VaEfeso 4:1 - ULufingwi uLupwa

¹ Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

Tesitamenti Umupwa 1965

¹ Pe lelo nkuvatontela ne mukungwa mwa Mwene ukuti muhondele mulujendo muli zizyo zye mwisitwe lwʼavisite wuyo.

VaEfeso 4:1 ပူးပေါင်းရင်းမြစ်များ

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

VaLoma 11:29

Akujendeelela kuvhakunda, mwe pe uMulungu atakwandula insiivho zyakwe kuli ivho vhe avhiisite nu kuuvhapa ivipeelwa.

VaLoma 12:1

Ishi vhamwitu, mwe pe uMulungu ali nu vhwila kuli iswe, nkuvhalambiilizya kuuti muyifumwaje amavhili giinyu kuvha ngati mpuutile indanzi, imfinjile ye yikumuhondezya uMulungu. Yeenya, kuvhomba vhwevhulo lye lidala ilya nalyoli ilya kumupuuta.

1 VaKolinti 4:16

Ishi, nkuvhalambiilizya kuuti muvhombaje inza vwe ine nkuvhomba.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 5:20

Ishi, uChilisiti atusonteleziizye kuvhomba imbombo yaakwe, nu kutuushila kuli iswe, uMulungu akuvhalambiilizya kukundana nu weene. Ye nongwa tukuvhalaavha mwa Chilisiti kuuti mukundane nu weene.

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

VaGalati 4:12

Vhamwitu, nkuvhalaavha muvhe inza ine, mwe pe ine te ne muzya uwa ndajizyo. Ine indi inza imwe vwe mwámile ku vhwandilo, mutáamile mwe vhazya avha ndajizyo. Lwe náali pooka niimwe, mutámbombeeye uvhuvhiivhi naavhumo.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

VaEfeso 3:1

Kuli izyo, ine ne Paavhuli ne nkunziilwe mu jeela kuzya kuvhomba imbombo iya Chilisiti uYeesu kuli imwe mwe te mwe Vhayuuda, nkuvhalaavhila imwe.

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Filipi 3:14

Ishi nkujendeelela kudaga, inga mposheele ishipeelwa. Ishipeelwa isho, lwito ulupiti lwe uMulungu anitiiye mwa Chilisiti uYeesu.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 2:6

Ishi, inza vwe mumwitisile uChilisiti uYeesu kuuti wu Mwene, mujendeelele kumulandata.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

uTiiti 2:10

Vhatiivhaje ishintu naashimo ku vhapiti vhaavho. Vhalolesyaje ulujendo ulwa kusuuvhilwa ku zyonti, inga ku lujendo lwavho lwonti vhazivhiishe insambiilizyo izya Mulungu uMuposhi wiitu kuuti zivhe zya kuhondezya.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

1 Peteli 2:11

Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Yohani 1:5

Ishi iwe maayi nkundwa, nkukulaavha mu vhusimbe uvhu, kuuti ushindishe ululajizyo luula lwe lukuti tukundanaje. Ululajizyo ulwo te lupwa, lwe lweluula lwe twámile nalwo kufuma pe twánzite kumwitiha uChilisiti.