VaEfeso 2:2 - ULufingwi uLupwa

² Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

Tesitamenti Umupwa 1965

² mwe muhalandata mulujendo lwinyu amiho ga nsi yinino naga songo wavo umuhatamaha ga mumwanya, we mpepo yʼikuvombʼimbombo yakwe muvana va lusufanyo,

VaEfeso 2:2 ပူးပေါင်းရင်းမြစ်များ

Matayi 11:19

Niine ne Mwana wa Aadamu ninzile, nkulya nu kumwela, avheene vhakuti, ‘Uno mupafu havhili wu shimwela. Havhili mumanyani uwa vhasonchezya musonko na vhatalamalandu avhanji!’ Ileelo uvhushindamu uvhwa njeele vhukuloleha kuuti vhwa nalyoli ku vhugolosu uvhwa mbombo zyakwe.”

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 13:38

Umugunda ula, insi, imbeyu inyinza, vhaana vha vhumwene uvhwa Mulungu, ni ndezye, vhaana vha Muvhiivhi ula.

Maliko 4:19

Ileelo imbombo izya mu nsi, nu luhopenkanyo ulwa vwuma nu lupapilo ulwa vintu ivwinji, vikulibuda izwi, lyope litakupaapa.

uLuuka 16:8

“Pe udumbwe ula ahamutiima umwimiilizi we te mutungamu uyo, vwe ávhomvile ku njeele. Navhavhuuzya ishiholanyo ishi, mwe pe avhantu avha mu nsi umu, vhakuvhomba imbombo zyavho na vhamwavho ku njeele kuluusya vhe vhamwitisile uMulungu.

uLuuka 22:31

UYeesu ahati, “Siimoni, Siimoni! Umanye ahinza kuuti uSeetano amulaavile uMulungu nu kwitishilwa kuvhalinga imwe, inza uhavuna uwa ngana vwe akupementa ingana yaakwe.

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 13:2

UYeesu na vhasundikwa vhaakwe vhahatendama kulya ishaakulya isha hamazuuvha. Ahavhaliilizyo iho uMukwalanzi ápezile ayinjila mu mwoyo uwa Yuuda umwana wa Siimoni uwa ku Kaalyoti, inga amwaniile uYeesu.

Yohani 13:27

Lwe uYuuda aposheela ikaati, naluvhiilo uSeetano ahamwinjila. Pe uYeesu ahamuvhuuzya uYuuda ahati, “Zye ukwanza kuvhomba zivhombe naluvhiilo!”

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 15:19

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.

Yohani 16:11

Alivhalolesyaga kuuti uMulungu alivhalonga, mwe pe amulonzile uSeetano we mupiti wa vhatalamalandu mu nsi.

Yohani 7:7

Nkuyanga vhwevhulo, mwe pe avhantu avha mu nsi umu vhatangavhaviitilwa imwe, nkandi vhakumviitilwa ine, mwe pe nkuvhavhuuzya kuuti, zye vhakuvhomba mbiivhi.

Yohani 8:23

UYeesu ahajendeelela kuvhavhuuzya kuuti, “Imwe mwe vha mu nsi umu, ileelo ine ne wa ku mwanya. Imwe mwe vha mu nsi ino, ileelo ine te ne wa mu nsi ino.

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

iMbombo izya Vhatumwa 19:35

Pisinda, umusimvi umupiti uwa nkaaya iyo, ahavhapumiilizya avhantu vhaala, ahati, “Mwe vhanaavuli vha mu Hefeeso, wu naanu we atamanyile kuuti inkaaya ino iya Hefeeso ye yikusunga inyumba iya Aliteemi, umulungu umupiti? Poosye wu naanu we atamanyile kuuti yikusunga ishiholanyo shaakwe she sháguuye kufuma kumwanya?

iMbombo izya Vhatumwa 5:3

Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

1 VaKolinti 5:10

Ntakuti muleshe kuvha nu vhuliilani na vhe te vhiitisi avhalugusu na vha lupapamilo na vhapumula vintu, poosye na vhe vhakupuuta iviholanyo, mwe pe kuvhomba vhwevhulo, mukwanzilwa kwepa mu nsi umu.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

VaGalati 1:4

UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

VaEfeso 1:21

Ishi uChilisiti ali na maha amasisya kuluusya ivipelwa vwonti vwe vili nu vhupiti, poosye amaha, poosye uvhumwene, poosye vwe vikukonzya. Te kuuti ali na maha amasisya ku havhaliilizyo hanaaha vhweleele, ali na maha amasisya poosye na ku havhaliilizyo he hakwinza.

VaEfeso 2:11

Pe ishi, imwe mwe mutapafwilwe mu shifumo isha Vhayuuda, aVhayuuda vhahavhasufwaga imwe kuvhiita kuuti mutatahiliilwe. Ileelo kutahiili ukwo mbombo ye yikuvhombwa na vhantu vhweleele. Imwe mukumbushe vwe mwámile hali,

VaEfeso 2:13

Mwámile ukutali nu Mulungu, ileelo ishi avhaleesite papiipi kutuushila uvhufwe uvhwa Chilisiti uYeesu pa shihovhenkanyo, mwe pe musopenkiine nawo.

VaEfeso 2:3

Nalyoli niiswe swenti tuhalandilaga inza avheene. Tuhavhulandataga uvhuntu vhwitu uvhwa vhutalamalandu, kwe kuuti tuhazivhombaga zyonti zye uvhuntu vhwitu uvhwa vhutalamalandu vhuhasiivhaga nu kwanza. Mwe pe twápafwilwe nu vhuntu uvhwa vhutalamalandu inza avhanji, iswe swenti tuhasogolaga kwi isunde ipiti ilya Mulungu kuzya vhutalamalandu vhwitu.

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

VaEfeso 4:22

Mwásambiliiye kuleha ulujendo lwinyu uluvhiivhi nu kuzuula amooyo giinyu aga vhutalamalandu vhwe mwáli navhwo. Impapilo zyinyu zye zikuvhahopenkanya zikuvhananganya amooyo giinyu.

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

VaEfeso 5:8

Hali imwe mwámile mu shiisi, ileelo kufuma pe mwásopenkiine nu Mwene uYeesu, muhavha mu vhuzelu. Pe ishi, mulandilaje inza avhantu vhe vhali mu vhuzelu.

VaEfeso 6:12

Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

Kolosi 1:21

Hali, niimwe mwámile ukutali nu Mulungu, mwámile mwe vhalugu vhaakwe ku nsiivho ni mbombo zyinyu imbiivhi.

2 Timoti 4:10

UDeema andesile, mwe pe akuzisungwa izya mu nsi, asogooye mu nkaaya iya Tesaloniiki. UKileesike asogooye mu shigavho isha nsi isha Galaatiya nu Tiiti asogooye mu shigavho isha nsi isha Dalimatiya.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

Yakobu 1:7

Umuntu uyo atasiivhaje kuposheela ishintu naashimo kufuma kwa Mwene uYeesu,

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

1 Peteli 1:14

Muvhanje inza avhaana vhe vhali nu mushinzi. Mutalongolwaje ni mpapilo zyinyu zye mwáli nazyo lwe mushiili kumumanya uMulungu,

1 Peteli 4:3

Nkuyanga vhwevhulo, mwe pe hali ahavhaliilizyo honti mu vhulanzi vhwinyu muhavhombaga zye avhantu vhe vhatamwitisile uMulungu vhakusungwa kuvhomba. Ahavhaliilizyo iho muhavhombaga uvhumalaaya nu kulandata impapilo imbiivhi nu vhwashimwela nu vhupafu nu kuvha ni vikulukuulu ivwa kumwela nu kupuuta iviholanyo.

2 Peteli 2:14

Ahavhaliilizyo honti vhakusiivha kuvhomba uvhuvhembu, vhatakuleha kuvhomba uvhutalamalandu. Vhakuvhahopenkanya avhantu vhe vhayeyevhazu mu lwitiho. Amooyo gaavho gavheleleeye kupapila ivwuma. Avhantu ivho vhatifiilwe.

1 Yohani 3:10

Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

1 Yohani 4:4

Ileelo imwe vhaana vhaane, mwe vhantu vha Mulungu, muvhapoosite avhakuvhwi ivho avha ilenga, mwe pe uMupepo uwa Mulungu ali muhati yiinyu. Uweene ali na maha kuluusya impepo ye yikuvhalongola avhantu avha mu nsi umu.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

1 Yohani 5:4

Nkuti te ngomu, mwe pe wonti we mwana wa Mulungu, akuzipoota imbiivhi izya mu nsi. Ishintu she shikutwavwa kuzipoota imbiivhi izya mu nsi, lwitiho lwitu kwa Yeesu Chilisiti.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 16:17

Pe uhavhizya uwa 7 ahiitila vwe vwáli mu luvhiga lwakwe mu mwanya. Izwi ipiti lihivwiha kufuma ku shitengo isha vhumwene, mu Nyumba iMfinjile, lihati, “Uvhusililishilo vhwafiha!”

Ishitushizya 20:2

Ahalilema iyoha ilyo, injoha iya hali, ye wu Mukwalanzi, poosye wu Seetano, ahalikunga ku havhaliilizyo aha maaha 1,000.