VaEfeso 6:14 - ULufingwi uLupwa

¹⁴ Mukwanzilwa kuyisengaanya inza ishi, kutumvanya nu Mukwalanzi. Inza vwe umusikaali akuyipinya ni ilamba mu musana, kuyisengaanya kulwa, niimwe mulandataje uvhwanalyoli uvhwa Mulungu, inga vhuvhavwaje. Havhili inza vwe umusikaali akuzwala inkwela ku shifuvha, inga ayidinde nu vhwele ni mpalala, niimwe mukwanzilwa muvhanje nu lujendo ulugolosu, inga muyidinde nu Mukwalanzi.

Tesitamenti Umupwa 1965

¹⁴ Musimpaje lelo, mufungaje uvwanalyoli fwe ngati lilamba; muzwalajʼuvugolosu fwe ngati shijela sha kuzigʼishifuva.

VaEfeso 6:14 ပူးပေါင်းရင်းမြစ်များ

uLuuka 12:35

“Insiku zyonti muvhanje muyisengiinye kuvhomba imbombo, zyope inyaale zyinyu zyahaje.

VaLoma 13:12

Uvhusiku vhwaakusila, kwapalamila kusha. Ishi tuzileshe imbombo izya mu shiisi, tuzwale ivilwilo ivwa mu vhuzelu.

2 VaKolinti 6:7

Havhili tukulolesya kwi idala ilya kulumbiilila izwi ilya nalyoli, tukuvhomba izyo zyonti ku maha aga Mulungu. Uvhugolosu she shilwilo shiitu, uluvhazu ulwa kundiilo nu lwa kumongo.

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

VaEfeso 6:13

Kuli izyo, muzwale ivizwalo vwonti ivwa kulwila uvhulugu vwe mukupeelwa nu Mulungu, inga muvhwezye kupoota pi isiku lyonti lye imbiivhi zikuvhinzila. Inga mwamala zyonti izya kuyisengaanya nu vhulugu, mukusimpa.

1 VaTesaloniki 5:8

Ileelo iswe, mwe pe tuli mu vhuzelu uvhwa musanya, tuyikonzyaje. Tuvhanje nu lwitiho ni shikunzi, ivwo vikuvha ngati mpinjiho ku shifuvha. Havhili tumusuvhilaje uMulungu kutupoha, pe tukuvha ngati tuzwaye inkwela kwi itwe.

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

Ishitushizya 9:17

Ishi vwe návhwenyi mu njozi zyane izya pa minso amazelu, ku mfwalaasi izyo na vhe vhakuzilimbila: Ku vifuvha vwavho vháali ni nkwela, inkwela izyo zyáli inshemamu ni zya mavhingo ni ntolomvu. Havhili amatwe aga mfwalaasi izyo gáamile ngati matwe aga nsama, mu malomu gaavho muhafumaga umwoto, ilyosi ni mbaluuti.

Ishitushizya 9:9

Ku vifuvha vwavho vházwaye inkwela izya vijela. Ivwapa vwavho vihivwihaga ngati mazwi aga mageleeti aga mfwalaasi zye zikushimbiilila ku vhulugu.