VaEfeso 2:10 - ULufingwi uLupwa

¹⁰ Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

Tesitamenti Umupwa 1965

¹⁰ She swe ṿipelelwa ṿwakwe wuyo, tupezilwe mwa Chilisiti Yesu ukuti tuvombajʼimbombʼinyinza, zyʼuMulungu atuyananizizye nzila lulwo ukuti tujendele mumwo iswe.

VaEfeso 2:10 ပူးပေါင်းရင်းမြစ်များ

Matayi 5:16

Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

Yohani 3:21

Ileelo avhantu vhonti vhe vhakuvhomba izya nalyoli vhakusogola ku vhuzelu uvhwo, inga imbombo zyavho ziloleshe apazelu kuuti zikuvhombwa inza vwe uMulungu akwanza.”

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

iMbombo izya Vhatumwa 9:36

Mu nkaaya iyamwavho ye vhahatinji iYaafa áliipo umwantanda wumo, umulandati uwa Yeesu, izina lyakwe vhahatinji uTaabita. (Mu njango iya Shiyunaani, wu Dolikaasi.) UDolikaasi ahavhavwaga avhapiina nu kuvhomba imbombo izinji inyinza.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

1 VaKolinti 3:9

Yeenya, imbombo ye tukuvhomba ine nu Apoolo, ya Mulungu. Imwe muli ngati mwe mugunda uwa Mulungu, havhili muli ngati mwe nyumba yaakwe.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

2 VaKolinti 5:5

UMulungu we atusenganiziinye izyo, havhili atupiiye uMupepo waakwe, inga tumanye kuuti nalyoli vwe ziliivha.

2 VaKolinti 9:8

Pe uMulungu kwe avhalootaje mu nyinji, inga ahavhaliilizyo honti muvhanje ni vintu vwonti vwe mukwanza, inga muvhanje mwe vhantu avha kuvhomba inyinza inyinji izya kuvhaavwa avhanji.

VaGalati 6:15

Kutahiililwa, poosye kuvha ishisita kutahiililwa, vwonti vitali nu vhumwamu naavhumo, she shili nu vhumwamu, kwe kupelwa vhupwa nu Mulungu.

VaEfeso 1:1

Ukalaata uno nsimvile neene ne Paavhuli ne mutumwa uwa Chilisiti uYeesu. Násavhuliilwe kuvha ne mutumwa ku lukasamo ulwa Mulungu. Nkuvhasimbila imwe mwe mukutendama mu nkaaya iya Hefeeso, mwe vhafinjile avhatungamu avha Chilisiti uYeesu.

VaEfeso 1:4

Lwe uMulungu ashiili kupela insi, átusavhuuye kuuti tuvhe swe vhantu vhaakwe kwi idala ilya kusopenkana kwitu nu Chilisiti. Ávhomvile vhwevhulo, inga tuvhe swe vhafinjile ishisita ulukwinkwino pilongolela lyakwe. Mwe pe átukunzite,

VaEfeso 2:13

Mwámile ukutali nu Mulungu, ileelo ishi avhaleesite papiipi kutuushila uvhufwe uvhwa Chilisiti uYeesu pa shihovhenkanyo, mwe pe musopenkiine nawo.

VaEfeso 2:15

Indajizyo izya Vhayuuda zili ni nkomeelezyo inyinji, ileelo uChilisiti ázyefwizye. Ávhomvile isho, inga swe Vhayuuda niimwe mwe te mwe Vhayuuda tuvhe impuga yooka, kwi idala ilya kusopenkana nu weene. Isho vwe ávhomvile kutuvhiiha kuvha nu lwivwano.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 2:6

Átuzyusiizye pooka nu Chilisiti, inga tuhakonzye pooka nawo ku mwanya. Ávhomvile ili kwi idala ilya kusopenkana nu Chilisiti uYeesu.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

VaEfeso 4:24

Muzwale amooyo amapwa, ge gápeziilwe ku shiholanyo isha Mulungu. Gaholiine nawo mu vhugolosu na mu vhufinjile uvhwa nalyoli.

Filipi 1:6

Ishi nkuhomeshezya kuuti, nalyoli uMulungu we ahataliha imbombo inyinza iya vhuposhi mu mooyo giinyu, kwe ajendeelele kuyimala kufishila isiku lye uYeesu Chilisiti aligaluha.

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 3:10

Muzwaye amooyo amapwa ge uMulungu akujendeelela kugapela kuvha mapwa, inga mwonjele kumumanya, mwe pe avhapezile kuuti muholane nawo.

2 VaTesaloniki 2:17

avhasuvhaalizye amooyo nu kuvhagomwa, inga muvhombaje nu kuyanga zye nyinza.

1 Timoti 2:10

Ileelo kuyiyemvwa kwavho kuvhanje ku lujendo ulwinza, inza vwe yikwanzilwa ku vhantanda vhe vhakupemula kuuti vhakumunyila uMulungu.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

1 Timoti 5:25

Vhwevhulo, imbombo inyinza zikuloleha apazelu, zyope zye zizyihiime ziliivha apazelu.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.

2 Timoti 3:17

Kuli izyo, umuntu uwa Mulungu akuvha mulunjisu, havhili akuvha ayisengiinye kuvhomba imbombo inyinza zyonti.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

uTiiti 3:1

Uvhakumbusyaje avhantu kuuti vhayisyaje ku vha maha na vhapiti avha nsi nu kuvhashindiha. Vhavhanje vhayisengiinye kuvhomba imbombo zyonti inyinza.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 10:24

Havhili tukwanzilwa tusajilanaje nu kugomanya amooyo nu kukundana nu kuvhombelana inyinza.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 2:6

Umuntu we akuti ali nu vhuliilani nu Mulungu, akwanzilwa kuuti alandilaje inza vwe uYeesu ahalandilaga.