VaEfeso 3:1 - ULufingwi uLupwa

¹ Kuli izyo, ine ne Paavhuli ne nkunziilwe mu jeela kuzya kuvhomba imbombo iya Chilisiti uYeesu kuli imwe mwe te mwe Vhayuuda, nkuvhalaavhila imwe.

Tesitamenti Umupwa 1965

¹ Zye zizyo ne Pavuli njipezilʼukuva ne mukungwa wa Chilisiti Yesu, nkuvayimbila mwenemwe mwe vakunzi—

VaEfeso 3:1 ပူးပေါင်းရင်းမြစ်များ

uLuuka 21:12

“Izyo zyonti lwe zishiili kufumila, avhantu vhalivhalema imwe nu kuvhayimvwa. Vhalivhatwalaga kulongwa mu masinagoogi, nu kuvhakunga mu jeela. Havhili vhalivhatwalaga ku vhamwene na ku vhantu avhanji vhe vhali na maha kuuti mulongwe, mwe pe imwe mwe vhasundikwa vhaane.

iMbombo izya Vhatumwa 21:33

Pe umupiti uwa vhasikaali ahamupalamila uPaavhuli, ahamulema nu kuvhalajizya kuuti vhamukunje na manyoloolo gavhili. Ahavhuziilizya ahati, “Uno wu naanu? Avhomvile ishooni?”

iMbombo izya Vhatumwa 23:18

Pe umwimiilizi ula ahamutwala kwa mupiti waakwe, ahamuvhuuzya ahati, “UPaavhuli umukungwa aniisite, andaavile kuuti, inkuleetele umujaaha uno, ali ni izwi ilya kukuvhuuzya.”

iMbombo izya Vhatumwa 26:29

UPaavhuli ahamwamula ahati, “Yivhe ku mazwi amansi, poosye ku minji, ntakukulaavhila weneewe weeka vhweleele, nkandi na vhanji vhonti vhe vhakuntejeelezya ileelo ili, kuuti vhavhe inza ine vwe indi, ileelo ishisita kukungwa na manyoloolo iga.”

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

2 VaKolinti 1:6

Poosye inga tukuyimba, tukuyimba kuzya lusuvhaalizyo nu vhuposhi vhwinyu. Havhili, poosye inga tukusuvhalizilwa, kwe kuzya lusuvhaalizyo lwinyu lwe lukuvhavhiiha kujimbiilila mu mayimba ge niiswe tukuyimba.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 11:23

Ishi injanje ngati mpenile! Inga avheene vhavhomvi vha Chilisiti, ine ne muvhomvi uwa Chilisiti kuluusya avheene. Ine mbomvile imbombo ku mute kuluusya avheene, ulwinji nkunziilwe mu jeela, havhili nkomwilwe nkaani, havhili ulwinji mpulumusile kufwa.

VaGalati 5:11

Vhamwitu, vhamo vhakuyanga vhakuti ine indi she nkukumusya kuuti, vhonti vhakwanzilwa kutahiililwa. Inga vwe nkuyanga vhwevhulo, shooni she indi she nkuyimvilwa? Inga vwe nkuyanga vhwevhulo, kukumusya kwane inongwa izya shihovhenkanyo isha Yeesu, nkandi kutakuvhaviisya.

VaGalati 5:2

Tejeelezyi! Ine ne Paavhuli nkuvhavhuuzya izi! Inga mukwitiha kutahiililwa, kuzilandata indajizyo izya Moose, pe uChilisiti atali ni ilonka naalimo kuli imwe.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

VaEfeso 3:11

Ulwo lwe lwáli lukasamo ulwa Mulungu kufuma amanda gonti aga hali. Álulunjisiizye kutuushila imbombo ye uMwene wiitu uChilisiti uYeesu áyivhomvile.

VaEfeso 3:13

Ishi nkulaavha mutahavunzishe amooyo kuzya mayimba ge nkuyimba ku zyinyu. Amayimba igo gakuvhaleetela uvhushindamu shiima shiima.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

VaEfeso 6:20

Ine ne hoome uwa Izwi ilyo, lyope lye lintwaliiye kukungwa mu jeela. Mundavhilaje injendeelele kukumusya inza vwe yikwanzilwa ku vhudandamazu.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

Kolosi 4:18

Nkusimba izi ku nyoovhe yaane neneene. Ine ne Paavhuli nkuvhalamuha. Mukumbushe kuuti nkunziilwe mu jeela. UMulungu avhafwilaje uvhwila imwe mwenti.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

2 Timoti 1:16

Ileelo uMwene uYeesu avhafwilaje uvhwila avhantu avha mu nyumba iya Nesifoolo, mwe pe uNesifoolo ahanavwaga ulwinji mu mayimba gaane amapiti. Havhili atahalolaga insoni kuzya kuuti nkunziilwe na manyoloolo iga.

2 Timoti 1:8

Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

Filemoni 1:1

Ukalaata uno nsimvile neene ne Paavhuli, ne nkunziilwe kuzya kulumbiilila izwi ilya Chilisiti uYeesu. Ine nu wamwitu uTiimoti, tukukusimbila iwe Filimooni, we muvhomvi uwamwitu unkundwa.

Filemoni 1:23

Uwamwitu uEpaafula we mukungwa pooka niine kuzya kulumbiilila izwi ilya Chilisiti uYeesu, akukulamuha.

Filemoni 1:9

Kuyanga kwane kuvhe kwi idala ilya kukulambiilizya ku shikunzi. Ine ne Paavhuli ne mugoosi, ne nkunziilwe mu jeela kuzya Chilisiti uYeesu,

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.