VaEfeso 4:18 - ULufingwi uLupwa

¹⁸ Havhili vha mu shiisi, vhatamanyile uvhwanalyoli uvhwa Mulungu. Avhantu ivho vhali ukutali nu vhulanzi vhwe uMulungu akuuvhapa avhantu vhaakwe, mwe pe vhatamanyile amadala gaakwe, kufumiilana nu vhugomu uvhwa mooyo gaavho.

Tesitamenti Umupwa 1965

¹⁸ Vʼishisi shivahomile injele zyavo, ve vadumulilwe kuvulanzi vwa Mulungu, she vatamanyile nazimo, kwe kuvugomu vwa moyo gavo.

VaEfeso 4:18 ပူးပေါင်းရင်းမြစ်များ

Matayi 13:15

Avhantu ivha amooyo gaavho magomu, na makutwi gaavho gatakwivwa, na minso gaavho vhasinziliiye. Inga te she shiyo, aminso gaavho, nkandi gakulola, na makutwi gaavho, nkandi gakwivwa, havhili, nkandi vhakumanyinsanya ku nsiivho zyavho, pe vhapindushe inga mbaposhe.’”

Maliko 3:5

Ahavhazyamila ku vhuhali, ahaswimiililwa, mwe pe avhwenyi uvhugomu uvhwa mooyo gaavho. Ahamuvhuuzya umuntu ula ahati, “Golosya inyoovhe yaaho.” Woope ahagolosya, inyoovhe yaakwe yihapona.

Yohani 12:40

“Avhavhiisile uvhwantonko, na mooyo gaavho agavhiisile kuvha magomu, inga aminso gaavho gatalolaje na mooyo gaavho gatamanyaje, inga vhatahinze vhagalushe ku kwane imbaposhe.”

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

iMbombo izya Vhatumwa 3:17

“Ishi vhamwitu, imanyile kuuti imwe na vhapiti vhiinyu mwávhomvile izyo, mwe pe mutámanyile.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 11:7

Pe ishi, zili ishi: AVhaisilayeeli vhálondooye kuvhwaga uvhugolosu ileelo vhatávhwazile, nkandi vhaala vhe vhásavhuliilwe nu Mulungu vhe vhávhwazile. Vhe vhásyaye, ávhavhiisile kuuti vhavhe na mooyo amagomu.

VaLoma 2:19

Kulandatana niizyo, iwe ukuyilola kuuti we mulongozi uwa vhantu vhe te Vhayuuda, inza umuntu we akuvhalongozya avhantonko, poosye inza inyaale vwe yikuvhahozezya avhantu mu shiisi.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

1 VaKolinti 2:8

Havhili ataliipo inga wooka mu vhapiti avha mu nsi umu we avhumanyile uvhushindamu uvhwa njeele uvhwo, mwe pe inga vhavhumanyaje, nkandi vhatámuhomeleeye pa shihovhenkanyo uMwene uwa Vhushindamu.

2 VaKolinti 3:14

Ileelo aVhaisilayeeli injeele zyavho zyávhisiilwe kuvha ngomu. Kufishila ishi lwe vhakuvhaazya amakalaata aga ndajizyo izya Moose, vhakupootwa kumanya uvhwanalyoli, mwe pe vhakuvha vhadindiliilwe nu mwenda uwo. Uvhwanalyoli uvhwo vhukumanyiha kwi idala ilya kumwitiha uChilisiti, mwe pe uweene we akwefwa umwenda uwo.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

VaGalati 4:8

Hali, lwe mutámumanyile uMulungu, mwámile mwe vhazya avha vintu vwe te wu Mulungu.

VaEfeso 2:1

Hali, imwe mwámile mwe vhafwe, mwe pe muhashilanyaaga indajizyo izya Mulungu nu kuvhomba uvhutalamalandu.

VaEfeso 2:12

ahavhaliilizyo iho mutámumanyile uChilisiti. Mwámile inza avhajeni, kwe kuuti mutáamile pooka na Vhaisilayeeli, vhe vhantu vha Mulungu. Avheene uMulungu ávhafwiliiye uvhwila kulandatana na zye áfinzile, ileelo imwe mutáliipo. Havhili muhatendamaga mu nsi ishisita ulusuuvhilo, poosye kumumanya uMulungu.

Kolosi 1:21

Hali, niimwe mwámile ukutali nu Mulungu, mwámile mwe vhalugu vhaakwe ku nsiivho ni mbombo zyinyu imbiivhi.

1 VaTesaloniki 4:5

Mutahiime ni mpapilo imbiivhi inza avhantu avha kunzi vhe vhatamumanyile uMulungu.

VaHebuli 5:2

Uweene angavhafwila uvhwila avhamwavho vhe vhatakumanya na vhe vhakupuvha, mwe pe woope muyeyevhazu.

VaHebuli 9:7

Ileelo umupuuti umupiti weeka we ahitishilwaga kwinjila ishumba isha vhuvhili, woope ahinjilaga lwoka vhweleele ku mwaha. Havhili ahanzilwaga kwinjila na mavhanda aga shihanu she shivholiilwe nu kumufumwizya uMulungu. Ahavhombaga vhwevhulo, kuzya vhutalamalandu vhwakwe wuuyo nu vhwa vhantu avhanji vhonti vhwe vhahavhombaga ishisita kumanya.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

1 Peteli 1:14

Muvhanje inza avhaana vhe vhali nu mushinzi. Mutalongolwaje ni mpapilo zyinyu zye mwáli nazyo lwe mushiili kumumanya uMulungu,

1 Yohani 2:11

Ileelo umuntu we akumuviitilwa uwamwavho, ali mu shiisi. Akujenda mu shiisi, ishisita kumanya kwe akusogola, mwe pe ishiisi shimugubishiiye ku minso.