VaEfeso 4:10 - ULufingwi uLupwa

¹⁰ Uweene we áyiisile mu nsi umu we ázuvile nu kupeelwa uvhupiti ku mwanya, inga alunjisye zyonti.

Tesitamenti Umupwa 1965

¹⁰ Uwene wʼahiha we wuyo havili azuṿile kumwanya, apitiliye avazilʼukufiha kuya kumwanya nkani, ukuti akwilaje muli ṿwonti.

VaEfeso 4:10 ပူးပေါင်းရင်းမြစ်များ

Matayi 24:34

Nalyoli nkuvhavhuuzya kuuti, avhantu avha havhaliilizyo iha te vhatuushe she izi zyonti zishiili kulunjiha.

uLuuka 24:44

Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

Yohani 1:16

Kufumiilana nu vhudumbwe uvhwa vhwila vhwakwe, iswe swenti uMulungu atufwiliiye uvhwila, havhili kwe ajendeelele kutufwila uvhwila ahavhaliilizyo honti.

Yohani 19:24

Pe vhahapanzanya vhahati, “Tutahayizeepule inkanzu ino, tuyihomele ulutambu kuuti yivhe ya naanu.” Izi zyávhombesile vhwevhulo, inga zilunjishe zye zisimviilwe mu Vhusimbe uVhufinjile kuuti, “Vhágavhiine amenda gaane, nu kuyihomela ulutambu inkanzu yaane.” Avhasikaali vwe vhávhomvile vhwevhulo.

Yohani 19:28

Lwe uYeesu aamanya kuuti aamala kuyivhomba imbombo yaakwe, ahati, “Ishinyooto shanduma.” Áyanzile vhwevhulo, inga zilunjishe zye zisimviilwe mu Vhusimbe uVhufinjile.

Yohani 19:36

Izyo zyávhombesile, inga zilunjishe zye zisimviilwe mu Vhusimbe uVhufinjile kuuti, “Ifupa lyakwe inga lyoka te lihavunzishe.”

iMbombo izya Vhatumwa 1:11

Vhahati, “Mwe vhanaavuli vha mu Galilaaya, shooni she mwimiliiye ipa nu kutontomela ku mwanya? UYeesu uno we anyatulwa kufuma kuli imwe, aligaluha havhili vhwevhulo inza vwe mwamulola akusogola ku mwanya.”

iMbombo izya Vhatumwa 1:9

Lwe uYeesu ayanga izyo, pe ahanyatulwa kusogola ku mwanya, she avhatumwa vhonti vhakulola. Ivhingo lihamudindila, vhatahamulola havhili.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 3:18

Ileelo uMulungu kuli izyo zye zyávhombesile, ágalunjisiizye amazwi gaala ge áyanzile kutuushila mu vhakuvhwi vhaakwe vhonti, kuuti uChilisiti waakwe aliyimvilwa.

2 VaKolinti 12:2

Imumanyile umuntu wooka umulandati uwa Chilisiti, we amaaha 14 ge gatuuha, ányatuliilwe kusogola ku mwanya, ahafiha ku mwanya iya vhutatu. Lwe akunyatulwa, ntámanyile kuuti pamo áali nu muvhili uno, poosye kuuti pamo atáali nu muvhili uno, ileelo uMulungu we amanyile.

VaEfeso 3:19

Nkulaavha kuuti, mumanye vwe ishikunzi isha Chilisiti shili uvhupiti, isheene shikuluusya uvhumanyinsanyi vhwinyu. Pe kwe muvhe mwe vhalunjisu inza uMulungu.

Kolosi 1:19

UMulungu wuuyo ásungwilwe kuuti uvhulunjisu vhwakwe vhwonti vhuvhe mwa Mwana.

Kolosi 2:9

Mutahiitishe umuntu kuvhahopenkanya, mwe pe uvhulunjisu uvhwa Mulungu vhuli mu muvhili uwa Chilisiti.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.