VaEfeso 5:28 - ULufingwi uLupwa

²⁸ Inza vwe uYeesu ashikunzite ishivhanza shaakwe, vhoope avhanaavuli vhakwanzilwa vhavhakundaje avhashi vhaavho inza vwe vhakugakunda amavhili gaavho. We akumukunda umushi waakwe, akuyikunda wuuyo.

Tesitamenti Umupwa 1965

²⁸ She pakuti vahonzyaje vovulo vope navanaṿuli, vavakundaje avashi vavo fwe ngati mavili gavo vuvo. Shʼuno wengʼamukunzite umushi wakwe pʼayikunzite wuyo.

VaEfeso 5:28 ပူးပေါင်းရင်းမြစ်များ

Matayi 19:5

Ahonjezya ahati, ‘Kuli izyo, umwanaavuli alimuleha uyise nu nyina, nu kusopenkana nu mushi waakwe, vhavhili ivho vhaliivha umuvhili wooka.’

VaEfeso 5:25

Niimwe mwe vhanaavuli, muvhakundaje avhashi vhiinyu inza vwe uChilisiti áshikunzite ishivhanza shaakwe, ahayifumwa nu kufwa kuzya shenesho.

VaEfeso 5:29

Ataliipo we akuyiviitilwa wuuyo weeka, ileelo umuntu wonti akuyiliisya nu kuyisunjiilila. Vhwevhulo, uChilisiti woope vwe akushivhombela ishivhanza,

VaEfeso 5:31

“Kuli izyo, umwanaavuli alimuleha uyise nu nyina nu kusopenkana nu mushi waakwe, vhoope vhavhili vhaliivha umuvhili wooka.”

VaEfeso 5:33

Ileelo niimwe vhweleele nkuvhavhuuzya mwenti kuuti, umwanaavuli akwanzilwa kumukunda umushi waakwe inza vwe akuyikunda wuuyo, woope umwantanda akwanzilwa kumushindiha umulume waakwe.

1 Peteli 3:7

Niimwe mwe vhanaavuli mwe mwimaaye, mukwanzilwa mutendamaje ku njeele na vhashi vhiinyu, mwe pe mumanyile kuuti vhatali na maha inza imwe. Havhili muvhasunjililaje ku mushinzi, mwe pe uMulungu akuuvhapa mwenti uvhulanzi uvhwa shiima. Muvhombaje vhwevhulo, inga impuuto zyinyu zitadindilwaje.