VaEfeso 1:23 - ULufingwi uLupwa

²³ mwe pe shoope ishivhanza shili inza umuvhili ku kwakwe. Havhili vhulunjisu vhwakwe, uweene we akuvilunjisya ivintu vwonti ponti.

Tesitamenti Umupwa 1965

²³ she we muvili wakwe, kwe kukwila kwʼuno wʼakwiliye mwonti muli zyonti.

VaEfeso 1:23 ပူးပေါင်းရင်းမြစ်များ

Yohani 1:16

Kufumiilana nu vhudumbwe uvhwa vhwila vhwakwe, iswe swenti uMulungu atufwiliiye uvhwila, havhili kwe ajendeelele kutufwila uvhwila ahavhaliilizyo honti.

VaLoma 13:5

Kuli izyo, mukwanzilwa kuvhashindiha avhalongozi, te kuuti, mwe pe mukwogopa uvhuhalazu uvhwa Mulungu, nkandi, mwe pe mumanyile mu mooyo giinyu kuuti hinza kuvhomba vhwevhulo.

1 VaKolinti 12:6

Havhili kuvhomba imbombo kuli ukwa mavhiila mu mavhiila, ileelo uMulungu we wewuula we akuuvhapa avhantu vhonti amaha aga kuvhomba imbombo izyo.

1 VaKolinti 15:28

Havhili lwe avivhiiha ivintu vwonti mu maha aga Mwana waakwe, woope uMwana aliyivhiiha mu maha aga Taata waakwe uMulungu, we avivhiisile ivintu vwonti mu maha aga Mwana waakwe, inga uMulungu avhe Mupiti uwa vwonti.

VaEfeso 2:16

Kwi idala ilya kufwa pa shihovhenkanyo, áyefwizye uvhulugu uvhwa Vhayuuda na vhe te Vhayuuda nu kuvhavhiiha impuga yooka. Havhili ahavhakundanya vhonti nu Mulungu.

VaEfeso 3:10

UMulungu ali nu vhushindamu uvhwa njeele mu zyonti zye akuvhomba. Pe akuvhalolesya avhantu ulukasamo lwakwe, inga kutuushila ku vhantu vhe vhakumwitiha uChilisiti, avhamanyisye vhe vhakukonzya na vhe vhali na maha mu nsi ye yitakuloleha pa minso amazelu, uvhushindamu uvhwa njeele uvhwo.

VaEfeso 3:19

Nkulaavha kuuti, mumanye vwe ishikunzi isha Chilisiti shili uvhupiti, isheene shikuluusya uvhumanyinsanyi vhwinyu. Pe kwe muvhe mwe vhalunjisu inza uMulungu.

VaEfeso 4:10

Uweene we áyiisile mu nsi umu we ázuvile nu kupeelwa uvhupiti ku mwanya, inga alunjisye zyonti.

VaEfeso 4:12

Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

VaEfeso 4:13

Ishivhanza shizengwe, kufishila pe ulwitiho lwitu swenti lwavha lwoka na pe twamumanya uMwana wa Mulungu, kwe kuuti, kufishila pe twakula nu kugoma nu kuvhufishila uvhulunjisu uvhupiti inza uvhwa Chilisiti.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

Kolosi 2:19

Uyo ayefwizye kwa Chilisiti we akulongozya avhantu vhaakwe inza itwe vwe likulongozya umuvhili. Itwe lisopenkiine nu muvhili kutuushila impinga ni nkole. Kufuma kwi itwe kwe umuvhili wonti wukuposheela ishaakulya nu kukula inza vwe uMulungu akwanza.

Kolosi 3:11

Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.