VaEfeso 1:7 - ULufingwi uLupwa

⁷ Kutuushila uMwana waakwe uyo kufwa pa shihovhenkanyo, tutavhuliilwe, kwe kuuti tuswiliilwe uvhutalamalandu vhwitu. Izi zivhombesile kulandatana nu vhupiti uvhwa vhwila vhwakwe

Tesitamenti Umupwa 1965

⁷ Muli wuyo tuli nuvuhombozi vwe gatuhomboyʼamavanda gakwe, nuvuswila vwa nchilanyo zyitu, ukulandata muvwila vwakwe vwe vutangaye,

VaEfeso 1:7 ပူးပေါင်းရင်းမြစ်များ

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Matayi 26:28

Iga mavhanda gaane aga lufingwi ge gakwitiha kuzya vhantu avhinji, inga uMulungu avhaswile uvhutalamalandu vhwavho.

Matayi 6:12

Utuswile uvhutalamalandu vhwitu, inza vwe niiswe tuvhaswiliiye vhe vhakutuvhombela uvhutalamalandu.

Maliko 14:24

Ahati, “Iga mavhanda gaane aga lufingwi ge gakwitiha kuzya vhantu avhinji.

uLuuka 1:77

Kwe uvhamanyisyaje avhantu vhaakwe kuuti, vhakupokwa kwi idala ilya kuswilwa uvhutalamalandu vhwavho,

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

Yohani 20:23

Inga mukuvhaswila avhantu uvhutalamalandu vhwavho, woope uMulungu alivhaswila. Inga mutakuvhaswila, woope uMulungu te ahavhaswile.”

iMbombo izya Vhatumwa 10:43

UYeesu uyo we avhakuvhwi vhonti vháyanzile kuuti, wonti we alimwitiha, aliswilwa uvhutalamalandu vhwakwe kwi izina lyakwe.”

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

VaLoma 2:4

UMulungu mwinza, mwe pe akukufwila uvhwila nkaani, atakupiiye isunde inga lwoka, ileelo akukujimbiilila, inga utonte uvhutalamalandu vhwaho. Ishi shooni she ukumusuufwa?

VaLoma 3:24

Ileelo uMulungu ku vhwila vhwakwe, atuvhaziizye kuuti twe vhagolosu pa vhweleele kwi idala ilya vhutavhuzi vhwe vhuli mwa Chilisiti uYeesu.

VaLoma 3:25

UMulungu ámufumwizye uYeesu kuvha mpuutile iya kuvhakundanya avhantu nu weene, kwi idala ilya kwita amavhanda gaakwe, avhantu vhe vhakwitiha kuuti áfuuye kuzya vhutalamalandu vhwavho vhaswilwe. UMulungu ávhomvile vhwevhulo kulolesya kuuti uweene mugolosu. Yeenya, uweene ájimbiliiye, atávhapiiye isunde ku vhutalamalandu vhwavho vhwe vhátazile ahavhaliilizyo aha mwisinda.

VaLoma 9:23

Havhili, mwe pe uMulungu ahanzaga kutulolesya kutangala ukwa vhushindamu vhwakwe uvhupiti,

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

VaEfeso 1:14

UMulungu átupiiye uMupepo waakwe avhe shintu isha kuyipinjiha, kutuhomeshezya kuposheela uvhupwano vhwakwe, kufishila pe alitutavhula iswe swe vhantu vhaakwe. Avhomvile vhwevhulo, inga atimwaje ku vhushindamu vhwakwe!

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 1:6

inga swenti tumutiime uMulungu ku vhwila vhwakwe uvhwa kusukumizya. Uvhwila uvhwo átufwiliiye kutuushila kwa Mwana waakwe unkundwa.

VaEfeso 1:8

vhwe átufwiliiye nkaani. UMulungu átupiiye uvhwila uvhwo ku vhushindamu uvhwa njeele vhwonti na ku vhumanyi.

VaEfeso 2:4

Ileelo uMulungu ali nu vhwila nkaani ni shikunzi shaakwe shipiti,

VaEfeso 2:7

UMulungu ávhomvile inongwa zyonti izyo, inga ahavhaliilizyo he hakwinza alolesye kwonti uvhwila vhwakwe uvhupiti kuli iswe, havhili vhwe vhukusukumizya. Akuvhulolesya uvhwila uvhwo ku vhwinza vhwakwe vhwe akutulolesya kutuushila kwa Chilisiti uYeesu.

VaEfeso 3:16

Nkulaavha kuuti, kutuushila kwa Mupepo waakwe, aavhape amaha mu mooyo kulandatana nu vhushindamu vhwakwe uvhwa kusukumizya.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

Filipi 4:19

Woope uMulungu wiitu alivhiizuzya viila vwe musovheliilwe, kulandatana nu vhudumbwe vhwakwe uvhwa kusukumizya kutuushila kwa Chilisiti uYeesu.

Kolosi 1:14

Kutuushila uMwana waakwe, uyo tutavhuliilwe, kwe kuuti tuswiliilwe uvhutalamalandu vhwitu.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 2:13

Hali imwe mwámile mwe vhafwe, mwe pe muhashilanyaaga indajizyo izya Mulungu, havhili amavhili giinyu aga vhutalamalandu gáshiili kutahiililwa. Ileelo uMulungu ahaavhapa uvhulanzi pooka nu Chilisiti, lwe atuswila uvhutalamalandu vhwitu vhwonti.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

1 Timoti 2:6

Uweene áyifumwizye kuuti afwe kuvhatavhula avhantu vhonti. Uvhwo vhwe vhwahoome vhwe uMulungu ahomesheziizye ku havhaliilizyo he hahondeeye.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 3:6

UMulungu átwitiliziizye uMupepo uMufinjile ku vhwinji kutuushila kwa Yeesu Chilisiti, uMuposhi wiitu.

VaHebuli 9:22

Kulandatana ni ndajizyo izya Moose, amavhanda ge gakuvizelufwa ivintu vwonti. Havhili ishisita amavhanda, uMulungu atakuswila avhantu uvhutalamalandu vhwavho.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Yohani 2:12

Nkuvhasimbila imwe mwe vhaana, mwe pe muswililiilwe uvhutalamalandu vhwinyu kutuushila kwa Yeesu Chilisiti.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

Ishitushizya 14:4

Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.