VaEfeso 5:3 - ULufingwi uLupwa

³ Vhatavhatahaje ku nongwa izya vhulugusu nu vhuvhembu vhwonti, poosye kupapila ivintu, mwe pe inongwa izyo zitakwanzilwa kuvhombwa na vhafinjile.

Tesitamenti Umupwa 1965

³ Uluvembu nyene nuvuhandamanu vwonti nuvuluṿu, ṿwe mutaṿitahaje namazina imwe, inza ṿwe zivahondeyʼavafinjile.

VaEfeso 5:3 ပူးပေါင်းရင်းမြစ်များ

Matayi 15:19

Nkuyanga vhwevhulo, mwe pe mu mwoyo uwa muntu, mwe mukufuma insiivho imbiivhi nu vhugozi nu vhuvhembu nu vhulugusu nu vhwivha nu vhwahoome uvhwa ilenga ni ndigo.

uLuuka 12:15

Pe ahavhavhuuzya avhantu vhonti ahati, “Muvhe minso! Muleshe kupapila ivintu, mwe pe uvhulanzi uvhwa muntu vhutakufumiilana nu vhwinji uvhwa vintu vwe ali navwo.”

uLuuka 16:14

AVhafalisaayi lwe vhiivwa amazwi igo, vhahanda kumusuufwa uYeesu, mwe pe vházisungwilwe nkaani impiiya.

iMbombo izya Vhatumwa 15:20

Tuvhasimbile ukalaata kuuti, vhatalyanje ivwakulya vwe vhafumwizye ku viholanyo, vhafupuhaje mu vhulugusu, vhatalyanje inyama zye vhabuzite, poosye amavhanda.

iMbombo izya Vhatumwa 20:33

Ine ntányonyiilwe naalumo impiiya, poosye amenda aga muntu wonti.

VaLoma 1:29

Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

VaLoma 16:2

Nkulaavha mumuposheele ahinza, mwe pe mwitisi uwa Mwene uYeesu. Kuposheela avhantu inza vhwevhulo vwe yikwanzilwa ku vhafinjile. Havhili mumwavwe shonti she asovheliilwe, mwe pe woope avhavwizye avhantu avhinji nkaani, niine vhuulo anavwizye.

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

1 VaKolinti 10:8

Havhili tutavhombaje uvhulugusu inza vhamo muli ivho vwe vhávhomvile, vhahalovha avhantu 23,000 kwi isiku lyoka.

1 VaKolinti 5:1

Nalyoli nivuuye inongwa kufuma kuli imwe kuuti kuli uvhulugusu pahati yiinyu vhwe vhutalolesile naalumo poosye ku vhantu vhe vhatamwitisile uMulungu. Nivuuye kuuti umuntu wumo akujenda nu mushi uwa yise.

1 VaKolinti 6:13

Havhili vhamo muli imwe vhakuti, “Lwe tuli ni nzala tukwanzilwa kulya, mwe pe amavhili gakwanza ishaakulya.” Vwe zili, ileelo hakwinza ahavhaliilizyo he uMulungu aligagalulanya amavhili giitu, te gahanze ishaakulya. Ileelo ishi muleshe kuuti tuhondeeye kuvhomba uvhulugusu, inza vwe yikwanzilwa kulya lwe tuli ni nzala. UMulungu atágapezile amavhili giitu kuzya vhulugusu, nkandi kuzya kumuvhombela uMwene uYeesu, woope uMwene akugakonzya amavhili.

1 VaKolinti 6:18

Kuli izyo, mutantamaje ku vhulugusu. Imwe mukuti, “Uvhutalamalandu vhwonti vhwe umuntu akuvhomba, vhuli kunzi mu muvhili waakwe,” ileelo we akuvhomba uvhulugusu, akuvhuvhombela uvhutalamalandu umuvhili waakwe wuuyo.

2 VaKolinti 12:21

Havhili nkwogopa kuuti lwe nkwinza kuli imwe, uMulungu waane kwe ambiishe kuuti ndole insoni pilongolela lyinyu. Kwe nswimiililwe kulola avhantu avhinji muli imwe vhashiili kutonta uvhutalamalandu vhwe vhávhomvile. Vhashiili vhakuvhomba uvhuvhembu nu vhulugusu ni mpapilo izyamwavho izya vhumalaaya zye vháali nazyo hali.

VaEfeso 5:12

Nalyoli zya nsoni poosye nu kuziyanga zye avhantu ivho vhakuzivhomba kukwilu.

VaEfeso 5:5

Yikwanzilwa mumanye kuuti umuvhembu nu mulugusu na we akupapamila ivintu te vhahapwane uvhumwene uvhwa Chilisiti nu Mulungu. We akupapamila ivintu we wooka na we akupuuta iviholanyo.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Kolosi 3:5

Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.

1 VaTesaloniki 4:3

UMulungu akwanza muvhe mwe vhafinjile, kwe kuuti mutavhombaje uvhulugusu.

1 VaTesaloniki 4:7

UMulungu atahatwita kuvhomba uvhuvhembu, nkandi kuuti tutendamaje mu vhufinjile.

1 Timoti 2:10

Ileelo kuyiyemvwa kwavho kuvhanje ku lujendo ulwinza, inza vwe yikwanzilwa ku vhantanda vhe vhakupemula kuuti vhakumunyila uMulungu.

1 Timoti 3:3

Atahaavhe wu shimwela, poosye kuvha wa ivho, nkandi avhe muntu we mutonsu. Havhili atahaavhe mupapizi uwa mpiiya.

1 Timoti 6:10

Yeenya, kusungwa impiiya, vhwe vhwandilo uvhwa mbiivhi zyonti. Vhaliipo avhantu vhamo vhe vhazisungwilwe nkaani impiiya, zivhapeleeye kuuti vhaluleshe ulwitiho lwavho, vhavwalaziizye amooyo gaavho ku vhuswimiilizu nkaani.

2 Timoti 3:2

Avhantu vhaliyisajilaga vhuuvho vheeka nu kuzisungwa impiiya. Havhili vhaliyitiimaga nu kuyibaada nu kuligana. Te vhahavhashindihaje avhapaafi vhaavho, poosye kusalifwa, poosye kusaajila izya Mulungu.

uTiiti 1:11

mwe pe vhakuvhapuvwa avhantu mu nyumba inyinji, lwe vhakusambiilizya zye zitakwanzilwa. Vhakuvhomba izyo, inga vhazyaje impiiya!

uTiiti 1:7

Mwe pe umwimiilizi akuyimililila imbombo iya Mulungu, akwanzilwa kuuti avhanje muntu we atakukwinkwinwa naashimo. Atakwanzilwa kuuti avhanje muntu we akuyitumvwa, poosye we ali nu mulaha, poosye we wu shimwela, poosye we wa ivho. Havhili atakwanzilwa kuuti avhanje nu lupapilo ulwa mpiiya.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

VaHebuli 12:16

Muvhanje minso, inga atahaavhe umuntu we mulugusu, poosye we atakumushindiha uMulungu inza uEesavhu. Uweene ákaziizye uvhupwano vhwakwe uvhwa kuvha wu hatoote ku shaakulya isha kulya lwoka vhweleele.

1 Peteli 5:2

muyidiimaje ahinza impuga iya Mulungu ye yili kuli imwe. Mutavhombaje vhwevhulo fwe wumo akuvhavijiilizya, nkandi muvhombaje ku mwoyo uwa kuyifumwa mweneemwe, inza vwe uMulungu akwanza. Havhili mutavhombaje imbombo iyo kuzya kulonshela impiiya izya nsoni, nkandi ku mwoyo uwa luseshelo.

2 Peteli 2:10

Alivhalonga vhaala vhe vhakuzilandata impapilo izya vhuntu vhwavho uvhwa vhutalamalandu nu kugasuufwa amaha aga Mulungu. Avhantu ivho vhali nu lukaani, havhili vhakuyitumvwa, vhakuvisaamula ivipelwa ivishindamu ivwa ku mwanya.

2 Peteli 2:14

Ahavhaliilizyo honti vhakusiivha kuvhomba uvhuvhembu, vhatakuleha kuvhomba uvhutalamalandu. Vhakuvhahopenkanya avhantu vhe vhayeyevhazu mu lwitiho. Amooyo gaavho gavheleleeye kupapila ivwuma. Avhantu ivho vhatifiilwe.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

Ishitushizya 2:14

Ileelo indi na mazwi mansi niiwe: Vhamo muli imwe vhakulandata insambiilizyo izya Baalamu. Ula we ámusambiliziizye uBaalaki kuvhapuvwa aVhaisilayeeli kuuti vhalye impuutile zye vháfumwizye ku viholanyo nu kuvhembuha.

Ishitushizya 2:21

Imupiiye ahavhaliilizyo aha kupinduha, ileelo atakwanza kuvhuleha uvhulugusu vhwakwe.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.

Ishitushizya 9:21

Havhili vhatápindusile kuzya vhugozi vhwavho, poosye kuzya vhulozi vhwavho, poosye kuzya vhulugusu vhwavho, poosye kuzya vhwivha vhwavho.