VaEfeso 2:11 - ULufingwi uLupwa

¹¹ Pe ishi, imwe mwe mutapafwilwe mu shifumo isha Vhayuuda, aVhayuuda vhahavhasufwaga imwe kuvhiita kuuti mutatahiliilwe. Ileelo kutahiili ukwo mbombo ye yikuvhombwa na vhantu vhweleele. Imwe mukumbushe vwe mwámile hali,

Tesitamenti Umupwa 1965

¹¹ Mwe mumwo lelo mukumbuhaje ukuti lwe mwali mwe vakunzi pashibazuho, pʼavene ava vuvolwa vwa mumuvili vwe vakuvola ninyove, ve vahavatahagʼimwe ukuva mwe vasitavuvolwa.

VaEfeso 2:11 ပူးပေါင်းရင်းမြစ်များ

Matayi 20:7

Avheene vhahamwamula vhahati, ‘Mwe pe nuumo we atulambiiye kuvhomba imbombo.’ Pe ahati, ‘Niimwe musogole kuvhomba imbombo mu mugunda waane uwa mampensya.’

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

VaLoma 2:26

Pe ishi, umuntu we atatahiliilwe inga akulandata vwe indajizyo zikuyanga, uMulungu akumwitiha inza umuntu we atahiliilwe.

VaLoma 2:27

Havhili umuntu we atatahiliilwe, inga akulandata vwe indajizyo zikuyanga, imbombo zyakwe inyinza zililolesya kuuti iwe we Muyuuda we mutalamalandu. Yiliivha isho, mwe pe iwe we Muyuuda utahiliilwe, havhili uli ni ndajizyo zye zisimviilwe, ileelo ukuzishilanya.

1 VaKolinti 12:2

Mumanyile kuuti lwe mwáli te mwe vhiitisi, mwáhopeliilwe nu kulongolwa kupuuta iviholanyo vwe vitakuyanga.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

VaGalati 2:15

Nalyoli iswe twe Vhayuuda avha kupaapwa, havhili tutakuyilola kuuti twe vhatalamalandu inza vwe tukuvhalola avhantu vhe te Vhayuuda kuuti vhatalamalandu.

VaGalati 6:12

Vhe vhakuvhavijiilizya imwe kutahiililwa, vhakuvhomba vhwevhulo, mwe pe vhakwanza kushindikwa na Vhayuuda, ku ziila zye zikuvhombwa mu muvhili. Vhakuvhomba vhwevhulo, inga gatahavhaaje amayimba ge gakufumiilana nu kulumbiilila uvhwanalyoli uvhwa shihovhenkanyo isha Chilisiti.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 5:8

Hali imwe mwámile mu shiisi, ileelo kufuma pe mwásopenkiine nu Mwene uYeesu, muhavha mu vhuzelu. Pe ishi, mulandilaje inza avhantu vhe vhali mu vhuzelu.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Kolosi 1:21

Hali, niimwe mwámile ukutali nu Mulungu, mwámile mwe vhalugu vhaakwe ku nsiivho ni mbombo zyinyu imbiivhi.

Kolosi 2:11

Lwe mwasopenkana nu Chilisiti, mwátahiliilwe. Mutátahiliilwe na vhantu, nkandi nu Chilisiti wuuyo, kwe kuuti ávhefwizye uvhuntu vhwinyu uvhwa vhutalamalandu.

Kolosi 2:13

Hali imwe mwámile mwe vhafwe, mwe pe muhashilanyaaga indajizyo izya Mulungu, havhili amavhili giinyu aga vhutalamalandu gáshiili kutahiililwa. Ileelo uMulungu ahaavhapa uvhulanzi pooka nu Chilisiti, lwe atuswila uvhutalamalandu vhwitu vhwonti.

Kolosi 3:11

Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.