VaEfeso 4:14 - ULufingwi uLupwa

¹⁴ Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

Tesitamenti Umupwa 1965

¹⁴ Naswe ukuti tulehaje ukuva swe vana vansi ve vakuyugumbana nukwelela kunkungu zyonti izya nsambilizyo kuvusheṿu vwa vantu, namuvugulugulu uvupelavukwalanzi;

VaEfeso 4:14 ပူးပေါင်းရင်းမြစ်များ

Matayi 11:7

Lwe avhasundikwa avha Yoohani vheepa, uYeesu ahanda kulivhuuzya ivhungaana ilya vhantu vhaala izya Yoohani uMwozyi. Ahati, “Mwásogooye kwenya ishooni kwi ilaala? Mwásogooye kwenya isole lye inkungu yikuliyinzaanya?

Matayi 24:11

Havhili avhakuvhwi avhinji avha ilenga vhalifumila, vhoope vhalivhahopenkanya avhantu avhinji.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

iMbombo izya Vhatumwa 23:21

Ileelo iwe utahavhitishile, mwe pe kuli aVhayuuda 40 nu kushila, vhe vhakwanza kumwuvhiilila uPaavhuli mwi idala. Vhalafile kuuti te vhalye, poosye kumwela, ishisita kumugoga. Ishi, vhayisengiinye, vhaguliliiye kwitishila kwaho zye vhakulaavha.”

1 VaKolinti 12:2

Mumanyile kuuti lwe mwáli te mwe vhiitisi, mwáhopeliilwe nu kulongolwa kupuuta iviholanyo vwe vitakuyanga.

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

1 VaKolinti 3:19

Yeenya, uvhushindamu uvhwa njeele uvhwa mu nsi umu, vhwalangani pilongolela ilya Mulungu. Izyo zili inza vwe yisimviilwe mu Vhusimbe uVhufinjile kuuti, “UMulungu akuvhalema vhe vhali nu vhushindamu uvhwa njeele mu vhushevu vhwavho.”

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

VaGalati 3:1

Mwe Vhagalaatiya, nalyoli mwe vhapukupuuku! Wu naanu we avhalozile? Návhalumbiliiye imwe, niimwe muhamanya ahinza inongwa izya Yeesu Chilisiti, vwe vhámuhomeleeye pa shihovhenkanyo.

VaEfeso 6:11

Muzwale ivizwalo vwonti ivwa kulwila uvhulugu vwe mukupeelwa nu Mulungu, inga muyipinjishe nu lukasamo lwonti ulwa Mukwalanzi lwe lwa vhushevu.

1 Timoti 3:6

Atahaavhe muntu we ayinjiiye shiniishi mu lwitiho, inga atahinze ayitumvwe nu kugwila mu vhutalamalandu. Pe alongwe inza vwe uMukwalanzi woope álonziilwe.

2 Timoti 1:15

Iwe umanyile kuuti avhamwitu avha mu nsi iya Aasiya vhandesile. Muli ivho aliipo uFugeelo nu Helimogeene.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

2 Timoti 4:3

Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

Yakobu 1:6

Ileelo akwanzilwa alaavhe ku lwitiho ishisita amaganigani kuuti kwe aposheele. Nkuyanga vhwevhulo, mwe pe umuntu we ali na maganigani, akuvha fwe livhilingwa ilya sumbi, lye likunyatulwa ni nkungu nu kusumbilwa uku nuukwo.

Yakobu 3:4

Vhwevhulo zyope imeeli, poosye she mpiti nkaani, zikubunshilwa ni nkungu impiti, poosye vhevhulo, zikulongolwa nu tusyetulilo utunsi vhweleele, kusogola kwonti kwe umulongozi akwanza.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

1 Yohani 2:26

Nkuvhasimbila izi, kuvhasoha kuzya vhantu vhaala vhe vhakwanza kuvhapuvwa.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

uYuuda 1:12

Avhantu ivha vhakunanganya lwe vhakulya pooka niimwe pa mulyo uwa shikunzi, vhakulya vheeka ishisita insoni. Havhili vhali inza amavhingo ge gatali ni mvula, ge inkungu yikugapempenusya. Vhali inza amakwi ge gatali na mantonongwa ahavhaliilizyo aha mvuno, ge gafuuye nziila nu kwilulwa.

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.