VaEfeso 4:13 - ULufingwi uLupwa

¹³ Ishivhanza shizengwe, kufishila pe ulwitiho lwitu swenti lwavha lwoka na pe twamumanya uMwana wa Mulungu, kwe kuuti, kufishila pe twakula nu kugoma nu kuvhufishila uvhulunjisu uvhupiti inza uvhwa Chilisiti.

Tesitamenti Umupwa 1965

¹³ ukufiha pupo pe swenti tulivufishila uvwoka vwa lwitiho nukumumanyinsanyʼuMwana wa Mulungu, ukuti tulunjishe muvuntu, ukuti tuvanje nishifinjilo ishikuzi sha vulunjisu vwa Chilisiti.

VaEfeso 4:13 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Yohani 1:16

Kufumiilana nu vhudumbwe uvhwa vhwila vhwakwe, iswe swenti uMulungu atufwiliiye uvhwila, havhili kwe ajendeelele kutufwila uvhwila ahavhaliilizyo honti.

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 17:21

Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 6:69

Iswe tukwitiha, havhili tumanyile kuuti iwe we we Mufinjile we uMulungu áfinzile kumuleeta!”

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

1 VaKolinti 2:6

Ileelo zye tukuyanga zye zya vhushindamu uvhwa njeele ku vhantu vhe vhagomile mu lwitiho. Uvhushindamu uvhwa njeele uvhwo te vhwa pa nsi ipa, havhili te vhwa vhapiti avha pa nsi ipa, vhe kukonzya kwavho kukusila.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaGalati 4:19

Vhaana vhaane, inza vwe umwantanda we ali pa vhumwamu akuyiivwa uvhuvhaavi lwe ahavhaliilizyo aha kupaapa haafiha, vwe zyáli niine. Niishi indi she nkuyiivwa uvhuvhaavi nkaani ku zyinyu. Kwe njendeelele kuyiivwa uvhuvhaavi kufishila lwe ulujendo ulwa Chilisiti lwaloleha mu lujendo lwinyu.

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

VaEfeso 1:23

mwe pe shoope ishivhanza shili inza umuvhili ku kwakwe. Havhili vhulunjisu vhwakwe, uweene we akuvilunjisya ivintu vwonti ponti.

VaEfeso 2:15

Indajizyo izya Vhayuuda zili ni nkomeelezyo inyinji, ileelo uChilisiti ázyefwizye. Ávhomvile isho, inga swe Vhayuuda niimwe mwe te mwe Vhayuuda tuvhe impuga yooka, kwi idala ilya kusopenkana nu weene. Isho vwe ávhomvile kutuvhiiha kuvha nu lwivwano.

VaEfeso 4:12

Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

VaEfeso 4:3

Muyikungulaje kuvhusunjiilila uvhuliilani vhwe mupeliilwe nu Mupepo uMufinjile. Uvhuliilani uvhwo muvhusunjililaje kwi idala ilya kulandila ku vhutehamu.

VaEfeso 4:5

Tuli nu Mwene wooka nu lwitiho lwoka nu lwozyo lwoka.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.

Filipi 3:8

Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

Kolosi 1:28

UChilisiti uyo we tukuvhalumbiilila, tukuvhasoha nu kuvhasambiilizya avhantu vhonti ku vhushindamu uvhwa njeele vhwonti. Tukuvhomba isho, inga tuvhaleete vhonti pilongolela ilya Mulungu she vhagomile kwi idala ilya kusopenkana nu Chilisiti.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

VaHebuli 5:14

Ileelo avhantu vhe vhagomile vhe vhakulya ishaakulya ishigomu. Ivho vhe kwi idala ilya kuyiluvhaalizya, vhavheleleeye kuzimanyinsanya inyinza ni mbiivhi.

2 Peteli 1:4

Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.