VaEfeso 5:8 - ULufingwi uLupwa

⁸ Hali imwe mwámile mu shiisi, ileelo kufuma pe mwásopenkiine nu Mwene uYeesu, muhavha mu vhuzelu. Pe ishi, mulandilaje inza avhantu vhe vhali mu vhuzelu.

Tesitamenti Umupwa 1965

⁸ She lulwo pe mwali mwe shisi, nkandi shinishi pe mwe luhozyo mwa Mwene. Shinishi pe mujendaje inza she zihondeye kuvana va luhozyo.

VaEfeso 5:8 ပူးပေါင်းရင်းမြစ်များ

Matayi 3:8

Ishi muvhombaje zye zikulolesya kuuti mupindusile.

Matayi 4:16

Avhantu vhaala vhe vhakutendama mu shiisi, vhavhulola uvhuzelu uvhupiti. Vhoope vhe vhakutendama mu shiisi isha vhufwe, uvhuzelu vhwavhahozezya.”

uLuuka 1:79

swenti swe tuli mu shiisi nu kupalamila kufwa, nu kutulongola mwi idala ilya vhutehamu.”

uLuuka 16:8

“Pe udumbwe ula ahamutiima umwimiilizi we te mutungamu uyo, vwe ávhomvile ku njeele. Navhavhuuzya ishiholanyo ishi, mwe pe avhantu avha mu nsi umu, vhakuvhomba imbombo zyavho na vhamwavho ku njeele kuluusya vhe vhamwitisile uMulungu.

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

Yohani 12:35

UYeesu ahavhavhuuzya ahati, “Uvhuzelu vhukuvha pooka niimwe ahavhaliilizyo hansi vhweleele. Mujendeelele kujenda mu vhuzelu uvhwo lwe vhuliipo, inga ishiisi shitahinze shivhapoote, mwe pe umuntu we akujenda mu shiisi, atakumanya kwe akusogola.

Yohani 12:36

Ishi muvhiihaje ulusuuvhilo lwinyu mu vhuzelu uvhwo, inga muvhanje mwe vhantu vhe vhakulongolwa nu vhuzelu.” Lwe uYeesu ayanga amazwi igo, ahayileha impuga yiila, ahasogola, ahazyihama.

Yohani 12:46

Ine ninzile mu nsi umu, inga mbe ne vhuzelu ku vhantu, inga umuntu wonti we akuniitiha ine atatendamaje mu shiisi.

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

VaLoma 1:21

Yeenya, pooka nu kuuti vhamumanyile uMulungu vwe ali, vhatámushindisile, poosye kumusalifwa inza vwe yikwanzilwa, nkandi vháamile ni nsiivho imbiivhi, pe injeele zyavho zihapootwa kumanyinsanya ziila zye ahanzaga vhazimanye.

VaLoma 13:12

Uvhusiku vhwaakusila, kwapalamila kusha. Ishi tuzileshe imbombo izya mu shiisi, tuzwale ivilwilo ivwa mu vhuzelu.

VaLoma 2:19

Kulandatana niizyo, iwe ukuyilola kuuti we mulongozi uwa vhantu vhe te Vhayuuda, inza umuntu we akuvhalongozya avhantonko, poosye inza inyaale vwe yikuvhahozezya avhantu mu shiisi.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

2 VaKolinti 6:14

Mutavhanje nu vhuliilani na vhe te vhiitisi. Vhuli, uvhugolosu nu vhutalamalandu vingavha nu vhuliilani? Poosye uvhuzelu ni shiisi vingavha pooka?

VaGalati 5:25

UMupepo atupiiye uvhulanzi uvhupwa, pe ishi tulandataje uvhulongozi vhwakwe.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 4:18

Havhili vha mu shiisi, vhatamanyile uvhwanalyoli uvhwa Mulungu. Avhantu ivho vhali ukutali nu vhulanzi vhwe uMulungu akuuvhapa avhantu vhaakwe, mwe pe vhatamanyile amadala gaakwe, kufumiilana nu vhugomu uvhwa mooyo gaavho.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

VaEfeso 6:12

Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.