VaEfeso 6:12 - ULufingwi uLupwa

¹² Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

Tesitamenti Umupwa 1965

¹² Shʼuvulugu vwe tukulwʼiswe vwe tutakulwa namavanda numuvili, nkandi navapiti, navamaha, navatilingansi va mushisi shinishi, inga nimpepo zya lombwa mumwanya.

VaEfeso 6:12 ပူးပေါင်းရင်းမြစ်များ

Matayi 16:17

UYeesu ahamwamula ahati, “Ulosiitwe iwe Siimoni we mwana wa Yoona, mwe pe izi te muntu we akulolesiizye, nkandi wu Taata waane uwa ku mwanya.

Maliko 4:19

Ileelo imbombo izya mu nsi, nu luhopenkanyo ulwa vwuma nu lupapilo ulwa vintu ivwinji, vikulibuda izwi, lyope litakupaapa.

uLuuka 13:24

“Kwinjila mu vhumwene uvhwa Mulungu, kuli inza kwinjila pa mulyango umufinyanu. Nalyoli nkuvhavhuuzya vhwevhulo, mwe pe avhinji vhaliinyonywa kwinjila ileelo vhalipootwa. Ishi imwe muyikungulaje nkaani kwinjila.

uLuuka 22:53

Insiku zyonti, twavhanga pooka pa Nyumba iMfinjile, ileelo mutandemaga! Ishi, iha he havhaliilizyo hiinyu, ahavhaliilizyo he umwene uwa shiisi akukonzya.”

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 16:11

Alivhalolesyaga kuuti uMulungu alivhalonga, mwe pe amulonzile uSeetano we mupiti wa vhatalamalandu mu nsi.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

VaLoma 8:38

Nalyoli imanyile kuuti naashimo ishintu she shingatulehaanya ni shikunzi isha Mulungu. Vhuvhe vhufwe, poosye vhulanzi, vhavhe vhe vhahavhizya, poosye avha maha ku mwanya, zivhe zye ziliipo, poosye zye zikwinza, poosye vivhe vipelwa vwe vili na maha,

1 VaKolinti 15:50

Vhamwitu, nkuyanga nkuti amavhili giitu aga pa nsi ipa, gatanginjila mu vhumwene uvhwa Mulungu. She shikufwa nu kuvhola, shitangavha nu vhulanzi uvhwa shiima.

2 VaKolinti 11:14

Kuli ilyo tutakusukumila, mwe pe woope uSeetano wuuyo akuyigalulanya kuvha ngati wu havhizya uwa vhuzelu.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

VaGalati 1:16

Ávhwenyi kuuti hinza andolesezye uMwana waakwe vwe ali, inga ndumbiilile izwi lyakwe ku vhantu vhe te Vhayuuda. Ahavhaliilizyo haala ntásogooye naluvhiilo kwa muntu wonti kumuvhuziilizya zye nkwanzilwa kuvhomba.

VaEfeso 1:21

Ishi uChilisiti ali na maha amasisya kuluusya ivipelwa vwonti vwe vili nu vhupiti, poosye amaha, poosye uvhumwene, poosye vwe vikukonzya. Te kuuti ali na maha amasisya ku havhaliilizyo hanaaha vhweleele, ali na maha amasisya poosye na ku havhaliilizyo he hakwinza.

VaEfeso 1:3

Ashindikwaje uMulungu, uTaata uwa Mwene wiitu uYeesu Chilisiti! Uweene atuloosite nu vhuloote vhwonti uvhwa ku mwanya. Uvhuloote uvhwo tukuvhuposheela kwi idala ilya kusopenkana nu Chilisiti.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 3:10

UMulungu ali nu vhushindamu uvhwa njeele mu zyonti zye akuvhomba. Pe akuvhalolesya avhantu ulukasamo lwakwe, inga kutuushila ku vhantu vhe vhakumwitiha uChilisiti, avhamanyisye vhe vhakukonzya na vhe vhali na maha mu nsi ye yitakuloleha pa minso amazelu, uvhushindamu uvhwa njeele uvhwo.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

Kolosi 2:15

UMulungu ahazifwula amaha impepo zye zili na maha amasisya na zye zikukonzya. Ahazisuupizya apazelu. Ahazilongozya ngati vhagomwa, lwe akuseshela uvhupooti pa shihovhenkanyo.

2 Timoti 2:5

Havhili, umuntu we akutumvanya mu lutumvanyo ulwa luvhilo, inga atakulandata indajizyo zye zivhisiilwe, poosye inga apoota, atangapeelwa ishipambwi isha vhupooti.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

VaHebuli 12:4

Pooka nu kuuti mukulwa ku mute kuvhupoota uvhutalamalandu, ileelo mutaluuye uvhulugu uvhwo kufishila kwita amavhanda giinyu.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.