VaEfeso 4:4 - ULufingwi uLupwa

⁴ Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

Tesitamenti Umupwa 1965

⁴ She mwe muvili woka mwene, mwe Mupepo woka, inza she lwope nulusuvilo lwinyu lwe mwisitwe luli lwoka.

VaEfeso 4:4 ပူးပေါင်းရင်းမြစ်များ

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

iMbombo izya Vhatumwa 15:11

Vhayaaya, tukwitiha kuuti iswe na vheene tukupokwa ku vhwila uvhwa Mwene wiitu uYeesu Chilisiti.”

VaLoma 11:29

Akujendeelela kuvhakunda, mwe pe uMulungu atakwandula insiivho zyakwe kuli ivho vhe avhiisite nu kuuvhapa ivipeelwa.

1 VaKolinti 10:17

Kuli ikaati lyoka vhweleele. Poosye inga iswe twe vhinji, ileelo tuli umuvhili wooka, mwe pe tuli nu vhuliilani mwi ikaati liniilyo lyoka.

1 VaKolinti 12:20

Ishi, ivipelwa vwinji, ileelo umuvhili wuli wooka.

2 VaKolinti 11:4

Nkuyanga vhwevhulo, mwe pe imwe mwe vhapupuusu kumuposheela umuntu we akwinza kumukumusya uYeesu uwunji we iswe tutamukumusiizye. Havhili mukumuposheela umupepo uwunji, poosye izwi ilinji lye mutaposheleeye kufuma kuli iswe.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:16

Kwi idala ilya kufwa pa shihovhenkanyo, áyefwizye uvhulugu uvhwa Vhayuuda na vhe te Vhayuuda nu kuvhavhiiha impuga yooka. Havhili ahavhakundanya vhonti nu Mulungu.

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

VaEfeso 2:22

Ishi, kwi idala ilya kusopenkana nu weene, niimwe mwe te mwe Vhayuuda mukuzengwa pa lwalo ulwa nyumba ye uMulungu akutendama. UMulungu akutendama mu nyumba iyo, kwi idala ilya Mupepo waakwe.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

VaEfeso 5:30

mwe pe ku kwakwe iswe tuli inza ivipelwa ivwa mu muvhili waakwe.

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

1 Timoti 1:1

Ukalaata uno nsimvile neene ne Paavhuli. Ine ne mutumwa uwa Chilisiti uYeesu, kufumiilana ni ndajizyo izya Mulungu uMuposhi wiitu, nu Chilisiti uYeesu we lusuuvhilo lwitu.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.