VaEfeso 2:20 - ULufingwi uLupwa

²⁰ Muli inza amavhwe ge vhazenjeeye inyumba. Vhoope avhatumwa na vhakuvhwi vhali inza ulwalo ulwa nyumba iyo. Havhili uChilisiti uYeesu we ali inza ivhwe ipiti ilya pa shipembe isha nyumba iyo.

Tesitamenti Umupwa 1965

²⁰ She muzenzilwe palwalo lwa vapositili navakuvwi, lwʼuYesu ayipezilʼukuva lye livwe lya kushipembe wuyo.

VaEfeso 2:20 ပူးပေါင်းရင်းမြစ်များ

Matayi 16:18

Ine nkukuvhuuzya kuuti, iwe we we Peeteli. Pi iyalaawe ili, kwe nzenje ishivhanza shaane, na maha aga ku vhuzimu te gahashipoote naalumo.

Matayi 21:42

Pe uYeesu ahavhavhuuzya havhili ahati, “Vhuli, mutahavhaazya uVhusimbe uVhufinjile? Yisimviilwe kuuti, ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba. UMWENE uMulungu we álivhiisile ivhwe ilyo, lyope lya kusukumizya pa minso giitu.’”

1 VaKolinti 12:28

Mu shivhanza, uMulungu ávhavhiisile avhatumwa na vhakuvhwi na vhasambiilizi. Havhili ávhavhiisile vhe vhakuvhomba amafindango na vha shikunjilwa isha kuponia avhavhinu na vha shikunjilwa isha kuvhaavwa avhanji na vha shikunjilwa isha kulongozya na vha shikunjilwa isha kuyanga injango injeni.

VaGalati 2:9

Havhili uYaakobu nu Keefa nu Yoohani vhe vhakuloleha kuuti vhalongozi avhapiti, vhámanyile kuuti uMulungu ku vhwila vhwakwe, ámpiiye imbombo ino. Pe vhahatulema inyoovhe nu Balinaaba, kuvha shilolesyo isha vhuliilani. Twítinkiine kuuti iswe tukwanzilwa kuvhomba imbombo ku vhe te Vhayuuda, avheene ku Vhayuuda.

VaEfeso 3:5

Amanda gonti aga hali, uMulungu atávhamanyisiizye avhantu uvhuzigizigi uvhwo. Ileelo pisinda ahavhamanyisya avhafinjile vhaakwe avhatumwa na vhakuvhwi, kwi idala ilya Mupepo waakwe.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

1 Peteli 2:6

Izyo zili inza vwe yisimviilwe mu Vhusimbe uVhufinjile kuuti, “Yeenya, mu nkaaya iya Sayuuni mbiisile ivhwe ipiti ilya pa shipembe isha nyumba, ivhwe lye ndisavhuuye lya nsavho nkaani. Umuntu wonti we akumwitiha we livhwe ilyo, te ahasuupile naalumo!”

Ishitushizya 21:14

Ulupitu ulwa nkaaya iyo lwázengwilwe mu mavhwe 12 aga lwalo. Mu mavhwe igo lyásimviilwe lyoka mu gaala amazina 12 aga vhatumwa avha Hagonzi aha MWENE uMulungu.