VaEfeso 5:24 - ULufingwi uLupwa

²⁴ Pe ishi, mwe vhantanda mukwanzilwa muvhashindihaje avhalume vhiinyu mu zyonti, inza vwe ishivhanza shikumushindiha uChilisiti.

Tesitamenti Umupwa 1965

²⁴ Inza shʼishivanza shikonzile kwa Chilisiti, navantanda vahonzyaje vovulo ukukonza kuvalume vavo muli zyonti.

VaEfeso 5:24 ပူးပေါင်းရင်းမြစ်များ

uLuuka 10:17

Pisinda, avhasundikwa avha Yeesu 72 vhahagaluha kwa Yeesu uku vhakuseshela, vhahamuvhuuzya vhahati, “We Mwene, zyope impepo inkandamanu zyatushindihaga, lwe tukuzishimbizya kwi izina lyaho!”

VaEfeso 5:23

Nkuyanga vhwevhulo, mwe pe umwanaavuli we mupiti uwa mushi waakwe inza vwe uChilisiti woope Mupiti uwa shivhanza, havhili we Muposhi uwa muvhili waakwe, kwe kuuti ishivhanza isho.

VaEfeso 5:25

Niimwe mwe vhanaavuli, muvhakundaje avhashi vhiinyu inza vwe uChilisiti áshikunzite ishivhanza shaakwe, ahayifumwa nu kufwa kuzya shenesho.

VaEfeso 5:33

Ileelo niimwe vhweleele nkuvhavhuuzya mwenti kuuti, umwanaavuli akwanzilwa kumukunda umushi waakwe inza vwe akuyikunda wuuyo, woope umwantanda akwanzilwa kumushindiha umulume waakwe.

Kolosi 3:20

Niimwe mwe vhaana, muvhashindihaje avhapaafi vhiinyu ku zyonti, mwe pe kuvhomba isho yikumuhondezya uMwene uYeesu.

Kolosi 3:22

Niimwe mwe vhazya, muvhashindihaje avhamwene vhiinyu avha havhaliilizyo iha ku mbombo zyonti. Mutavhombaje isho lwe vhakuvhalola vhweleele, inga muyilolesye kuuti muhondeeye. Muvhashindihaje shiima ku mwoyo wonti, mwe pe mukumunyila uMwene uYeesu.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

uTiiti 2:9

Avhazya, uvhasambilizyaje kuuti vhavhashindihaje avhamwene vhaavho nu kuvhahondezya mu zyonti. Lwe avhamwene vhaavho vhakuvhavhuuzya zimo, vhatadalinkanaje navho.