VaEfeso 5:21 - ULufingwi uLupwa

²¹ Havhili mushindinkanaje, mwe pe mukumushindiha uChilisiti.

Tesitamenti Umupwa 1965

²¹ Mukonzelanaje mwe vuvo vatupu she mukumunyilʼuChilisiti.

VaEfeso 5:21 ပူးပေါင်းရင်းမြစ်များ

1 VaKolinti 16:16

Niimwe muvhashindihaje avhantu inza ivho, na vhanji vhonti vhe vhakuyikungula kuvhomba imbombo ino.

2 VaKolinti 5:11

Ishi, mwe pe tumanyile kuuti avhantu vhakwanzilwa kumunyila uMwene uYeesu, tukuvha nu mute uwa kuvhalambiilizya avhantu kuuti vhamwitihaje. UMulungu atumanyile ahinza vwe tuli, niine nkusuuvhila kuuti niimwe mutumanyile ahinza mu mooyo giinyu.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaEfeso 5:22

Mwe vhantanda, mukwanzilwa muvhashindihaje avhalume vhiinyu, inza vwe mukumushindiha uMwene uYeesu.

VaEfeso 5:24

Pe ishi, mwe vhantanda mukwanzilwa muvhashindihaje avhalume vhiinyu mu zyonti, inza vwe ishivhanza shikumushindiha uChilisiti.

Filipi 2:3

Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

1 Timoti 2:11

Avhantanda vhakwanzilwa vhavhanje ishimwamwa ku mushinzi ahavhaliilizyo he vhakusambiilila.

1 Timoti 3:4

Akwanzilwa ayimilililaje inyumba yaakwe ahinza, nu kuvhasambiilizya avhaana vhaakwe ulujendo ulwinza nu kuuti vhavhanje nu mushinzi.

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

1 Peteli 2:13

Ishi, mwe pe muli mwa Mwene uYeesu, muzishindihaje indajizyo izya nsi. Mumushindihaje umwene wiinyu uwa nsi, mwe pe uweene we mulongozi umupiti uwa nsi yiinyu.

1 Peteli 2:17

Muvhashindihaje avhantu vhonti, nu kuvhakunda avhamwinyu. Mumunyilaje uMulungu nu kuumupa umushinzi umwene.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”