VaEfeso 2:12 - ULufingwi uLupwa

¹² ahavhaliilizyo iho mutámumanyile uChilisiti. Mwámile inza avhajeni, kwe kuuti mutáamile pooka na Vhaisilayeeli, vhe vhantu vha Mulungu. Avheene uMulungu ávhafwiliiye uvhwila kulandatana na zye áfinzile, ileelo imwe mutáliipo. Havhili muhatendamaga mu nsi ishisita ulusuuvhilo, poosye kumumanya uMulungu.

Tesitamenti Umupwa 1965

¹² She pe mutali nawʼuChilisiti. Mwali mwe vantu vwelele kuluho lwa vana-Yisilayili. Mwali kunzi kumfingwi zyʼafingine navo uMulungu zyʼatili ziliyinza. Mutali nazyo nazimo izya kusuvila, wope nawe Mulungu mutali nawo munsʼumu.

VaEfeso 2:12 ပူးပေါင်းရင်းမြစ်များ

uLuuka 1:72

Átili, alivhafwila uvhwila avhataata vhiitu, nu kulunjisya ulufingwi lwake ulufinjile.

Yohani 10:16

Ine indi ni ngʼonzi izyamwavho zye naazimo mwi ivhiji ili, zyope nkwanzilwa inzileete umu. Ingʼonzi izyo, zyope kwe zilimanye izwi lyane. Kwi idala ilyo, kwe yivhe impuga yooka nu mudiimi wooka.

Yohani 15:5

“Ine indi inza ikwi ilya impensya, imwe mwe nsamba. Umuntu wonti we akuvha muhati yaane, niine nkuvha muhati yaakwe, uyo we akuhoma amantonongwa aminji, mwe pe ishisita ine mutangavhomba naashimo.

Yohani 4:22

Imwe mwe Vhasamaliya mukumupuuta uMulungu we mutamumanyile, ileelo iswe twe Vhayuuda tukumupuuta uMulungu we tumumanyile, mwe pe alivhapoha avhantu kutuushila ku Vhayuuda.

iMbombo izya Vhatumwa 2:39

Ulufingwi ulwo uMulungu áfinzile kuli imwe na ku vhaana vhiinyu na ku vhantu avha kutali, kwe kuuti ku vhaala vhonti vhe uMWENE uMulungu alivhiita.”

iMbombo izya Vhatumwa 28:20

Pe ishi, naavhalambiliziizye kuuti mwinze tulolane nu kuyanga niimwe. Nkunziilwe na manyoloolo iga, kuzya lusuuvhilo luula lwe aVhaisilayeeli vhonti vhakulusuuvhila.”

iMbombo izya Vhatumwa 3:25

Izyo zye uMulungu áyanzile kutuushila ku vhakuvhwi ivho, imwe mwe mukuziposheela. Havhili zye uMulungu áfinzile na vhataata vhiinyu, imwe mwe mukuziposheela. UMulungu áfinzile nu taata wiitu uAabulahamu kuuti, ‘Avhantu avha mu nkolo zyonti mu nsi yonti vhalilootwa kutuushila mu vhazukulu vhaaho.’

VaLoma 9:8

Amazwi igo kwe kuuti, avhaana vhe vhápafwilwe kulandatana na vwe uAabulahamu ahanzaga, vhatakuvhaazilwa kuuti vhaana vha Mulungu, nkandi avhaana vha Aabulahamu vhe vhápafwilwe kulandatana nu lufingwi ulwa Mulungu vhe vhakuvhaazilwa kuuti vhaana vha Mulungu.

VaGalati 4:8

Hali, lwe mutámumanyile uMulungu, mwámile mwe vhazya avha vintu vwe te wu Mulungu.

VaEfeso 2:19

Pe ishi, imwe mwe vhantu mwe te mwe Vhayuuda, te mwe vhajeni havhili. Mwe vhaana vha Mulungu, havhili mwe vhahaaya pooka na vhafinjile vhaakwe.

VaEfeso 4:18

Havhili vha mu shiisi, vhatamanyile uvhwanalyoli uvhwa Mulungu. Avhantu ivho vhali ukutali nu vhulanzi vhwe uMulungu akuuvhapa avhantu vhaakwe, mwe pe vhatamanyile amadala gaakwe, kufumiilana nu vhugomu uvhwa mooyo gaavho.

Kolosi 1:21

Hali, niimwe mwámile ukutali nu Mulungu, mwámile mwe vhalugu vhaakwe ku nsiivho ni mbombo zyinyu imbiivhi.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

1 VaTesaloniki 4:13

Mwe vhamwitu, tukwanza mumanye zye zilifumila ku vhe vhámwitisile uMulungu vhe vhafuuye, inga muleshe kuvha nu vhuswimiilizu inza avhantu avhanji vhe vhatali nu lusuuvhilo.

1 VaTesaloniki 4:5

Mutahiime ni mpapilo imbiivhi inza avhantu avha kunzi vhe vhatamumanyile uMulungu.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

1 Timoti 1:1

Ukalaata uno nsimvile neene ne Paavhuli. Ine ne mutumwa uwa Chilisiti uYeesu, kufumiilana ni ndajizyo izya Mulungu uMuposhi wiitu, nu Chilisiti uYeesu we lusuuvhilo lwitu.

VaHebuli 11:34

Havhili, mwe pe vhahamwitihaga uMulungu, vhahazimanyaaga umwoto umuhali na vhalugu vhaavho vhahapotwaga kuvhagoga. Vháali vhayeyevhazu, ileelo uMulungu ávhapiiye amaha aga kupoota uvhulugu nu kuvhashimbizya avhasikaali vhe vhahafumaga mu nsi izinji.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

VaHebuli 8:6

Ileelo uChilisiti apeliilwe imbombo iya vhupuuti ye nyinza nkaani kuluusya iya vhapuuti aVhayuuda. Uweene we akuvhakundanya avhantu nu Mulungu ku lufingwi lwe lwinza kuluusya luula lwe avheene vhahaluvhombelaga. Havhili ulufingwi ulwo luzengwilwe pa lwalo ulwinza nkaani kuluusya ulufingwi luula ulwa hali.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.