VaEfeso 6:13 - ULufingwi uLupwa

¹³ Kuli izyo, muzwale ivizwalo vwonti ivwa kulwila uvhulugu vwe mukupeelwa nu Mulungu, inga muvhwezye kupoota pi isiku lyonti lye imbiivhi zikuvhinzila. Inga mwamala zyonti izya kuyisengaanya nu vhulugu, mukusimpa.

Tesitamenti Umupwa 1965

¹³ Mwe mumwo muyijelenkanye iṿilwilo ṿwa Mulungu ṿwonti mwe ṿivaliye, ṿwe ṿivapelelaje apa kwimilila pisikʼigomu lila, pe mupotaje lwe mumalilizizye zyonti.

VaEfeso 6:13 ပူးပေါင်းရင်းမြစ်များ

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

uLuuka 8:13

Imbeyu zye zyágwiliiye pansi pi iyalaawe, shiholanyo isha vhantu vhe vhakwivwa izwi ilya Mulungu nu kuliposheela ku luseshelo. Ileelo vhakupootwa kusimpa, vhakuvha inza ikwi lye litisiizye amazi pansi. Pe vhakwitiha ku havhaliilizyo hansi vhweleele, inga vhalingwa vhakululeha ulwitiho.

VaLoma 13:12

Uvhusiku vhwaakusila, kwapalamila kusha. Ishi tuzileshe imbombo izya mu shiisi, tuzwale ivilwilo ivwa mu vhuzelu.

2 VaKolinti 10:4

Ivilwilo vwe tukulwila uvhulugu uvhwo te vwa mu nsi, vili na maha kufuma kwa Mulungu, vikunanganya amalinga gonti aga mulugu. Tukunanganya amazwi gonti aga ilenga.

VaEfeso 5:16

Mutatezyaje ahavhaliilizyo shaaha, mwe pe izi nsiku imbiivhi.

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

Yakobu 4:7

Kuli izyo, mumushindihaje uMulungu. Mumuhaanaje nu kumudinda uMukwalanzi, woope kwe avhashimbilaje.

1 Peteli 4:1

Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.

Ishitushizya 6:17

Mwe pe isiku ipiti ilya mulaha waavho lifisile. Wu naanu we angimiilila?”