VaEfeso 6:10 - ULufingwi uLupwa

¹⁰ Izyamwavho, nkwanza muposheele amaha kufuma ku maha amasisya aga Mwene uYeesu.

Tesitamenti Umupwa 1965

¹⁰ Izya kuvumalilishilo lelo mwe vamwitu, mugomele mwa Mwene namumaha ga nguṿu zyakwe,

VaEfeso 6:10 ပူးပေါင်းရင်းမြစ်များ

1 VaKolinti 16:13

Muvhanje minso nu kusimpa mu lwitiho, havhili mutavhanje ni lyoga, nkandi muvhanje mwe vhadandamazu.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

VaEfeso 1:19

Havhili mumanye amaha gaakwe amasisya aga kusukumizya. Amaha igo gakuvhomba imbombo kuli iswe swe tumwitisile uYeesu. Agenego, she shooka na maha gaakwe amapiti

VaEfeso 3:16

Nkulaavha kuuti, kutuushila kwa Mupepo waakwe, aavhape amaha mu mooyo kulandatana nu vhushindamu vhwakwe uvhwa kusukumizya.

Filipi 3:1

Pe ishi, vhamwitu, seshelaaji mwa Mwene uYeesu. Ine ntakuviitwa kuvhuyiila havhili kuvhasimbila zye návhasimbiiye, mwe pe zyenezyo zikuvhavhiiha kuuti mutahateezye ulwitiho.

Filipi 4:13

Nkuvhwezya kuvhomba zyonti izyo, kwi idala ilya Chilisiti we akumpa amaha.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 1:11

Tukuvhalaavhila kuuti, uMulungu aavhape amaha kulandatana na maha gaakwe ge gali nu vhushindamu, inga muvhwezye kujimbiilila ku zyonti,

2 Timoti 2:1

Ishi we mwana waane, uvhe na maha kwi idala ilya vhwila vhwe tukuvhwaga mwa Chilisiti uYeesu.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Yohani 2:14

Nkuvhasimbila imwe vhataata, mwe pe mumumanyile uYeesu Chilisiti, we áliipo kufuma ku vhwandilo uvhwa vintu vwonti. Nkuvhasimbila imwe vhajaaha, mwe pe muli na maha, mulilemile izwi ilya Mulungu, havhili mumupoosite uMuvhiivhi ula, uSeetano.