VaEfeso 4:31 - ULufingwi uLupwa

³¹ Ishi muleshe kuvhavhwa amooyo, nu kuvha nu vhuhalazu nu mulaha nu kudalinkana nu kusamulana poosye kuvhombelana imbiivhi izyamwavho zyonti,

Tesitamenti Umupwa 1965

³¹ Mwefwe mumwinyʼumu umulaha wonti, nimbushilano zyonti, nuvuhalazu vwonti, nahalanga honti, numusamu wonti poka nuvunyala vwonti.

VaEfeso 4:31 ပူးပေါင်းရင်းမြစ်များ

iMbombo izya Vhatumwa 21:30

Pe muhavha ivho mu nkaaya yonti iya Yelusaleemu. Avhantu vhahinza kufuma imbazu zyonti, vhahamulema uPaavhuli nu kumudendemula kumufumwa pa Nyumba iMfinjile. Naluvhiilo avhaguulizi avha Nyumba iyo vhahagalila amalyango.

VaLoma 3:14

“Zye vhakuyanga zyizuuye intipo nu kuvhavwalazya avhanji.”

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

1 VaKolinti 5:8

Ishi tuleshe kuvhomba ishikulukuulu isha Pasaaka nu mulembo uwa kuluzizya uwa hali, kwe kuuti uvhuvhiivhi nu vhutalamalandu, nkandi tuvhombaje na makaati ge gatali nu mulembo uwa kuluzizya, kwe kuuti umwoyo umuzelu nu vhwanalyoli.

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaGalati 5:20

Izyamwavho zye zino: kupuuta iviholanyo nu vhulozi nu vhulugu ni ivho nu vhuzuvha nu mulaha nu lutumvanyo na madali nu kusugaana

VaEfeso 4:22

Mwásambiliiye kuleha ulujendo lwinyu uluvhiivhi nu kuzuula amooyo giinyu aga vhutalamalandu vhwe mwáli navhwo. Impapilo zyinyu zye zikuvhahopenkanya zikuvhananganya amooyo giinyu.

VaEfeso 4:25

Ishi muleshe kuluma ilenga. Umuntu wonti yikwanzilwa amuvhuzyaje uwamwavho izya nalyoli, mwe pe swenti tuli pooka mwa Chilisiti inza ivipelwa ivwa mu muvhili wooka.

VaEfeso 4:26

Inga mwaviitwa, mutavhombaje uvhutalamalandu. Havhili izuvha litaswanje she muli nu mulaha.

Kolosi 3:19

Niimwe mwe vhanaavuli, muvhakundaje avhashi vhiinyu, mutavhanje mwe vhahali ku kwavho.

Kolosi 3:8

Ileelo ishi, muleshe nziila kuvha nu mulaha nu vhuhalazu nu vhuvhiivhi nu musaamu, na mazwi amamwamu mu mili zyinyu.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

1 Timoti 3:3

Atahaavhe wu shimwela, poosye kuvha wa ivho, nkandi avhe muntu we mutonsu. Havhili atahaavhe mupapizi uwa mpiiya.

1 Timoti 5:13

Pooka ni zyo, vhanganda kujendanga mu nyumba zya vhantu kuzya vhuhata. Te ziniizyo zyeka haa, nkandi nu kukwakwasya nu kuyanga zye zitahondeeye na zye te nyinza.

2 Timoti 2:23

Uyefwaje mu madali ge gatakwanzilwa na ga vhwalangani, mwe pe umanyile kuuti igo ge gakuleeta ivho ku vhantu.

2 Timoti 3:3

Havhili vhaliivha vhantu vhe vhatakuvhakunda avha ku mwavho, poosye kwanza ulwivwano. Vhaliivha vhantu vhe vhakuvhalonjeelela avhamwavho izya ilenga nu kupootwa kuyikonzya. Vhaliivha vhahali, havhili te vhahasungwaje inyinza.

uTiiti 1:7

Mwe pe umwimiilizi akuyimililila imbombo iya Mulungu, akwanzilwa kuuti avhanje muntu we atakukwinkwinwa naashimo. Atakwanzilwa kuuti avhanje muntu we akuyitumvwa, poosye we ali nu mulaha, poosye we wu shimwela, poosye we wa ivho. Havhili atakwanzilwa kuuti avhanje nu lupapilo ulwa mpiiya.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

Yakobu 1:19

Mwe vhamwitu vhankundwa, mutejelezyaje ahinza! Umuntu wonti atavhanje wa kuyanga naluvhiilo, nkandi avhanje wa kutejeelezya suuti! Havhili atavhanje we akuviitwa naluvhiilo.

Yakobu 3:14

Ileelo inga amooyo giinyu gizuuye umwone nu lupapilo, pe mutayitiimaje, havhili mutayangaje ilenga ku zya nalyoli.

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.

1 Peteli 2:1

Pe ishi, muleshe uvhuvhiivhi vhwonti ni ilenga ni shifumbo nu mwone ni ndigo zyonti.

1 Yohani 3:12

Tutahaavhe inza umuntu ula we vhahatinji uKaayini, we áamile wa Muvhiivhi ula uSeetano, ahamugoga umunine waakwe. Shooni she ámugozile? Ámugozile, mwe pe imbombo zyakwe zyáli mbiivhi, ileelo izya muzuuna waakwe zyáli ngolosu.

1 Yohani 3:15

Wonti we akumuviitilwa uwamwavho, mugozi. Niimwe mumanyile kuuti ataliipo umugozi we ali nu vhulanzi uvhwa shiima shiima muhati yaakwe.

Ishitushizya 12:10

Pe nkiivwa izwi ipiti kufuma ku mwanya likuti, “Ishi, uMulungu wiitu avhaposile avhantu vhaakwe! Ishi alolesya amaha gaakwe nu kukonzya fwe wu mwene! Havhili uChilisiti waakwe alolesya amaha gaakwe! Yeenya, uMikayeeli na vhahavhizya vhaakwe vhamusumbiiye pansi umulonjeelezi uwa vhamwitu, uweene we akuvhalonjeelela kwa Mulungu wiitu, uvhusiku nu musanya.