VaEfeso 1:5 - ULufingwi uLupwa

⁵ uMulungu álongoleeye kwamula kutuvhiiha kuvha swe vhaana vhaakwe kutuushila kwa Yeesu Chilisiti. Ávhomvile vhwevhulo, kulandatana nu lukasamo lwakwe na vwe yámuhondeziizye,

Tesitamenti Umupwa 1965

⁵ Uwene mushikunzi ahatusavula nzila ukuti mwa Yesu Chilisiti mwe tuhave swe vana vakwe uwene, inza she zizyo akasime palukasamo lwakwe,

VaEfeso 1:5 ပူးပေါင်းရင်းမြစ်များ

Matayi 1:25

Ileelo vhatámanyiine fwe vhantu vhe vhimaliine kufishila ahavhaliilizyo he uMaliiya ahapaapa umwana uyo. Pe uYoosefu ahamwita izina ilya Yeesu.

Matayi 11:26

Nalyoli Taata, isho vwe usungwilwe.

uLuuka 10:21

Ahavhaliilizyo hanaaho, uMupepo uMufinjile ahaamupa uYeesu kuseshela nkaani, ahati, “We Taata, MWENE wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu vhe vhakuyiisya inza avhaana avhansi. Nalyoli Taata, isho vwe usungwilwe.”

uLuuka 11:32

Havhili isiku ilya vhulonzi, avhantu avha mu Nineewe vhoope vhaliyimiilila kuvhalonga imwe mwe vhantu avha havhaliilizyo iha, kuuti mwe vhavhiivhi. Vhalivhalonga, mwe pe lwe uYoona akumusya izwi ilya Mulungu ku mwavho, vhátonsite imbiivhi zyavho. Ileelo ipa ndiipo ne mupiti kuluusya uYoona!”

uLuuka 12:32

“Mutogopaje, imwe mwe muli impuga inyinsi, mwe pe uTaata wiitu uwa ku mwanya asungwilwe kuuvhapa uvhumwene vhwakwe.

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

Yohani 11:52

Havhili uYeesu te kuuti afwe kuzya Vhayuuda vheeka vhweleele, nkandi na kuzya kuuti avhavhungaanishe avhaana vha Mulungu vhe vhasaasite, inga vhavhe pooka.

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

iMbombo izya Vhatumwa 13:48

Avhantu vhe te Vhayuuda, lwe vhiivwa amazwi igo, vhahaseshela, vhahalitiima izwi ilya Mwene uYeesu. Vhonti vhe vhasavhuliilwe kuvha nu vhulanzi uvhwa shiima shiima, vhahamwitiha uMwene.

VaLoma 8:23

Havhili, te vwe vipelwa vweka vwe vikuvhuvhula ku vhuvhaavi. Niiswe vhweleele tukuvhuvhula nkaani mu mooyo giitu, poosye inga tupeliilwe uMupepo uMufinjile we shipeelwa ishitanzi isha Mulungu. Tukuvhuvhula, mwe pe tukuguliilila kuuti uMulungu aatupe amaha gonti aga kuvha swe vhaana vhaakwe, kwe kuuti, kugatavhula amavhili giitu.

1 VaKolinti 1:1

Ukalaata uno nsimvile neene ne Paavhuli, ne uMulungu aniisite kuuti mbe ne mutumwa uwa Chilisiti uYeesu ku lukasamo lwakwe. Ine nu wamwitu uSositeeni,

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

2 VaKolinti 6:18

Havhili uMWENE uMulungu uwa Maha Gonti akuyanga akuti, “Kwe mbe ne Taata wiinyu, niimwe kwe muvhe mwe vhaana vhaane avhanaavuli na vhalindu.”

VaGalati 3:26

Kwi idala ilya lwitiho, imwe mwenti mwe vhaana vha Mulungu, mwe pe musopenkiine nu Chilisiti uYeesu.

VaEfeso 1:11

Ivintu vwonti vikuvhombeha kulandatana nu lukasamo nu vhwamuzi uvhwa Mulungu. Woope uMulungu kufuma hali átusavhuuye iswe swe Vhayuuda, kuuti tuvhe swe vhaana vhaakwe kwi idala ilya kusopenkana nu Chilisiti.

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Kolosi 1:19

UMulungu wuuyo ásungwilwe kuuti uvhulunjisu vhwakwe vhwonti vhuvhe mwa Mwana.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

VaHebuli 2:4

UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

Ishitushizya 21:7

Ula we alipoota indingo, aliposheela isho, niine ndiivha ne Mulungu waakwe, woope aliivha mwana waane.