VaEfeso 6:19 - ULufingwi uLupwa

¹⁹ Niine vhuulo, mundavhilaje kuuti uMulungu ampe amazwi aga kuyanga, inga mbuvumbule uvhuzigizigi uvhwa Izwi iLyinza ku vhudandamazu.

Tesitamenti Umupwa 1965

¹⁹ ukuti nane ndyagajʼizwi lwe nkuvusyʼilomu ukuvukumusya uvuzigizigi vwʼIvangeli shisitakutetema,

VaEfeso 6:19 ပူးပေါင်းရင်းမြစ်များ

iMbombo izya Vhatumwa 13:46

Pe avha Paavhuli nu Balinaaba vhahavhaamula aVhayuuda ivho ku vhudandamazu vhahati, “Yáhondeeye izwi ilya Mulungu lilumbiililwe suuti kuli imwe mwe Vhayuuda. Ileelo mwalihaana, nu kuyilola kuuti mutahondeeye kuvha nu vhulanzi uvhwa shiima shiima. Ishi, twavhaleha, twasogola ku vhantu vhe te Vhayuuda,

iMbombo izya Vhatumwa 14:3

Pe avha Paavhuli nu Balinaaba vhahatendama ku manda aminji pa Ikooniya, vhahavhavhuzyaga avhantu izya vhwila uvhwa Mwene uYeesu ku vhudandamazu, uku vhakumusuuvhila uweene. UMwene ahahomeshezyaga kuuti amazwi gaavho ga nalyoli, kwi idala ilya kuuvhapa amaha aga kuvhomba ivilolesyo ni zya kusukumizya ku vhwinji.

iMbombo izya Vhatumwa 18:26

Ahinjila mwi isinagoogi, ahanda kulumbiilila ku vhudandamazu. Lwe uAakila nu Puliisila vhiivwa insambiilizyo zyakwe, vhahamunyatula nu kusogola nawo ku kwavho, vhahamusambiilizya idala ilya Mulungu mu vhwanalyoli vhwonti.

iMbombo izya Vhatumwa 19:8

Ku havhaliilizyo aha meezi gatatu, uPaavhuli ahinjilaga mwi isinagoogi, ahapanzanyaaga na vhantu ku vhudandamazu nu kuvhasinjiilizya kuuti vhiitishe izya vhumwene uvhwa Mulungu.

iMbombo izya Vhatumwa 2:4

Avhantu vhonti vhahiizula uMupepo uMufinjile, vhahataliha kuyanga ku njango izinji, inza vwe uMupepo uMufinjile ávhaloosite.

iMbombo izya Vhatumwa 28:31

nu kuvhakumusizya izya vhumwene uvhwa Mulungu ni zya Mwene uYeesu Chilisiti ku vhudandamazu, ishisita umuntu kumudinda.

iMbombo izya Vhatumwa 4:13

Avhapiti vhaala lwe vhaalola uvhudandamazu uvhwa vha Peeteli nu Yoohani nu kumanya kuuti vhantu vhe vhatasambiliiye, vhahasukumila nkaani. Pe vhahamanyinsanya kuuti, ivha vháamile pooka nu Yeesu.

iMbombo izya Vhatumwa 4:29

Ileelo ishi MWENE Mulungu, yeenya vwe vhakutwogofwa! Utwavwe iswe swe vhavhomvi vhaaho, inga tulumbililaje izwi lyaho ku vhudandamazu.

iMbombo izya Vhatumwa 4:31

Avhantu ivho lwe vhaamala kumulaavha uMulungu, pe vhávhungiine paala pahayingaana. Vhonti vhahiizula uMupepo uMufinjile, vhahataliha kulumbiilila izwi ilya Mulungu ku vhudandamazu.

iMbombo izya Vhatumwa 9:27

Ileelo uBalinaaba ahamutwala uSaavhuli ku vhatumwa avha Yeesu, ahavhavhuuzya vwe uSaavhuli ámuvhwenyi uMwene uYeesu mwi idala ilya ku Damaasiki, na vwe uMwene ámuvhuziizye uSaavhuli. Havhili ahavhavhuuzya vwe uSaavhuli ávhalumbiliiye avhantu avha ukwo intumi izya Yeesu ku vhudandamazu.

iMbombo izya Vhatumwa 9:29

Ahayangaga nu kudalinkana na Vhayuuda vhamo vhe vhahayangaga injango iya Shiyunaani, ileelo avheene vhahalinga kuuti vhamugoje.

VaLoma 15:30

Mwe vhamwitu, ku maha aga Mwene wiitu uYeesu Chilisiti na ku shikunzi she uMupepo uMufinjile akuutupa, nkuvhalambiilizya ku mwoyo waane wonti, kuuti muvhe pooka niine, kundaavhila ine kwa Mulungu.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

1 VaKolinti 1:5

Yeenya, kwi idala ilya Chilisiti mupeliilwe uvhudumbwe uvhwa vikunjilwa vwonti, mu hayanjile hiinyu na mu vhumanyi vhwinyu.

1 VaKolinti 2:7

Nkandi uvhushindamu uvhwa njeele uvhu, vhukufuma kwa Mulungu, havhili vhwáli vhwa vhuzigizigi, kwe kuuti vhutávhisiilwe apazelu ku vhantu. UMulungu ávhuvhatisile uvhushindamu uvhwo lwe insi yishiili kupelwa, inga niiswe tuvhe nu vhuliilani nawo mu vhushindamu vhwakwe.

1 VaKolinti 4:1

Avhantu vhatumanyaje iswe kuuti, twe vhavhomvi avha Chilisiti, havhili twe vhimiilizi avha ntumi iya Mulungu iya vhuzigizigi.

2 VaKolinti 1:11

kwi idala ilya imwe kutwavwa kumulaavha uMulungu. Uweene akwivwa impuuto zyinyu nu kutuloota iswe. Kuli izyo, avhantu avhinji kwe vhamusalifwaje uMulungu kuzya vhwila vhwakwe kuli iswe.

2 VaKolinti 3:12

Ishi, mwe pe tuli nu lusuuvhilo ulwa lufingwi ulupwa, lwe lwa shiima, tuli nu vhudandamazu kuvhomba imbombo.

2 VaKolinti 6:11

Imwe Vhakolinto, tuyanzile niimwe ishisita kuzyiha naashimo, havhili tuyanzile ku shikunzi ishipiti.

2 VaKolinti 7:4

Lwe nkuyanga niimwe indi nu vhudandamazu, havhili nkuyitumvwa nkaani ku zyinyu. Imwe mwansuvhaalizya nkaani ine. Pooka nu kuuti niishi tuli mu mayimba aminji, mumbiisile kuvha nu luseshelo ulupiti.

2 VaKolinti 8:7

Inza vwe muli nu vhudumbwe mu zyonti na mu lwitiho na mu shikunjilwa isha kulumbiilila na mu vhumanyi nu kuvha nu mute mu nyinza zyonti, pooka ni shikunzi shiinyu kuli iswe, ishi muvhanje mwe vhadumbwe na mu mbombo ino iya vhutesi ku vhanji.

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

VaEfeso 3:9

UMulungu we Mupezi uwa vintu vwonti, ánsavhuuye kuuti mbalolesye avhantu vhonti ulukasamo lwakwe ulwa vhuzigizigi vwe lukuvhombeha. Ulukasamo ulwo, áluzyisile kukwilu amanda gonti aga hali.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

1 VaTesaloniki 2:2

Havhili mumanyile kuuti lwe twáshiili kufiha kuli imwe, twáyimvile nu kuligwa mu nkaaya yiila iya Fiilipi. Pooka nu kuuti kuli imwe kwáliipo kudindanjizya nkaani, ileelo uMulungu átupiiye uvhudandamazu uvhwa kulumbiilila Izwi lyakwe iLyinza.

1 VaTesaloniki 5:25

Vhamwitu, niiswe mutulavhilaje kwa Mulungu.

2 VaTesaloniki 3:1

Ishi vhamwitu, mutulavhilaje inga izwi ilya Mwene uYeesu lijendelelaje kukumuha naluvhiilo, havhili avhantu vhaliposheelaje ku mushinzi, inza vwe zyáli kuli imwe.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

Filemoni 1:22

Pooka niizyo, nkukulaavha unsenganizanye apa vhukaato, mwe pe nkusuuvhila kuuti ku mpuuto zyinyu, uMulungu kwe atusatule mu jeela, pe ininze kuli imwe kuvhavuula.

VaHebuli 13:18

Mujendeelele kutulaavhila. Tuli nu vhwanalyoli kuuti amooyo giitu gatakutulonga naashimo, mwe pe tuli nu mute kuvhomba izya nalyoli ku vhantu vhonti.