VaEfeso 3:3 - ULufingwi uLupwa

³ Inza vwe mbasimbiiye, uMulungu ámanyisiizye uvhuzigizigi vhwakwe kwi idala ilya kundoleshela.

Tesitamenti Umupwa 1965

³ Shʼizya vuzigizigi zinizi zyʼankupuliyʼine inza she zizyo nkavasimbilʼulutanzi mumazwi mansi.

VaEfeso 3:3 ပူးပေါင်းရင်းမြစ်များ

iMbombo izya Vhatumwa 22:17

UPaavhuli ahajendeelela kuyanga kuuti, “Pisinda, nkagaluha ku Yelusaleemu. Lwe nkumupuuta uMulungu pa Nyumba iMfinjile, nkalola injozi iya pa minso amazelu.

iMbombo izya Vhatumwa 22:21

UMwene ahanaamula ahati, ‘Sogoola! Kuuti nkusonteelezye ukutali, ku vhantu vhe te Vhayuuda.’”

iMbombo izya Vhatumwa 23:9

Pe kuhavha amadali amapiti nkaani mu vhapiti avha lukuvhato. Avhasambiilizi vhamo avha ndajizyo aVhafalisaayi, vhahimiilila uku vhakudalinkana vhakuti, “Tutavhulola uvhunanzi kwa muntu uno. Pamo impepo, poosye uhavhizya, ayanzile nawo.”

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

2 VaKolinti 12:1

Nkwanzilwa kuyitumvwa, poosye inga kuyitumvwa ukwo kutakumpa ilonka naalimo. Ishi nkwanza kuyitumvwa kuzya njozi iya pa minso amazelu ni zinji zye andolesiizye uMwene uYeesu.

VaGalati 1:12

Ntáposheleeye kufuma ku vhantu, havhili umuntu wonti atánsambiliziizye, nkandi uYeesu Chilisiti wuuyo we ándolesiizye.

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

VaEfeso 3:4

Inga mwavhaazya zye mbasimbiiye izyo, kwe mulole vwe imanyile ulukasamo ulwa vhuzigizigi kuzya Chilisiti.

VaEfeso 3:6

Uvhuzigizigi uvhwo vhwe vhuno: Kwi idala ilya kulyitiha Izwi iLyinza, vhonti vhe te Vhayuuda na Vhayuuda vhakupwana pooka uvhumwene uvhwa Mulungu. Vhakuvha pooka inza ivipelwa ivwa mu muvhili. Kwe kuuti, kutuushila kwa Chilisiti uYeesu vhakuposheela pooka ulufingwi lwe uMulungu áfinzile kuvhaloota aVhayuuda.

VaEfeso 3:9

UMulungu we Mupezi uwa vintu vwonti, ánsavhuuye kuuti mbalolesye avhantu vhonti ulukasamo lwakwe ulwa vhuzigizigi vwe lukuvhombeha. Ulukasamo ulwo, áluzyisile kukwilu amanda gonti aga hali.

VaEfeso 6:19

Niine vhuulo, mundavhilaje kuuti uMulungu ampe amazwi aga kuyanga, inga mbuvumbule uvhuzigizigi uvhwa Izwi iLyinza ku vhudandamazu.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

VaHebuli 13:22

Mwe vhamwitu, nkuvhalambiilizya nkaani kuuti mugalandataje amazwi amansi iga aga kuvhasuvhaalizya ge mbasimbiiye mwa kalaata uno.

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.

2 Peteli 3:15

Mukumbushe kuuti uMwene akuvhajimbiilila, inga muhavhwaje uvhuposhi. Vhwevhulo, vwe uwamwitu uPaavhuli unkundwa ávhasimbiiye ukalaata ku vhushindamu uvhwa njeele inza vwe uMulungu ámupiiye.