VaEfeso 1:4 - ULufingwi uLupwa

⁴ Lwe uMulungu ashiili kupela insi, átusavhuuye kuuti tuvhe swe vhantu vhaakwe kwi idala ilya kusopenkana kwitu nu Chilisiti. Ávhomvile vhwevhulo, inga tuvhe swe vhafinjile ishisita ulukwinkwino pilongolela lyakwe. Mwe pe átukunzite,

Tesitamenti Umupwa 1965

⁴ Shʼuwene atusavuliye mwa Chilisiti, lwʼinsi yishili nukwalwa, ukuti tuvanje swe vafinjile avasitamazota kuminso kukwakwe.

VaEfeso 1:4 ပူးပေါင်းရင်းမြစ်များ

Matayi 24:22

Inga uMulungu atazivhiihaje insiku izyo izya mayimba kuvha nyinsi, umuntu nuumo we aamile apokwaje. Ileelo kuzya vhasaavhulwa vhaakwe, uMulungu alizivhiiha insiku izyo kuvha nyinsi.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 24:31

Pe ndivhasonteelezya avhahavhizya vhaane ni isaji lye lilikuutaga kwi izwi ipiti. Vhalivhavhungaaniha avhasaavhulwa vhonti avha Mulungu kufuma imbazu zyonti zine izya nsi, kwandila uluvhazu ulwa kwanda kwe insi yanzite, kufishila kwe yisiliiye.”

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Yohani 10:16

Ine indi ni ngʼonzi izyamwavho zye naazimo mwi ivhiji ili, zyope nkwanzilwa inzileete umu. Ingʼonzi izyo, zyope kwe zilimanye izwi lyane. Kwi idala ilyo, kwe yivhe impuga yooka nu mudiimi wooka.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

iMbombo izya Vhatumwa 13:48

Avhantu vhe te Vhayuuda, lwe vhiivwa amazwi igo, vhahaseshela, vhahalitiima izwi ilya Mwene uYeesu. Vhonti vhe vhasavhuliilwe kuvha nu vhulanzi uvhwa shiima shiima, vhahamwitiha uMwene.

iMbombo izya Vhatumwa 15:18

inongwa zye zyámanyisile kufuma hali.”

iMbombo izya Vhatumwa 18:10

Ine indi pooka niiwe, naawumo we angakuvhuushila kuuti akuvwalazye, mwe pe inkaaya ino yili na vhantu avhinji vhe vhali uluvhazu lwane.”

VaLoma 8:33

Nalyoli naawumo we angavhalonjeelela avhasaavhulwa avha Mulungu, mwe pe uMulungu wuuyo we akuvhavhaazya kuuti vhagolosu.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

VaEfeso 3:17

Havhili nkuvhalaavhila kuuti, kwi idala ilya lwitiho, uChilisiti atendamaje mu mooyo giinyu. Ipo pe ishikunzi shaakwe, shiliivha shivhapiiye amaha aga kusimpa inza ikwi lye lyisiizye nkaani amazi gaakwe pansi, poosye inza inyumba ye yizengwilwe pa lwalo ulugomu.

VaEfeso 4:2

Muvhanje nu vhwahayiisye, havhili muvhanje mwe vhatonsu ku zyonti. Mujimbililanaje nu kuswilana ku shikunzi.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

VaEfeso 5:27

Ávhomvile vhwevhulo, inga ayileetele ishivhanza she shizelufile, ishisita amabada poosye amankunya, poosye uvhuvhiivhi vhwonti inza uvhwo. Aliyileetela ishivhanza she shifinjile, havhili ishisita ulukwinkwino.

Filipi 2:15

Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.

Kolosi 1:22

Ileelo ishi, uMulungu avhakundiinye nu weene kwi idala ilya muvhili uwa Chilisiti, kwe kuuti kufwa kwakwe. Avhomvile vhwevhulo inga avhaleete pilongolela lyakwe she mwe vhafinjile, ishisita amabada poosye ulukwinkwino.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

1 VaTesaloniki 3:12

UMwene aavhape ishikunzi isha kukundana mweka nu kuvhakunda avhanji vhonti, inza iswe vwe tuvhakunzite imwe.

1 VaTesaloniki 4:7

UMulungu atahatwita kuvhomba uvhuvhembu, nkandi kuuti tutendamaje mu vhufinjile.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

1 Peteli 1:20

UMulungu ámusavhuuye uChilisiti uyo kufuma ku vhwandilo lwe insi yishiili kupelwa, ileelo ahaguliilila kufishila insiku izi izya kumpeleela. Pe ahamulolesya apazelu ku vhantu vhonti ku zyinyu.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.

1 Yohani 4:16

Ishi, iswe tumanyile nu kwitiha kuuti uMulungu atukunzite. UMulungu shikunzi. Wonti we akulandila ku shikunzi, we akulandila ku vhuliilani nu Mulungu, woope uMulungu akulandila ku vhuliilani nu weene.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!