VaEfeso 2:18 - ULufingwi uLupwa

¹⁸ Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

Tesitamenti Umupwa 1965

¹⁸ She muli wuyo twigulilwe ishilyango shoka shene swenti swe vavili muMupepo woka mwene isha kumupalamila uTata.

VaEfeso 2:18 ပူးပေါင်းရင်းမြစ်များ

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Yohani 10:7

Pe uYeesu ahayanga havhili ahati, “Nalyoli nkuvhavhuuzya kuuti, ine indi inza umulyango uwo, we ingʼonzi zikwinjiilila mwi ivhiji.

Yohani 10:9

Ine indi inza umulyango uwo. Umuntu wonti we akwinjila mwi ivhiji kutuushila ku kwane akupokwa, havhili akuvha musatushe kwinjila nu kufuma, kusogola kwi isole ilyinza.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

1 VaKolinti 12:13

Niiswe swenti, tuvhe twe Vhayuuda, poosye te twe Vhayuuda, tuvhe twe vhazya, poosye twe vhasatushe, twózeliilwe nu kumuposheela uMupepo wooka, inga tuvhe umuvhili wooka.

1 VaKolinti 8:6

ileelo kuli iswe, aliipo uMulungu wooka vhweleele, we wu Taata, we ahapela ivintu vwonti. Iswe tukulandila ku lukasamo lwakwe. Havhili aliipo uMwene wooka vhweleele, we wu Yeesu Chilisiti, kufumiilana nu weene ivintu vwonti vihapelwa, havhili niiswe tuli nu vhulanzi.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaEfeso 3:12

Kwi idala ilya kusopenkana nu Chilisiti uYeesu nu kumwitiha uweene, tuli nu vhudandamazu uvhwa kupalamila pilongolela ilya Mulungu ishisita ilyoga.

VaEfeso 3:14

Pe inga nasivhiilila ulukasamo ulwa Taata ulwo, nkusugamila pilongolela lyakwe nu kuvhalaavhila imwe.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

VaHebuli 7:19

Mwe pe ululajizyo ulwo lutáshivhiisile ishintu naashimo kuvha shilunjisu, tupeliilwe ulusuuvhilo ulwamwavho lwe lwinza nkaani, lwe lukutuvhiiha kuvha papiipi nu Mulungu.

Yakobu 3:9

Ku lumili tukumutiima uTaata, uMWENE wiitu. Havhili ku lumili tukuvhatipa avhantu, vhe uMulungu ahavhapela ku shiholanyo shaakwe.

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

uYuuda 1:20

Ileelo imwe vhankundwa, muyizenje mu lwitiho lwinyu ulufinjile nkaani nu kulaavha ku maha aga Mupepo uMufinjile.