VaEfeso 2:8 - ULufingwi uLupwa

⁸ Kwe ku vhwila vhwakwe uMulungu avhaposile kwi idala ilya kumwitiha uChilisiti. Nalyoli, uvhuposhi uvhwo vhutakufumiilana niimwe, shipeelwa isha vhweleele kufuma kwa Mulungu.

Tesitamenti Umupwa 1965

⁸ Mwe muvwila nyene mwe muhapokwa muzya lwitiho. Nkandi zinizi zitafumile kulʼimwe ndali, avakunjiye we Mulungu.

VaEfeso 2:8 ပူးပေါင်းရင်းမြစ်များ

Matayi 16:17

UYeesu ahamwamula ahati, “Ulosiitwe iwe Siimoni we mwana wa Yoona, mwe pe izi te muntu we akulolesiizye, nkandi wu Taata waane uwa ku mwanya.

Matayi 20:9

Pe avhavhomba mbombo vhe vháyagaasite hamazuuvha, vhahaposheela idinaali yooka yooka.

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

uLuuka 7:50

Pe uYeesu ahamuvhuuzya umwantanda uyo ahati, “Waapokwa, mwe pe waniitiha, sogolaaga, uMulungu akuteteesye.”

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Yohani 6:35

UYeesu ahavhaamula ahati, “Ine ne ne shaakulya she shikuuvhapa avhantu uvhulanzi. Umuntu wonti we akwinza ku kwane nu kuniitiha, inzala ni shinyooto te vihamulume naalumo.

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 6:44

Ataliipo umuntu we anginza ku kwane, inga uTaata waane we ansonteleziizye atamulongooye. Niine ndimuzyusya isiku ilya vhusililishilo.

Yohani 6:65

Pe ahajendeelela kuyanga kuuti, “Ino ye nongwa nkuvhavhuuzya kuuti, ataliipo umuntu we anginza ku kwane inga uTaata waane atamulongooye.”

iMbombo izya Vhatumwa 13:39

Wonti we akumwitiha uweene, akuvhaazilwa kuuti mugolosu, inongwa zye zitangavhombeha kutuushila kuzilandata indajizyo izya Moose.

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

iMbombo izya Vhatumwa 15:11

Vhayaaya, tukwitiha kuuti iswe na vheene tukupokwa ku vhwila uvhwa Mwene wiitu uYeesu Chilisiti.”

iMbombo izya Vhatumwa 16:14

Mu vhe vhahatutejelezyaga, áliipo umwantanda wumo we vhahatinji uLiidiya, áali wa mu nkaaya iya Tiyatiila. Uyo atáali Muyuuda ileelo ahamunyilaga uMulungu. Ahavhombaga imbombo iya kukazya amenda aga muhoola uwa mafwomfwo. UMwene uYeesu ahawiigula umwoyo waakwe, ahagaposheela amazwi ge uPaavhuli ahayangaga.

iMbombo izya Vhatumwa 16:31

Vhahamwamula vhahati, “Umwitishe uMwene uYeesu, niiwe kwe upokwe pooka na vhantu avha mu nyumba yaaho.”

VaLoma 10:14

Ileelo ishi vhangamulaavha vhuli we vhatamwitisile? Havhili vhangamwitiha vhuli we vhativuuye izwi lyakwe? Havhili, vhangiivwa vhuli ishisita kukumusya?

VaLoma 10:17

Pe ishi, avhantu vhakuvha nu lwitiho inga vhiivwa izwi ilya Chilisiti, havhili vhakwivwa inga vhakulumbiililwa.

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

VaLoma 4:5

Ileelo umuntu we atakusuuvhila imbombo zyakwe, nkandi akumwitiha uMulungu we akumuvhaazya kuuti mugolosu, pooka nu kuuti te mugolosu, uyo we uMulungu akumuvhaazya kuuti mugolosu kulandatana nu lwitiho lwakwe.

VaLoma 9:16

Kuli izyo, kusaavhula umuntu, uMulungu akumufwila uvhwila, atakusaavhula kulandatana nu kwanza ukwa muntu, poosye umute uwa muntu.

VaGalati 3:14

Izi zyávhombesile, inga uvhuloote vhwe ápeliilwe uAabulahamu, vhuvhafishile vhe te Vhayuuda, kwi idala ilya Chilisiti uYeesu. Ishi tukuposheela uMupepo uMufinjile, we uMulungu áfinzile kuutupa kwi idala ilya kumwitiha uYeesu Chilisiti.

VaGalati 3:22

Ileelo te vwe zili. UVhusimbe uVhufinjile vhukuti, avhantu vhonti vhakulongolwa na maha aga vhutalamalandu. Avhiitisi vheeka vhweleele vhe vhakuvhombelwa ziila zye uMulungu áfinzile, mwe pe vhakumwitiha uYeesu Chilisiti.

VaEfeso 1:19

Havhili mumanye amaha gaakwe amasisya aga kusukumizya. Amaha igo gakuvhomba imbombo kuli iswe swe tumwitisile uYeesu. Agenego, she shooka na maha gaakwe amapiti

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

VaEfeso 2:5

ahaatupa uvhulanzi pooka nu Chilisiti. Ávhomvile vhwevhulo, lwe twámile swe vhafwe, mwe pe twámile swe vhatalamalandu. Kwe ku vhwila vhwakwe, uMulungu avhaposile.

Filipi 1:29

Imwe mufwililiilwe uvhwila, te kwe kumwitiha uChilisiti vhweleele, nkandi nu kuyimvilwa ku zyakwe.

Kolosi 2:12

Kwi idala ilya kwozelwa, mwáfuuye nu kusyilwa pooka nu Chilisiti. Havhili kwi idala ilyo, mwázyusile pooka nu weene, kutuushila kugiitiha amaha aga Mulungu we ámuzyusiizye.

2 VaTesaloniki 1:9

Isunde lyavho liliivha vhunanjisu uvhwa shiima nu kuvhavhiiha ukutali nu Mwene nu vhushindamu vhwakwe uvhupiti.

VaHebuli 6:4

Ishi avhantu vhe vhalesile kumwitiha uMulungu, tungavhagalusya inza vhuli? Avhantu ivho ku vhwandilo vhásambiliiye uvhwanalyoli uvhwa Mulungu, nu kupeelwa ivipeelwa kufuma ku mwanya, nu kuposheela uMupepo uMufinjile.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.