VaEfeso 4:12 - ULufingwi uLupwa

¹² Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

Tesitamenti Umupwa 1965

¹² ukuti vavayananyʼavafinjile, imbombo ya vuvombezi yivombwaje, ukuti umuvili wa Chilisiti azengwaje;

VaEfeso 4:12 ပူးပေါင်းရင်းမြစ်များ

uLuuka 22:32

Ileelo ine, nkulavhiiye kwa Mulungu, inga utahinze uleshe ulwitiho lwaho kuli ine. Niiwe lwe wangalushila ine, uvhagomwe na vhamwinyu.”

iMbombo izya Vhatumwa 1:17

Ku vhwandilo uYuuda áamile pooka niiswe swe vhatumwa, ásavhuliilwe kuuti twavwane kuvhomba imbombo.”

iMbombo izya Vhatumwa 1:25

inga apwanile pa mbombo iya vhutumwa ye uYuuda aayilesile, aafwa nu kusogola pe pamuhondeeye wuuyo kuposheela isunde.”

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

VaLoma 12:5

Vwe tuli vhwevhulo niiswe. Twe vhinji, ileelo swenti twe vipelwa ivwa mu muvhili uwa Chilisiti, havhili twe vipelwa kwa muntu wooka wooka muli iswe.

VaLoma 12:7

We ali ni shikunjilwa isha vhuvhombezi, avhombaje vhwevhulo, woope we ali ni shikunjilwa isha kusambiilizya, asambilizyaje.

VaLoma 14:19

Pe ishi, ahavhaliilizyo honti tuvhe nu mute uwa kuvhomba zye zikuleeta uvhutehamu, na zye zikwavwa kuzengana mu lwitiho.

VaLoma 15:14

Mwe vhamwitu, ine neneene, nalyoli imanyile kuuti imwe mwizuuye uvhwinza nu kumanya zye zikwanzilwa kuvhomba, havhili mungasambilizanya.

VaLoma 15:2

Avhantu vhonti muli iswe, vhavhavhombelaje inyinza avhamwavho, inga vhazengwaje mu lwitiho.

VaLoma 15:29

Imanyile kuuti, lwe ninza kuli imwe uChilisiti aliloota nkaani ahavhaliilizyo aha kutendama pooka, ine niimwe.

1 VaKolinti 12:27

Vhwevhulo, niimwe mwe muvhili uwa Chilisiti, mwenti mwe vipelwa ivwa muvhili uwo.

1 VaKolinti 12:7

UMupepo uwa Mulungu akuuvhapa avhiitisi vhonti amaha gaakwe, inga vhatulanaje.

1 VaKolinti 14:12

Poosye kuli imwe vwe zili. Mwe pe mukusungwa nkaani kuvha ni vikunjilwa ivwa Mupepo uMufinjile, mukanyilaje nkaani kulondola ivikunjilwa vwe vikushizenga ishivhanza.

1 VaKolinti 14:14

Inga nkulaavha ku njango injeni, umwoyo waane we wukulaavha, ileelo injeele zyane zitakuvha ni ilonka naalimo ku vhanji.

1 VaKolinti 14:26

Ishi vhamwitu tuti vhuli? Lwe muvhungiine kupuuta, inga wumo ali nu lwimbo nu wamwavho ali ni nsambiilizyo, wumo akwanza kuyanga zye uMulungu amulolesiizye nu wamwavho akuyanga injango injeni nu wamwavho akutantula injango injeni, izi zyonti zivhombehaje mu nsiivho izya kushizenga ishivhanza.

2 VaKolinti 12:19

Pamo mukusiivha kuuti ahavhaliilizyo honti iha, tukuyiyanjila, inga mutahatulole kuuti twe vhavhiivhi. Iswe tukuyanga izi, mwe pe twe vhavhomvi avha Chilisiti, nu Mulungu amanyile. Vhankundwa vhaane, tukuvhomba izi zyonti kuvhazenga imwe mu lwitiho.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

2 VaKolinti 13:9

Tukuseshela, mwe pe iswe twe vhayeyevhazu, ileelo imwe muli na maha. Tukumulaavha uMulungu avhaavwe kuuti muvhe mwe vhagolosu.

2 VaKolinti 3:8

vhuli, imbombo izya Mupepo uMufinjile zitakuvha nu vhushindamu nkaani?

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

2 VaKolinti 5:18

Ileelo izi zyonti zikufuma kwa Mulungu we ámusonteleziizye uChilisiti kuuti atukundanye iswe nu weene. Niiswe atupiiye imbombo iya kuvhalolesya avhantu idala ilya kukundana nu weene.

2 VaKolinti 6:3

Ishi tutakuvhomba lyonti lye likuvhapunuzya avhanji, inga uvhuvhomvi vhwitu vhutahinze vhuyangwe havhiivhi.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaEfeso 1:23

mwe pe shoope ishivhanza shili inza umuvhili ku kwakwe. Havhili vhulunjisu vhwakwe, uweene we akuvilunjisya ivintu vwonti ponti.

VaEfeso 4:16

Mu muvhili, inkole zisopenkiinye ivipelwa vwonti. Inga ivipelwa vwonti vikuvhomba imbombo yaakwe, pe umuvhili wonti wukukula nu kuzengwa ahinza. Isho vwe niiswe swenti tusopenkiine kwa Chilisiti. Ishi inga swenti tukuvhomba imbombo ye uweene atupiiye, pe kwe tugome nu kukundana nkaani.

VaEfeso 4:29

Mutayangaje amazwi amavhiivhi, muyangaje amazwi aga kuvhazenga avhamwinyu kulandatana na vwe yikwanzilwa, inga vhe vhakutejeelezya vhalyagaje ilonka.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

Kolosi 1:28

UChilisiti uyo we tukuvhalumbiilila, tukuvhasoha nu kuvhasambiilizya avhantu vhonti ku vhushindamu uvhwa njeele vhwonti. Tukuvhomba isho, inga tuvhaleete vhonti pilongolela ilya Mulungu she vhagomile kwi idala ilya kusopenkana nu Chilisiti.

Kolosi 4:17

Mumuvhuuzye uAlikiipo kuuti amale ahinza imbombo ye uMwene ámupiiye.

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

2 Timoti 4:11

ULuuka weeka we asyaye pooka niine ipa. Ahavhaliilizyo he ukwinza, uyinze pooka nu Maaliko, mwe pe akwanzilwa ku mbombo yaane.

2 Timoti 4:5

Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

VaHebuli 6:1

Pe ishi, tutahajendeelele kusyala ni nsambiilizyo izya ku vhwandilo izya Chilisiti vhweleele, nkandi tukanyilaje kusambiilila izyamwavho, inga tuvhe twe vhalandati twe tugomile mu lwitiho. Nalyoli tutakwanzilwa havhili kusambiilizya insambiilizyo izya kutonta imbiivhi zye zikupelela uvhufwe, ni zya kumwitiha uMulungu.