VaEfeso 1:6 - ULufingwi uLupwa

⁶ inga swenti tumutiime uMulungu ku vhwila vhwakwe uvhwa kusukumizya. Uvhwila uvhwo átufwiliiye kutuushila kwa Mwana waakwe unkundwa.

Tesitamenti Umupwa 1965

⁶ ukuti uvumwamu vwa vwila vwakwe vuvanje nulutimo vwʼatupiye muvwila mwe mwa nkundwa wakwe.

VaEfeso 1:6 ပူးပေါင်းရင်းမြစ်များ

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 20:9

Pe avhavhomba mbombo vhe vháyagaasite hamazuuvha, vhahaposheela idinaali yooka yooka.

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

Yohani 10:17

“UTaata ankunzite, mwe pe nkuvhufumwa uvhulanzi vhwane, inga mbwaje havhili.

Yohani 3:35

UTaata uMulungu amukunzite uMwana waakwe, havhili amupiiye amaha aga kukonzya ivintu vwonti.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

2 VaKolinti 4:15

Ishi amayimba gonti iga gakutwaga ku zyinyu, inga uMulungu avhafwile uvhwila nkaani avhantu avhinji, inga vhamusalifwaje nkaani uMulungu. Kulandatana niizyo, uMulungu akujendeelela kushindikwa.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaEfeso 1:12

Ávhomvile vhwevhulo, inga ku zyitu iswe swe vhatanzi kumusuuvhila uChilisiti, uMulungu ashindikwaje ku vhushindamu vhwakwe.

VaEfeso 1:14

UMulungu átupiiye uMupepo waakwe avhe shintu isha kuyipinjiha, kutuhomeshezya kuposheela uvhupwano vhwakwe, kufishila pe alitutavhula iswe swe vhantu vhaakwe. Avhomvile vhwevhulo, inga atimwaje ku vhushindamu vhwakwe!

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:7

UMulungu ávhomvile inongwa zyonti izyo, inga ahavhaliilizyo he hakwinza alolesye kwonti uvhwila vhwakwe uvhupiti kuli iswe, havhili vhwe vhukusukumizya. Akuvhulolesya uvhwila uvhwo ku vhwinza vhwakwe vhwe akutulolesya kutuushila kwa Chilisiti uYeesu.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

Filipi 4:19

Woope uMulungu wiitu alivhiizuzya viila vwe musovheliilwe, kulandatana nu vhudumbwe vhwakwe uvhwa kusukumizya kutuushila kwa Chilisiti uYeesu.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.