VaEfeso 3:5 - ULufingwi uLupwa

⁵ Amanda gonti aga hali, uMulungu atávhamanyisiizye avhantu uvhuzigizigi uvhwo. Ileelo pisinda ahavhamanyisya avhafinjile vhaakwe avhatumwa na vhakuvhwi, kwi idala ilya Mupepo waakwe.

Tesitamenti Umupwa 1965

⁵ She zizyo mumaha amakali avana va vantu vatapempulilwe, inza she zikupulilwe shinishi kuvapositili vakwe avafinjile nakuvakuvwi mwa Mupepo.

VaEfeso 3:5 ပူးပေါင်းရင်းမြစ်များ

Matayi 13:17

Nalyoli nkuvhavhuuzya kuuti, vháliipo avhakuvhwi avhinji na vhantu avhinji avhagolosu vhe vhányonyiilwe kuzilola zye mukuzilola imwe, ileelo vhatázivhwenyi. Havhili vhahanzaga kuzyivwa zye mukuzyivwa imwe, ileelo vhatázyivuuye.”

Matayi 20:7

Avheene vhahamwamula vhahati, ‘Mwe pe nuumo we atulambiiye kuvhomba imbombo.’ Pe ahati, ‘Niimwe musogole kuvhomba imbombo mu mugunda waane uwa mampensya.’

Matayi 23:34

Kuli izyo, yeenya, ndivhasonteelezya kuli imwe avhakuvhwi na vhashindamu avha njeele na vhasambiilizi avha ndajizyo. Ileelo vhamo muli ivho mulivhagoga nu kuvhahomeela pa shihovhenkanyo, avhamwavho mulivhahoma nu muchaapu mu masinagoogi giinyu na vhamwavho mulivhashimbizya kufuma mu nkaaya yimo kuvhala mu nkaaya iyinji.

uLuuka 10:24

Nalyoli nkuvhavhuuzya kuuti, vháliipo avhakuvhwi avhinji na vhamwene vhe vhahanzaga kuzilola zye mukuzilola imwe, ileelo vhatázivhwenyi. Havhili vhahanzaga kuzyivwa zye mukuzyivwa imwe, ileelo vhatázyivuuye.”

uLuuka 11:49

“Izyo zye zyámuvhiisile uMulungu kuuti ayanje ku vhushindamu vhwakwe uvhwa njeele ati, ‘Ndivhasonteelezya avhakuvhwi na vhatumwa ku kwavho, ileelo vhamo vhalivhagoga na vhamwavho vhalivhayimvwa.’

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

iMbombo izya Vhatumwa 10:28

UPeeteli ahavhavhuuzya ahati, “Imwe mumanyile ahinza kuuti iswe swe Vhayuuda, indajizyo zyitu zikuhaana kusangaana na vhantu vhe te Vhayuuda. Poosye kutandalilana navho, tutakwitishilwa. Ileelo uMulungu andanzile kuuti ntamuvhuzyaje umuntu wonti kuuti muhandamanu.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

1 VaKolinti 2:10

Ileelo iswe uMulungu átulolesiizye zyenezyo kutuushila kwa Mupepo uMufinjile. Yeenya, uMupepo uMufinjile we akupenza zyonti, poosye izya kukwilu izya Mulungu.

VaEfeso 2:20

Muli inza amavhwe ge vhazenjeeye inyumba. Vhoope avhatumwa na vhakuvhwi vhali inza ulwalo ulwa nyumba iyo. Havhili uChilisiti uYeesu we ali inza ivhwe ipiti ilya pa shipembe isha nyumba iyo.

VaEfeso 3:9

UMulungu we Mupezi uwa vintu vwonti, ánsavhuuye kuuti mbalolesye avhantu vhonti ulukasamo lwakwe ulwa vhuzigizigi vwe lukuvhombeha. Ulukasamo ulwo, áluzyisile kukwilu amanda gonti aga hali.

2 Peteli 3:2

Nkwanza mukumbushe amazwi ge avhakuvhwi avhafinjile vháyanzile hali, ni ndajizyo izya Mwene uMuposhi zye avhatumwa vhaakwe vhávhaleteeye.

uYuuda 1:17

Ileelo imwe vhankundwa, mukumbuhaje amazwi ge avhatumwa avha Mwene wiitu uYeesu Chilisiti vháyanzile.