VaEfeso 3:16 - ULufingwi uLupwa

¹⁶ Nkulaavha kuuti, kutuushila kwa Mupepo waakwe, aavhape amaha mu mooyo kulandatana nu vhushindamu vhwakwe uvhwa kusukumizya.

Tesitamenti Umupwa 1965

¹⁶ ukuti ukulandata muvudumbwe vwa vumwamu vwakwe avapanjʼamaha aga kugomwʼumuntu wa muhati mwe mwa Mupepo wakwe,

VaEfeso 3:16 ပူးပေါင်းရင်းမြစ်များ

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

VaLoma 2:29

Ndaali, uMuyuuda uwa nalyoli we wula we mu mwoyo waakwe akumushindiha uMulungu. Kwope kutahiililwa ukwa nalyoli kwe kuvhulingaanya umwoyo kwe kukuvhombwa nu Mupepo uMufinjile, te kwi idala ilya kulandata indajizyo. Umushinzi uwa muntu inza uyo wutakufuma ku vhantu ndaali, wukufuma kwa Mulungu.

VaLoma 7:22

Indajizyo izya Mulungu nkuzisungwa ku mwoyo waane wonti.

VaLoma 9:23

Havhili, mwe pe uMulungu ahanzaga kutulolesya kutangala ukwa vhushindamu vhwakwe uvhupiti,

1 VaKolinti 16:13

Muvhanje minso nu kusimpa mu lwitiho, havhili mutavhanje ni lyoga, nkandi muvhanje mwe vhadandamazu.

2 VaKolinti 12:9

Ileelo uweene ahambuuzya ahati, “Uvhwila vhwane vhukukwiliiye, mwe pe mu vhuyeyevhazu mwe amaha gaane gakuloleha.” Kuli izyo, kwe nkutiimaje ku luseshelo ulupiti kuzya vhuyeyevhazu vhwane, inga amaha aga Chilisiti gavhe pooka niine.

2 VaKolinti 4:16

Pe ishi, tutakuvunziha umwoyo, poosye inga amavhili giitu gakunanjiha, muhati zyitu uMulungu akutupela kuvha twe vhapwa insiku zyonti.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 1:7

Kutuushila uMwana waakwe uyo kufwa pa shihovhenkanyo, tutavhuliilwe, kwe kuuti tuswiliilwe uvhutalamalandu vhwitu. Izi zivhombesile kulandatana nu vhupiti uvhwa vhwila vhwakwe

VaEfeso 2:7

UMulungu ávhomvile inongwa zyonti izyo, inga ahavhaliilizyo he hakwinza alolesye kwonti uvhwila vhwakwe uvhupiti kuli iswe, havhili vhwe vhukusukumizya. Akuvhulolesya uvhwila uvhwo ku vhwinza vhwakwe vhwe akutulolesya kutuushila kwa Chilisiti uYeesu.

VaEfeso 3:15

Uweene we vhwandilo uvhwa vhulanzi ku vipelwa vwonti ivwa ku mwanya na ku vhantu vhonti avha mu nsi.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

VaEfeso 6:10

Izyamwavho, nkwanza muposheele amaha kufuma ku maha amasisya aga Mwene uYeesu.

Filipi 4:13

Nkuvhwezya kuvhomba zyonti izyo, kwi idala ilya Chilisiti we akumpa amaha.

Filipi 4:19

Woope uMulungu wiitu alivhiizuzya viila vwe musovheliilwe, kulandatana nu vhudumbwe vhwakwe uvhwa kusukumizya kutuushila kwa Chilisiti uYeesu.

Kolosi 1:11

Tukuvhalaavhila kuuti, uMulungu aavhape amaha kulandatana na maha gaakwe ge gali nu vhushindamu, inga muvhwezye kujimbiilila ku zyonti,

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

VaHebuli 11:34

Havhili, mwe pe vhahamwitihaga uMulungu, vhahazimanyaaga umwoto umuhali na vhalugu vhaavho vhahapotwaga kuvhagoga. Vháali vhayeyevhazu, ileelo uMulungu ávhapiiye amaha aga kupoota uvhulugu nu kuvhashimbizya avhasikaali vhe vhahafumaga mu nsi izinji.

1 Peteli 3:4

nkandi kuvhanje mu mooyo giinyu mwe mutakuloleha. Havhili kuvhanje ku vintu ivwa kuyiyemvwa vwe vitakunanjiha, inza uvhutonsu nu vhutehamu. Ivwo vwe vili ni nsavho impiti pilongolela ilya Mulungu.