VaEfeso 6:1 - ULufingwi uLupwa

¹ Niimwe mwe vhaana, muvhashindihaje avhapaafi vhiinyu inza vwe yikwanzilwa ku vhantu vhe vhamwitisile uMwene uYeesu, mwe pe kuvhomba isho, vhugolosu.

Tesitamenti Umupwa 1965

¹ Mwe vanʼimwe, muvasajilʼavapafi vinyu mwa Mwene, she zye ngolosu zinizi.

VaEfeso 6:1 ပူးပေါင်းရင်းမြစ်များ

uLuuka 2:51

Pe ahagaluha na vhapaafi vhaakwe ku Naazaleeti, ahavhashindihaga. Unyina ahavhanga akuzisivhiilila zyonti izyo nu kuzivhiiha mu mwoyo.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaLoma 16:2

Nkulaavha mumuposheele ahinza, mwe pe mwitisi uwa Mwene uYeesu. Kuposheela avhantu inza vhwevhulo vwe yikwanzilwa ku vhafinjile. Havhili mumwavwe shonti she asovheliilwe, mwe pe woope avhavwizye avhantu avhinji nkaani, niine vhuulo anavwizye.

VaLoma 7:12

Kuli izyo, nalyoli indajizyo izya Mulungu mfinjile, ngolosu havhili nyinza.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

1 Timoti 5:4

Ileelo inga umuziishe ali na vhaana, poosye avhazukulu, ivho vhasambililaje kuvhaavwa suuti avhaziishe avha mu nyumba zyavho. Vhwevhulo, vwe kwe vhavhanje ngati vhakugalusya vwe avhapaafi vhaavho vhávhavhombeeye, izyo zye nyinza pilongolela ilya Mulungu.

1 Peteli 2:13

Ishi, mwe pe muli mwa Mwene uYeesu, muzishindihaje indajizyo izya nsi. Mumushindihaje umwene wiinyu uwa nsi, mwe pe uweene we mulongozi umupiti uwa nsi yiinyu.