VaEfeso 3:19 - ULufingwi uLupwa

¹⁹ Nkulaavha kuuti, mumanye vwe ishikunzi isha Chilisiti shili uvhupiti, isheene shikuluusya uvhumanyinsanyi vhwinyu. Pe kwe muvhe mwe vhalunjisu inza uMulungu.

Tesitamenti Umupwa 1965

¹⁹ ukuti mumanyaje ishikunzi sha Chilisiti she shilusizye nzila uvupiti vwa vumanyinsanyi, ukuti mulunjihaje muvulunjisu vwonti uvwa Mulungu.

VaEfeso 3:19 ပူးပေါင်းရင်းမြစ်များ

Matayi 5:6

Vhalosiitwe vhe vhali ni nzala ni shinyooto isha vhugolosu, mwe pe vhaliyiikuta.

Yohani 1:16

Kufumiilana nu vhudumbwe uvhwa vhwila vhwakwe, iswe swenti uMulungu atufwiliiye uvhwila, havhili kwe ajendeelele kutufwila uvhwila ahavhaliilizyo honti.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

VaLoma 8:35

Shitaliipo ishintu naashimo she shingatulehaanya ni shikunzi isha Chilisiti. Vhuvhe vhupiina, poosye vhuswimiilizu, gavhe mayimba, poosye nzala, kuvhe kulalilwa, poosye kupulumulwa, poosye kuvhe kufwa, vwonti ivwo vitangatulehaanya ni shikunzi isha Chilisiti.

VaLoma 8:39

gavhe maha ga ku mwanya, poosye ga pa nsi. Shitaliipo ishipelwa naashimo she shingatulehaanya ni shikunzi isha Mulungu she shili mwa Chilisiti uYeesu uMwene wiitu.

2 VaKolinti 5:14

Ishikunzi isha Chilisiti shikutulongola iswe, mwe pe tumanyile kuuti umuntu wooka áfuuye kuzya vhantu vhonti, kuli izyo, avhantu vhonti vháfuuye.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaEfeso 1:23

mwe pe shoope ishivhanza shili inza umuvhili ku kwakwe. Havhili vhulunjisu vhwakwe, uweene we akuvilunjisya ivintu vwonti ponti.

VaEfeso 3:18

UMulungu aavhape imwe pooka na vhafinjile vhaakwe vhonti amaha amasisya aga kumanyinsanya vwe uChilisiti atukunzite. Uweene atukunzite ku shikunzi isha kusukumizya, havhili she shitali ni shipimilo.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

VaEfeso 5:25

Niimwe mwe vhanaavuli, muvhakundaje avhashi vhiinyu inza vwe uChilisiti áshikunzite ishivhanza shaakwe, ahayifumwa nu kufwa kuzya shenesho.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Filipi 4:7

Pe uvhutehamu vhwe vhukufuma kwa Mulungu vhwe vhukuluusya injeele zyonti, vhulivhuvhatila amooyo giinyu, ni nsiivho zyinyu, mwa Chilisiti uYeesu.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.