VaEfeso 6:11 - ULufingwi uLupwa

¹¹ Muzwale ivizwalo vwonti ivwa kulwila uvhulugu vwe mukupeelwa nu Mulungu, inga muyipinjishe nu lukasamo lwonti ulwa Mukwalanzi lwe lwa vhushevu.

Tesitamenti Umupwa 1965

¹¹ Muyijelenkanye iṿilwilo ṿwa Mulungu ṿwonti mwe ṿivaliye, iṿwa kuvapelela apa kwimilila lwʼuMukwakwa akwanzʼukuvapota nuvugulugulu vwakwe.

VaEfeso 6:11 ပူးပေါင်းရင်းမြစ်များ

Maliko 13:22

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

VaLoma 13:12

Uvhusiku vhwaakusila, kwapalamila kusha. Ishi tuzileshe imbombo izya mu shiisi, tuzwale ivilwilo ivwa mu vhuzelu.

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

1 VaKolinti 10:13

Indingo zye zikuvhaaga imwe, zili inza zye zikuvhaaga avhantu avhanji. Ileelo uMulungu mutungamu, uweene te avhaleshe mulingwe kuluusya amaha giinyu. Lwe imwe mukulingwa, uweene akuuvhapa amaha aga kujimbiilila ni idala ilya kufumila.

2 VaKolinti 10:4

Ivilwilo vwe tukulwila uvhulugu uvhwo te vwa mu nsi, vili na maha kufuma kwa Mulungu, vikunanganya amalinga gonti aga mulugu. Tukunanganya amazwi gonti aga ilenga.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

2 VaKolinti 2:11

Mbomvile vhwevhulo, inga uSeetano atahinze atupoote, mwe pe tumumanyile uvhushevu vhwakwe.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

2 VaKolinti 6:7

Havhili tukulolesya kwi idala ilya kulumbiilila izwi ilya nalyoli, tukuvhomba izyo zyonti ku maha aga Mulungu. Uvhugolosu she shilwilo shiitu, uluvhazu ulwa kundiilo nu lwa kumongo.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

VaEfeso 4:24

Muzwale amooyo amapwa, ge gápeziilwe ku shiholanyo isha Mulungu. Gaholiine nawo mu vhugolosu na mu vhufinjile uvhwa nalyoli.

VaEfeso 6:13

Kuli izyo, muzwale ivizwalo vwonti ivwa kulwila uvhulugu vwe mukupeelwa nu Mulungu, inga muvhwezye kupoota pi isiku lyonti lye imbiivhi zikuvhinzila. Inga mwamala zyonti izya kuyisengaanya nu vhulugu, mukusimpa.

Kolosi 3:10

Muzwaye amooyo amapwa ge uMulungu akujendeelela kugapela kuvha mapwa, inga mwonjele kumumanya, mwe pe avhapezile kuuti muholane nawo.

1 VaTesaloniki 5:8

Ileelo iswe, mwe pe tuli mu vhuzelu uvhwa musanya, tuyikonzyaje. Tuvhanje nu lwitiho ni shikunzi, ivwo vikuvha ngati mpinjiho ku shifuvha. Havhili tumusuvhilaje uMulungu kutupoha, pe tukuvha ngati tuzwaye inkwela kwi itwe.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

Yakobu 4:7

Kuli izyo, mumushindihaje uMulungu. Mumuhaanaje nu kumudinda uMukwalanzi, woope kwe avhashimbilaje.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.

Ishitushizya 2:24

Ileelo muli imwe ku Tiyatiila ukwo, kuli vhamo vhe vhatakuzilandata insambiilizyo izya Yezebeeli. Havhili vhatakusambiilila insambiilizyo izyo zye avhanji vhakuti insambiilizyo inkondezu nkaani, ileelo zya Mukwalanzi. Avhantu ivho nkuvhavhuuzya kuuti, te nkavhatwishe umuligo umumwamu havhili,