VaEfeso 4:32 - ULufingwi uLupwa

³² nkandi mufwilanaje uvhwila nu kuvha nu mwoyo umwinza. Muswilanaje inza vwe uMulungu ahavhaswila kutuushila kwa Chilisiti.

Tesitamenti Umupwa 1965

³² Muvanje mwe vatonsu kuvamwinyu, muvapepelezyaje, muswilane inza she wope nuMulungu avaswiliyʼimwe mwa Chilisiti amalandu ginyu.

VaEfeso 4:32 ပူးပေါင်းရင်းမြစ်များ

Matayi 6:12

Utuswile uvhutalamalandu vhwitu, inza vwe niiswe tuvhaswiliiye vhe vhakutuvhombela uvhutalamalandu.

Maliko 11:25

Lwe mukwimiilila kupuuta, inga umuntu wonti avhavhombeeye ivhiivhi mumuswilaje, inga uTaata wiitu uwa ku mwanya avhaswilaje niimwe uvhupuvi vhwinyu.”

uLuuka 1:78

mwe pe uMulungu wiitu ali nu vhwila nkaani ku kwitu. Ku vhwila uvhwo, uvhuzelu kufuma ku mwanya vhulituhozezya,

uLuuka 11:4

Utuswile uvhutalamalandu vhwitu, mwe pe niiswe tukuvhaswila vhonti vhe vhakutuvhombela uvhutalamalandu. Utulongole inga tutahinjile mu ndingo, havhili utuposhe nu Muvhiivhi ula.”

uLuuka 17:4

Poosye inga akunanjila ulwinji kwi isiku lyoka, nu kugaluha kuli iwe ulwinji kuuti, ‘Natonta,’ iwe umuswilaje.”

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

uLuuka 6:37

“Mutavhalongaje avhamwinyu, pe niimwe te muhalongwe. Mutavhakwinkwinaje avhanji, pe niimwe te muhakwinkwinwe. Muvhaswilaje avhamwinyu, pe niimwe muliswilwa.

iMbombo izya Vhatumwa 28:2

Avhahaaya avha pa Meliita vhahatwavwa nkaani. Vhahatupembela umwoto uwa kwota, mwe pe kwámile impepo, havhili imvula yihatimaga.

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

1 VaKolinti 13:4

Ishikunzi shikumupela umuntu kuvha nu vhujimbiilizu nu kuvha nu lwavwo nu kuuti atavhanje nu mwone na mabaado nu kuuti atayitumvwaje.

2 VaKolinti 2:10

Inga imwe mwamuswila umuntu uyo, pe niine kuuti mbe namuswila. Nkuyanga vhwevhulo, mwe pe inga liliipo lye likwanzilwa kumuswila, ine imuswiliiye pilongolela ilya Chilisiti ku zyinyu.

2 VaKolinti 2:7

Ishi mukwanzilwa kumuswila nu kumusuvhaalizya umuntu uyo, inga atahinze aswimiililwe nkaani nu kuvunziha umwoyo.

2 VaKolinti 6:6

Havhili tukulolesya kuuti twe vhavhomvi avha Mulungu ku mooyo giitu amazelu na ku vhumanyi na ku vhujimbiilizu na ku vhutesi na kwi idala ilya kulongolwa nu Mupepo uMufinjile na ku shikunzi she shitali ni shifumbo.

VaEfeso 5:1

Ishi mulandataje ishiholanyo isha Mulungu, mwe pe mwe vhaana vhaakwe mwe avhakunzite nkaani.

Yakobu 5:11

Inza vwe mumanyile, vhalosiitwe vhaala vhe vhajimbiliiye. Mwivuuye inongwa izya vhujimbiilizu uvhwa Yobo, havhili muvhwenyi vwe uMWENE uMulungu ámuvhombeeye pisinda. Uweene ali nu vhwila uvhupiti, havhili uvhwa mavhiila mu mavhiila.

2 Peteli 1:7

Kuvha nu lujendo ulwinza pilongolela ilya Mulungu, kuvhalilanaje ni shikunzi ku vhamwinyu inza avhanine vwe vhakukundana. Ishikunzi isho, mutavhakundaje vhe vhamwinyu vhweleele, nkandi na vhantu vhonti.

1 Yohani 1:9

Ileelo inga tukupemula kuuti tuvhomvile uvhutalamalandu, uMulungu akutuswila nu kutuzelufwa uvhuvhiivhi vhwonti, mwe pe uweene mutungamu havhili mugolosu.

1 Yohani 2:12

Nkuvhasimbila imwe mwe vhaana, mwe pe muswililiilwe uvhutalamalandu vhwinyu kutuushila kwa Yeesu Chilisiti.