VaEfeso 4:24 - ULufingwi uLupwa

²⁴ Muzwale amooyo amapwa, ge gápeziilwe ku shiholanyo isha Mulungu. Gaholiine nawo mu vhugolosu na mu vhufinjile uvhwa nalyoli.

Tesitamenti Umupwa 1965

²⁴ muzwalʼumuntʼumupwa wʼapezilwe kushati sha Mulungu muvugolosu namuvufinjile vwa vwanalyoli.

VaEfeso 4:24 ပူးပေါင်းရင်းမြစ်များ

uLuuka 1:75

Tuvhe swe vhafinjile, havhili swe vha nalyoli insiku zyonti zye tukulandila.

Yohani 17:17

We Taata, uvhazelufwe kwi idala ilya vhwanalyoli vhwaho. Izwi lyaho vhwe vhwanalyoli.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaLoma 13:12

Uvhusiku vhwaakusila, kwapalamila kusha. Ishi tuzileshe imbombo izya mu shiisi, tuzwale ivilwilo ivwa mu vhuzelu.

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaLoma 7:6

Ileelo ishi tufuuye pooka nu Chilisiti, kwe kuuti tusatuliilwe kufuma mu ndajizyo. Ahavhaliilizyo iha tutakumuvhombela uMulungu kwi idala ilya hali ilya kulandata indajizyo zye zyásimviilwe, nkandi kwi idala ipwa ilya kulongolwa nu Mupepo uMufinjile.

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

1 VaKolinti 15:53

Yiliivha vhwevhulo, mwe pe umuvhili uno we wukuvhola wukwanzilwa wugalunkane nu kuvha muvhili umupwa we wutakunanjiha, umuvhili we wukufwa, wukwanzilwa wugalunkane kuvha muvhili umupwa we wutakufwa.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:16

Pe ishi, tutakuvunziha umwoyo, poosye inga amavhili giitu gakunanjiha, muhati zyitu uMulungu akutupela kuvha twe vhapwa insiku zyonti.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

VaGalati 3:27

Imwe mwenti mwe mwozeliilwe, musopenkiine nu Chilisiti, muli ngati mumuzwaye uChilisiti.

VaGalati 6:15

Kutahiililwa, poosye kuvha ishisita kutahiililwa, vwonti vitali nu vhumwamu naavhumo, she shili nu vhumwamu, kwe kupelwa vhupwa nu Mulungu.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

VaEfeso 2:15

Indajizyo izya Vhayuuda zili ni nkomeelezyo inyinji, ileelo uChilisiti ázyefwizye. Ávhomvile isho, inga swe Vhayuuda niimwe mwe te mwe Vhayuuda tuvhe impuga yooka, kwi idala ilya kusopenkana nu weene. Isho vwe ávhomvile kutuvhiiha kuvha nu lwivwano.

VaEfeso 6:11

Muzwale ivizwalo vwonti ivwa kulwila uvhulugu vwe mukupeelwa nu Mulungu, inga muyipinjishe nu lukasamo lwonti ulwa Mukwalanzi lwe lwa vhushevu.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 1:8

Ileelo lwe akuyanga izya Mwana waakwe, átili, “We Mulungu, uvhumwene vhwaho vhuliivha vhwa shiima, havhili ulivhakonzyaga avhantu ku vhugolosu.

VaHebuli 12:14

Mwe vhamwitu, mukanyilaje kulandila ku vhutehamu na vhantu vhonti. Havhili mukanyilaje kuvha mwe vhafinjile mu vhulanzi vhwinyu, mwe pe ataliipo umuntu we angamulola uMWENE uMulungu ishisita kuvha mufinjile.

1 Peteli 2:2

Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

2 Peteli 1:4

Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.