VaEfeso 4:25 - ULufingwi uLupwa

²⁵ Ishi muleshe kuluma ilenga. Umuntu wonti yikwanzilwa amuvhuzyaje uwamwavho izya nalyoli, mwe pe swenti tuli pooka mwa Chilisiti inza ivipelwa ivwa mu muvhili wooka.

Tesitamenti Umupwa 1965

²⁵ Mwe mumwo muleshʼukuyangʼizyʼilenga, mwenti muyangaje izya nalyoli, uno nuwamwavo uno nuwamwavo, she swe tuntu mwe tuvaliye uno aha wamwavo uno aha wamwavo.

VaEfeso 4:25 ပူးပေါင်းရင်းမြစ်များ

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

VaLoma 12:5

Vwe tuli vhwevhulo niiswe. Twe vhinji, ileelo swenti twe vipelwa ivwa mu muvhili uwa Chilisiti, havhili twe vipelwa kwa muntu wooka wooka muli iswe.

1 VaKolinti 10:17

Kuli ikaati lyoka vhweleele. Poosye inga iswe twe vhinji, ileelo tuli umuvhili wooka, mwe pe tuli nu vhuliilani mwi ikaati liniilyo lyoka.

2 VaKolinti 7:14

Ine naavhatiimile nkaani imwe pilongolela lyakwe, niimwe mutaampeziizye insoni. Zyonti zye twavhavhuzyaga zyaamile zya nalyoli. Vwe zili, na zye twaavhatiimile imwe kwa Tiiti, zyope zyaloleha kuuti zya nalyoli.

VaEfeso 4:15

Ileelo tulilandata uvhwanalyoli ku shikunzi, inga tukule nu kufishila kuvha inza uChilisiti ku zyonti. Uweene kuli iswe ali inza itwe mu muvhili.

VaEfeso 4:22

Mwásambiliiye kuleha ulujendo lwinyu uluvhiivhi nu kuzuula amooyo giinyu aga vhutalamalandu vhwe mwáli navhwo. Impapilo zyinyu zye zikuvhahopenkanya zikuvhananganya amooyo giinyu.

VaEfeso 4:31

Ishi muleshe kuvhavhwa amooyo, nu kuvha nu vhuhalazu nu mulaha nu kudalinkana nu kusamulana poosye kuvhombelana imbiivhi izyamwavho zyonti,

VaEfeso 5:30

mwe pe ku kwakwe iswe tuli inza ivipelwa ivwa mu muvhili waakwe.

Kolosi 3:8

Ileelo ishi, muleshe nziila kuvha nu mulaha nu vhuhalazu nu vhuvhiivhi nu musaamu, na mazwi amamwamu mu mili zyinyu.

Kolosi 3:9

Mutalumilanaje ilenga, mwe pe muzuuye amooyo giinyu aga vhutalamalandu pooka ni mbombo zyakwe.

1 Timoti 1:10

Indajizyo izyo zya vhalugusu, na vhe vhakuvhomba uvhuvhembu avhanaavuli ku vhanaavuli, vhe vhakuvhakazya avhazya, avha ilenga na vhe vhakulapa izya ilenga. Havhili zya vhanji vhonti vhe vhakuvhomba lyonti lye likusugaana ni nsambiilizyo izya nalyoli.

1 Timoti 4:2

Insambiilizyo izyo zikwinza na vhe vhakuyanga izya ilenga ku shifumbo. Amooyo gaavho amavhiivhi gatangalonga imbiivhi zyavho.

uTiiti 1:12

AVhakileete ivho, wumo mu vhakuvhwi vhaavho áyanzile átili, “AVhakileete vhakuyanga izya ilenga amanda gonti, vhali ngati vihanu ivihali ivivhiivhi, havhili vhahata, vhakulya ku vhupafu.”

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

Yakobu 1:21

Pe ishi, muvhuleshe uvhuhandamanu vhwonti nu vhuvhiivhi vhwe muli navhwo. Muposheele ku vhutonsu izwi liila lye uMulungu alivhiisile mu mooyo giinyu. Izwi ilyo lye lili na maha aga kuvhapoha.

1 Peteli 2:1

Pe ishi, muleshe uvhuvhiivhi vhwonti ni ilenga ni shifumbo nu mwone ni ndigo zyonti.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.