VaEfeso 5:20 - ULufingwi uLupwa

²⁰ Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

Tesitamenti Umupwa 1965

²⁰ MumusalifwajʼuMulungu uTata shima kuli ṿwonti mwizina lya Mwene witu uYesu Chilisiti.

VaEfeso 5:20 ပူးပေါင်းရင်းမြစ်များ

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

VaLoma 1:8

Isuuti, nkumusalifwa uMulungu kutuushila kwa Yeesu Chilisiti ku zyinyu mwenti, mwe pe ulwitiho lwinyu lukumusile mu nsi zyonti.

1 VaKolinti 1:4

Nkumusalifwa uMulungu waane insiku zyonti ku zyinyu, mwe pe avhafwiliiye uvhwila mwa Chilisiti uYeesu.

1 VaKolinti 15:24

Ipo pe vhuliyinza uvhusililishilo uvhwa vwonti, ahavhaliilizyo he uChilisiti aliimupa uTaata uMulungu uvhumwene vhwakwe, lwe uChilisiti aalovwa uvhulongozi vhwonti na maha gonti nu vhupiti vhwonti.

VaEfeso 5:4

Havhili mutayangaje amazwi aga nsoni na ga vhupukupuuku, poosye aga mfuuzyo, nkandi mumusalifwaje uMulungu ahavhaliilizyo honti.

Filipi 1:3

Nkumusalifwa uMulungu waane, amanda gonti ge nkuvhasamba.

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

1 VaTesaloniki 3:9

Ishi tungamulipa uMulungu shintu vhuli, inga tumusalifwe kuzya lwitiho lwinyu? Poosye kuzya luseshelo ulupiti, lwe tuli nalwo ku nongwa zyinyu?

1 VaTesaloniki 5:18

Mumusalifwaje uMulungu mu zyonti, mwe pe izyo zye uweene akwanza muzivhombaje inza vwe uChilisiti uYeesu atulolesiizye.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

2 VaTesaloniki 2:13

Ileelo iswe tukwanzilwa kumusalifwa uMulungu amanda gonti ku zyinyu imwe vhamwitu, mwe uMwene uYeesu avhakunzite. Tukwanzilwa kuvhomba isho, mwe pe ávhasavhuuye imwe kufuma ku vhwandilo uvhwa kupela kwakwe inga muposheele uvhuposhi. Uvhuposhi uvhwo muvhuposheleeye kwi idala ilya Mupepo uMufinjile we akuzelufwa ni lya kwitiha uvhwanalyoli.

VaHebuli 13:15

Kwi idala ilya Yeesu tujendeelele kumutiima uMulungu, mwe pe amazwi giitu aga kulitiima izina lyakwe gakuholana ni mpuutile zye tukumufumwizya.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.