VaEfeso 3:20 - ULufingwi uLupwa

²⁰ UMulungu ashindikwaje kuzya maha gaakwe amasisya aga kusukumizya! Nalyoli ali na maha amasisya aga kutuvhombela impiti nkaani kuluusya zye tukulaavha nu kusiivha! Ali na maha amasisya aga kutuvhombela zyenezyo kulandatana na maha gaakwe amasisya ge gakuvhomba imbombo muhati mu mooyo giitu.

Tesitamenti Umupwa 1965

²⁰ Uwene nyene wʼali namaha aga kuvomba nkani ukupitilizya kuli ṿwonti ṿwe tukulava naṿwe tukusiva, inza she ziholine namaha ge gakuvomba mumwitʼiswe,

VaEfeso 3:20 ပူးပေါင်းရင်းမြစ်များ

Matayi 3:9

Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

Yohani 10:10

Umwivha akwinza ni nsiivho izya kwivha nu kugoga nu kunanganya. Ileelo ine ninzile, inga zivhe nu vhulanzi, havhili zivhe navhwo ku vhwinji.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

VaLoma 4:21

mwe pe nalyoli ámanyile kuuti uMulungu kwe avhombe ziila zye áfinzile ku kwakwe.

1 VaKolinti 2:9

Izyo zili inza vwe yisimviilwe mu Vhusimbe uVhufinjile kuuti, “Zye uMulungu avhasenganiziinye vhe vhakumukunda, ataliipo umuntu we azivhwenyi lumo, poosye kuzyivwa, havhili ataliipo umuntu we azivhiisile lumo mu mwoyo waakwe.”

2 VaKolinti 9:8

Pe uMulungu kwe avhalootaje mu nyinji, inga ahavhaliilizyo honti muvhanje ni vintu vwonti vwe mukwanza, inga muvhanje mwe vhantu avha kuvhomba inyinza inyinji izya kuvhaavwa avhanji.

VaEfeso 1:19

Havhili mumanye amaha gaakwe amasisya aga kusukumizya. Amaha igo gakuvhomba imbombo kuli iswe swe tumwitisile uYeesu. Agenego, she shooka na maha gaakwe amapiti

VaEfeso 3:7

UMulungu ku vhwila vhwakwe, ánsavhuuye kuvha ne muvhomvi uwa kulumbiilila Izwi iLyinza. Ámfwiliiye uvhwila uvhwo, kulandatana na maha gaakwe amasisya,

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

VaHebuli 11:19

UAabulahamu ahitihaga kuuti uMulungu angamuzyusya uYisaaka. Kwi idala ilyo, uAabulahamu ámuposheleeye havhili uYisaaka we áamile ngati afuuye nu kuvha mulanzi havhili.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

Yakobu 4:12

UMulungu weeka vhweleele we akuvhiiha indajizyo, havhili uweene we Mulonzi. Wuuyo weeka we ali na maha aga kupoha nu kulovwa. Ishi, iwe we naanu we ukwanza kumulonga umupalamani waaho?

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.