VaEfeso 4:28 - ULufingwi uLupwa

²⁸ Umwivha aleshe kwivha, avhombaje imbombo ye nyinza, inga avwagaje ivintu ivwa kumwavwa uweene nu kuvhagavhila avhamwavho vhe vhasovheliilwe.

Tesitamenti Umupwa 1965

²⁸ Uno wengʼayiṿile yimo, wʼatavuyizyaje umwiva havili, nkandʼayikungulaje ukuvomba zimʼinyinza ninyove zyakwe, ukuti avanje naṿwo iṿwa kumupa wengʼate naṿwo naṿimo.

VaEfeso 4:28 ပူးပေါင်းရင်းမြစ်များ

uLuuka 19:8

Ileelo uZakaayo ahimiilila, ahamuvhuuzya uMwene uYeesu ahati, “We Mwene! Ishi, ivintu vwane kuuti mvigavhanye pahati, vimo kuuti mbape avhapiina. Ileelo umuntu we imufwuye ishintu shonti ku vhwivha, kuuti imugalusizye lune ku viila vwe imufwuye.”

uLuuka 3:8

Ishi muvhombaje zye zikulolesya kuuti mupindusile. Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

Yohani 12:6

UYuuda áyanzile vhwevhulo, te kuuti, mwe pe ahavhafwilaga uvhwila avhapiina, nkandi, mwe pe áamile mwivha. Uweene we ahasengulaga imfuuku iya mpiiya, ahiivhaga impiiya mu mfuuku iyo nu kuzivhombela wuuyo weeka.

Yohani 13:29

Mwe pe uYuuda we ahasengulaga imfuuku iya mpiiya, vhamo vhahasiivhaga kuuti uYeesu amuvhuuzya uYuuda kuuti asogole akale vwe vikwanzilwa pa shikulukuulu, poosye kuuti aavhape impiiya zimo avhapiina.

VaLoma 12:13

Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

1 VaKolinti 4:12

Tukukanyila kuvhomba imbombo ni nyoovhe zyitu sweneeswe. Inga avhantu vhakututipa, tukuvhaloota, inga vhakutuyimvwa, tukujimbiilila,

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

2 VaKolinti 8:2

Pooka nu kuuti avhiitisi ivho vhaamile vhapiina nkaani nu kuvha mu mayimba aga mavhiila mu mavhiila, vhaamile nu luseshelo ulupiti lwe lwaavhatwaliiye kuvha vhatesi nkaani kufumwa ivintu vwavho.

VaGalati 6:10

Pe ishi, ahavhaliilizyo honti he tuli naho, tuvhavhombelaje inyinza avhantu vhonti, inkaani avhiitisi avhamwitu.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.