waane unkundwa, havhili umutungamu mu mbombo iya Mwene uYeesu. Uweene kwe avhakumbusye ulujendo lwane mwa Chilisiti, inza vwe nkusambiilizya mu vivhanza mwonti.

Filipi 1:12

Mwe vhamwitu, nkwanza mumanye kuuti, amayimba gonti ge ganaazile gavwizye nkaani kukumusya Izwi iLyinza.

Kolosi 1:7

Mwásambiliiye Izwi iLyinza ilyo kufuma kwa Epaafula. Uweene, muvhomvi wamwitu unkundwa, akuvhavhombela imwe kwa Chilisiti ku vhutungamu.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

2 Timoti 4:12

Naamusonteleziizye uTikiiko mu nkaaya iya Hefeeso.

uTiiti 3:12

Nkwanza kusyala mu nkaaya iya Nikopooli ahavhaliilizyo aha lupepo. Ahavhaliilizyo he ndimusonteelezya uAliteema, poosye uTikiiko ku kwaho, uhinze naluvhiilo ku Nikopooli, inga tuhomaane ukwo.

Filemoni 1:16

Te avhe muzya waaho vhweleele, nkandi kwe avhe wamwitu unkundwa mwa Yeesu Chilisiti. Ine imunkunzite nkaani, niiwe umukunde nkaani, inza umunine waaho, havhili inza uwamwitu mwa Mwene uYeesu.

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.

2 Peteli 3:15

Mukumbushe kuuti uMwene akuvhajimbiilila, inga muhavhwaje uvhuposhi. Vhwevhulo, vwe uwamwitu uPaavhuli unkundwa ávhasimbiiye ukalaata ku vhushindamu uvhwa njeele inza vwe uMulungu ámupiiye.