VaEfeso 4:15 - ULufingwi uLupwa

¹⁵ Ileelo tulilandata uvhwanalyoli ku shikunzi, inga tukule nu kufishila kuvha inza uChilisiti ku zyonti. Uweene kuli iswe ali inza itwe mu muvhili.

Tesitamenti Umupwa 1965

¹⁵ nkandi tulandate zye zya nalyoli mushikunzi, tukulaje, tumalilizyaje zyonti mwe mumwakwe wuyo uChilisiti, we litwe.

VaEfeso 4:15 ပူးပေါင်းရင်းမြစ်များ

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

VaLoma 12:9

Muvhakundaje avhamwinyu ishisita ishifumbo. Muzivitilwaje imbiivhi, muyikungulaje kuvhomba inyinza.

1 VaKolinti 11:3

Ileelo ishi, nkwanza mumanye kuuti itwe ilya mwanaavuli wonti wu Chilisiti, itwe ilya mwantanda mulume, lyope itwe ilya Chilisiti wu Mulungu.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

2 VaKolinti 8:8

Lwe nkuyanga izi te kuuti nkuvhavijiilizya, ileelo nkwanza kulola ishikunzi shiinyu inga sha nalyoli kwi idala ilya kulingaanisya nu mute uwa vhanji.

VaEfeso 1:22

UMulungu ahaamupa amaha aga kukonzya ivintu vwonti, nu kumuvhiiha mu shivhanza kuuti avhe mupiti ku vintu vwonti inza itwe mu muvhili,

VaEfeso 1:4

Lwe uMulungu ashiili kupela insi, átusavhuuye kuuti tuvhe swe vhantu vhaakwe kwi idala ilya kusopenkana kwitu nu Chilisiti. Ávhomvile vhwevhulo, inga tuvhe swe vhafinjile ishisita ulukwinkwino pilongolela lyakwe. Mwe pe átukunzite,

VaEfeso 2:21

Kwa weene kwe tusopenkiine pooka nu kugoma inza vwe ivhwe ipiti ilyo liyisopenkiinye inyumba yonti nu kuyivhiiha kuuti yigome. Akutuvhiiha kuvha swe Nyumba iMfinjile kutuushila kwa Mwene uYeesu.

VaEfeso 4:25

Ishi muleshe kuluma ilenga. Umuntu wonti yikwanzilwa amuvhuzyaje uwamwavho izya nalyoli, mwe pe swenti tuli pooka mwa Chilisiti inza ivipelwa ivwa mu muvhili wooka.

VaEfeso 5:23

Nkuyanga vhwevhulo, mwe pe umwanaavuli we mupiti uwa mushi waakwe inza vwe uChilisiti woope Mupiti uwa shivhanza, havhili we Muposhi uwa muvhili waakwe, kwe kuuti ishivhanza isho.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 2:2

Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.